Morgunblaðið - Sunnudagur - 18.02.2018, Blaðsíða 2

Hvernig urðu Hollvinasamtök Sjúkra-
hússins á Akureyri til?
„Stofnandinn var Stefán Gunnlaugsson. Hann
veiktist og lá lengi á spítala, lengst af hér á Akur-
eyri, og komst að því að hann var í 20 eða 30 ára
gömlu sjúkrarúmi. Eftir því sem hann talaði
meira við starfsfólkið fylltist hann löngun til
að bæta aðstöðuna, hafði samband við mig og
við fengum fleiri til liðs við okkur. Samtökin
voru svo stofnuð 13. desember 2013.“
Hvað kom til að þú tókst að þér
formennsku?
„Ég gat ekki sagt nei við Stebba Gull! Hann
sagði mér í byrjun að ég gæti byrjað að
ígrunda það að láta af störfum annaðhvort
þegar félagarnir væru orðnir 10 þúsund eða
ég búinn að vera formaður í 10 ár, sem mér
þótti nokkuð strangt! Nú er Stefán fallinn
frá, stjórnin ákveður hver er í forsvari fyrir
hópinn og ég hef svo sem ekki þungar áhyggj-
ur af því að mér verði velt úr sessi.“
Hve margir eru meðlimirnir?
„Um 3.000 félagar eru í hollvinasamtökunum og
greiða árgjald. Auðvitað vildum við sjá ennþá
fleiri en okkur hefur þó gengið bærilega að fjölga
félögunum. Við fáum ágætis tekjugrunn í gegnum
árgjöldin, um 15 milljónir króna á ári.“
Hve miklu hafið þið safnað?
„Það sem við höfum safnað ein og sér losar 200 millj-
ónir en þegar við öflum peninga ræðum við oft við hin
og þessi félagasamtök og þá hafa þau oft gert eitthvað
fyrir sjúkrahúsið án þess að við séum milliliðir, þótt við
höfum jafnvel átt þátt í því. Ég hitti til dæmis for-
svarsmenn Oddfellowreglunnar þegar við söfnuðum
fyrir ristilspeglunarvél, þeir styrktu þá söfnun og
upplýstu mig í leiðinni um að stórafmæli væri fram
undan hjá þeim og meiningin væri að gera eitthvað
rausnarlegt. Þeir settu svo um 20 milljónir í endur-
nýjun bráðamóttökunnar.“
Starf samtakanna er væntanlega eilífð-
arverkefni. Hvað er helst fram undan?
„Við erum með lista frá lækningaforstjóranum og
kaupum stöðugt eitthvað, þótt það sé ekki jafn dýrt
og ferðafóstran, sem við afhentum um síðustu
helgi. Hún er, í krónum talið, það stærsta
hingað til. En næsta stóra verkefni er
endurnýjum tækja á skurðdeildum.“
Morgunblaðið/Skapti Hallgrímsson
JÓHANNES G. BJARNASON
SITUR FYRIR SVÖRUM
Liðlega 200
milljónir
Í FÓKUS
2 MORGUNBLAÐIÐ SUNNUDAGUR 18.2. 2018
Ritstjórn
Árni Matthíasson arnim@mbl.is Ásdís Ásgeirsdóttir asdis@mbl.is Einar Falur Ingólfsson efi@mbl.is Inga Rún Sigurðardóttir ingarun@mbl.is Júlía Margrét Alexandersdóttir julia@mbl.is Orri Páll Ormarsson
orri@mbl.is Sigurborg Selma Karlsdóttir sigurborg@mbl.is Silja Björk Huldudóttir silja@mbl.is Skapti Hallgrímsson skapti@mbl.is
Aldavinur minn náði þeim merka áfanga fyrr í þessum mánuði aðverða 47 ára. Ég sló á þráðinn til hans af því tilefni og bar hann sigbýsna vel, miðað við aldur og fyrri störf. Viðurkenndi þó að sér hefði
brugðið lítið eitt þegar vinnufélagi hans færði honum þá afmæliskveðju að
nú þyrfti hann senn að fara að koma sér upp öðru setti af svörtum jakka-
fötum.
„Nú?“ spurði vinurinn.
„Jú, sjáðu til. Þú ert kominn á þann aldur að jarðarförum sem þú þarft að
sækja fer ört fjölgandi,“ svaraði vinnufélaginn.
Við hlógum dátt að þessu, félag-
arnir, enda finnst okkur við alltaf
vera tólf ára að sparka tuðrunni í
svalahurðina hjá Ella Færeyingi
heima í Þorpinu á Akureyri. Annars
er best að fara varlega í þeirri upp-
rifjun; ég lenti nefnilega einu sinni í
því þegar ég sagði þessa sögu að
viðstöddu fjölmenni að einn úr
hópnum rétti upp hönd og upplýsti:
„Elli Færeyingur var afi minn!“
En það er allt önnur saga.
Sjálfur var ég minntur á dauð-
leika minn hér í Móunum í vikunni.
Ég var þá að ræða sviplegt fráfall Jóhanns Jóhannssonar tónskálds við djúp-
spakan vinnufélaga minn, sem gengur ekki að ósekju undir nafninu „páfinn“
eða „hinn æðsti páfi“ hér á ritstjórninni.
„Já, þetta er fljótt að gerast,“ sagði páfinn. „Maður veit aldrei hver er
næstur!“
Að svo mæltu stóð hann upp og faðmaði mig innilega að sér; ef ske kynni
að ég yrði næstur á útkallslista almættisins.
Páfinn faðmar mig raunar alltaf annað slagið að sér enda sannfærður um
að menn faðmist aldrei of oft í þessu lífi. „Maður faðmar ekki þá sem eru
farnir,“ segir hann og hefur þar lög að mæla. Engin trygging er heldur fyrir
því að faðmlög séu í boði í heiminum/heimunum hér fyrir handan.
Vel að merkja. Við íslenskir karlmenn fáum þarfa áminningu innar í þessu
blaði en tvö spænsk sprund, sem Ásdís Ásgeirsdóttir blaðamaður hitti á
förnum vegi, hafa allt gott um Ísland að segja – nema hvað innfæddir karl-
menn séu of kaldir og lokaðir. Þá heilsist allir hér um slóðir með handabandi.
Hvernig væri að breyta þessu í eitt skipti fyrir öll með páfatilskipun!?
AFP
Jarðarförum fer
fjölgandi, lagsi!
Pistill
Orri Páll
Ormarsson
orri@mbl.is
’Að svo mæltu stóðhann upp og faðmaðimig innilega að sér; ef skekynni að ég yrði næstur á
útkallslista almættisins.
Edda Sigfúsdóttir
Ég æfi crossfit, syng í kór og eyði
tíma með fjölskyldunni.
SPURNING
DAGSINS
Hvað
gerir þú í
frístund-
um?
Kópur Árnason
Ég les og kíki í símann.
Bergþóra Guðmundsdóttir
Þesssa dagana eyði ég langflestum
frístundum með barninu mínu, tíu
mánaða.
Anton Andri Guðmundsson
Ég ferðast, stunda íþróttir og er
með fjölskyldu og vinum.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Ásdís Ásgeirsdóttir
Jóhannes Gunnar Bjarnason er formaður Hollvinasamtaka
Sjúkrahússins á Akureyri. Hollvinir færðu stofnuninni á
dögunum ferðafóstru að verðmæti um 30 milljónir króna.