Morgunblaðið - 09.03.2018, Page 14

14 FRÉTTIRInnlent
MORGUNBLAÐIÐ FÖSTUDAGUR 9. MARS 2018
Með því að velja hráefnið
af kostgæfni, nota engin aukaefni
og hafa verkhefðir fyrri tíma
í hávegum, framleiðum við
heilnæmar og bragðgóðar
sjávarafurðir.
Söluaðilar:
10-11, Hagkaup, Iceland
verslanir, Kvosin, Melabúðin,
Nettó, Samkaup,
Sunnubúðin, Pure Food Hall
flugstöðinni Keflavík.
Nýjar vörur frá geoSilica
Kísill Íslenskt kísilsteinefni
Recover Fyrir vöðva og taugar
Renew Fyrir húð, hár og neglur
Repair Fyrir bein og liði
Fæst í öllum helstu apótekum, heilsuvöruverslunum,
Hagkaupum, Nettó, Fjarðarkaupum og vefverslun geoSilica.
Nánari upplýsingar má finna á www.geosilica.is
BAKSVIÐ
Ágúst Ingi Jónsson
aij@mbl.is
„Þróun í smíði skemmtiferðaskipa
og búnaði þeirra er ótrúlega hröð
þar sem umhverfismál og orkunýt-
ing eru í forgrunni,“ segir Pétur
Ólafsson, formaður samtakanna
Cruise Iceland og
hafnarstjóri á
Akureyri. Hann
segir að mörg
skemmtiferða-
skip séu í smíðum
og mörg þeirra
verði knúin nátt-
úrugasi. Brýnt sé
að huga að því að
koma upp birgða-
stöð fyrir nátt-
úrugas (LNG) og
hafi hann m.a. átt í viðræðum við ol-
íufélög um uppbyggingu slíkrar
stöðvar. Þar telji hann að staðsetn-
ing í Dysnesi við Eyjafjörð komi vel
til greina.
Fylgdarskip með gas
„Sumarið 2019 er væntanlegt
hingað lítið skemmtiferðaskip sem
verður knúið með LNG,“ segir Pét-
ur. „Þetta skip verður í ferðum við
landið lungann úr sumrinu og þar
sem engin birgðastöð með þessu
eldsneyti er hérlendis mun minna
fylgdarskip með birgðir væntanlega
fylgja því. Við höfum því þrýst á að
olíufélögin komi að því að koma upp
LNG-stöð og höfum nefnt Dysnes í
Eyjafirði í því sambandi. Slík stöð
myndi ekki aðeins geta þjónað
skemmtiferðaskipum heldur einnig
annarri umferð á norðurslóðum,“
segir Pétur.
Samkvæmt upplýsingum Péturs
er reiknað með að 95 skemmti-
ferðaskip verði smíðuð fram til 2026.
Af þeim verða 18 knúin með nátt-
úrugasi og 22 þessara skipa verða
sérsmíðuð fyrir heimskautasvæðin.
Hönnun þeirra allra miðar að því að
gera þau umhverfisvænni en áður.
Pétur segir að um borð í skipun-
um sé lögð áhersla á flokkun sorps
og í nýrri skipum komi sorpið pakk-
að og pressað til móttökuaðila í höfn.
Útgerðir skemmtiferðaskipa leggi
metnað í að þetta sé vel gert og upp-
fylli þær kröfur sem Umhverfis-
stofnun setur.
Þegar skemmtiferðaskip leggist
að bryggju í íslenskri höfn sé slökkt
á aðalvélum, en ljósavélar séu hins
vegar áfram í gangi enda orkuþörfin
mikil. Íslenskar hafnir eigi að
óbreyttu ekki möguleika á að fjár-
magna landtengingar stórra skipa
án verulegrar aðstoðar ríkisins, enda
um milljarða fjárfestingar að ræða.
Hafnasamlag Norðurlands fyrir-
hugar að endurbyggja Torfunefs-
bryggju í miðbæ Akureyrar á næstu
tveimur árum. Þar munu minnstu
skemmtiferðaskipin geta lagst við
bryggju í framtíðinni. Þessi skip
þurfa 2-3 megavött og eru höfnin og
Norðurorka að kanna hvort það
gangi upp að tengja þessi minni skip
við rafmagn við bryggjuna í framtíð-
inni.
Skógræktarátak hafnarinnar
Pétur segir að Akureyrarhöfn sé
umhugað um umhverfismál og kol-
efnisjöfnun. Þannig standi höfnin
fyrir skógræktarátaki þar sem
greitt sé fyrir tvö þúsund tré á ári
vegna þeirra skemmtiferðaskipa
sem hafa viðdvöl í bænum. Auk þess
bjóðist farþegum að greiða fyrir sinn
hlut í losuninni og kostar hvert tré
tvær evrur. Það framtak vakti at-
hygli út fyrir landsteinana og voru
farþegar duglegir að leggja sitt af
mörkum.
„Við hyggjumst bæta í á þessu ári
og fjölga trjám í átakinu,“ segir Pét-
ur. Trén eru gróðursett í grænan
trefil í kringum bæinn og er verk-
efnið unnið í samstarfi við Akureyr-
arbæ, Vistorku og Skógræktarfélag
Eyfirðinga. aij@mbl.is
Hröð þróun í smíði nýrra skipa
 Umhverfið og orkan ofarlega á baugi við hönnun skemmtiferðaskipa  Brýnt að koma upp birgða-
stöð fyrir náttúrugas  Dysnes nefnt til sögunnar  Landtenging á rafmagni fyrir minni skip í athugun
Framtíðin Stöðugt fleiri skemmtiferðaskip eru búin sólarrafhlöðum til þess að draga úr mengun, en sólarsellurnar virka einnig sem segl.
Pétur
Ólafsson Tölvumynd/OLIVER DESIGN
Alls tóku 14 hafnir hringinn í
kringum landið á móti skemmti-
ferðaskipum á síðasta ári. Lang-
stærstar eru Reykjavík, Akur-
eyri og Ísafjarðarhöfn hvað
varðar fjölda farþega. Reykja-
víkurhöfn tekur við flestum far-
þegum og stærstu skipin koma
þangað, en mörg þeirra fara
einnig til Akureyrar og sum til
Ísafjarðar.
Fleiri skip komu hins vegar til
Hafnasamlags Norðurlands í
fyrra en Faxaflóahafna, eða 172
skip á móti 135, en mörg minni
skemmtiferðaskipanna koma ein-
göngu á minni hafnirnar. Innan
Faxaflóahafna eru m.a. Reykja-
vík og Akranes, en innan Hafna-
samlagsins m.a. Akureyri, Gríms-
ey og Hrísey.
Fleiri hafnir í startholunum
Fleiri hafnir hérlendis hafa
tekið á móti skemmtiferðaskip-
um en þær 14 sem taldar eru
upp í meðfylgjandi töflu, en til
dæmis kom ekkert skip til Hafn-
ar í Hornafirði í fyrra. Þá eru
fleiri hafnir í startholunum og
Raufarhöfn og Skagafjörður eru
nýir aðilar innan samtakanna.
Að samtökunum Cruise Iceland
standa hafnir og fyrirtæki sem
starfa í þessum geira.
Samkvæmt samantekt samtak-
anna skildu útgerðir, farþegar
og áhafnir skemmtiferðaskipa
eftir 7-8 milljarða króna hér á
landi í fyrra. Pétur Ólafsson, for-
maður Cruise Iceland og hafnar-
stjóri á Akureyri, segir að hér
verði til um 300 heilsársstörf
vegna komu skipanna, mörg
þeirra séu á landsbyggðinni.
Hagsmunir fyrir marga
Margir hafa hagsmuni af komu
skipanna. Nefna má að fyrirtæki
í ferðaþjónustu skipuleggja ferðir
og rútufyrirtæki og leiðsögumenn
koma ferðamönnum á leiðarenda.
Birgjar sjá um aðföng og nefna
má þjónustu skemmtikrafta, við-
gerðarþjónustu, sorphirðu og
margt fleira. Umboðsmenn þjón-
usta skipin, annast samskipti við
hafnir, opinbera aðila og birgja.
Ríkið fær skatttekjur í formi vita-
og tollafgreiðslugjalda og hafn-
irnar tekjur af hafna- og þjón-
ustugjöldum.
Samkvæmt upplýsingum Péturs
fóru um níu þúsund farþegar í
hringsiglingar um Ísland í fyrra.
Þessir farþegar komu flestir með
flugi til landsins. Flestir þeirra
stoppa í 3-5 daga fyrir eða eftir
ferðina hér á landi og búa þann
tíma á hótelum í alls hátt í 40
þúsund gistinætur. Oft er einnig
gist á hótelum hérlendis, einkum
á suðvesturhorninu, þegar far-
þegahópum er skipt út hér á
landi.
Margir koma aftur
Í fyrirlestri, sem Pétur hélt
fyrir ferðaþjónustufyrirtæki og
fleiri á Akureyri nýverið, kom
fram að margir farþegar
skemmtiferðaskipa heillast af
landi og þjóð og koma hingað aft-
ur til lengri dvalar. Til að dreifa
álagi um landið er reynt að
markaðssetja Ísland sem við-
komustað fyrir smærri skip. Þau
komast í fleiri hafnir og fleiri
njóta góðs af komu þeirra.
Pétur segir að Cruise Iceland
vinni að ýmsum sameiginlegum
málum fyrir hafnir og fyrirtæki í
samtökunum. Einkum á það við
um aðstöðu í höfnum og bætta
innviði fyrir skip og farþega, en
einnig markaðsmál svo tveir
þættir séu nefndir. aij@mbl.is
Skildu eftir 7-8 milljarða
króna hér á landi í fyrra
Fjöldi farþega með skemmtiferðaskipum 2017
Heimild: Cruise Iceland
Farþegafjöldi
Reykjavík 128.094
Akureyri 109.365
Ísafjörður 78.732
Seyðisfjörður 19.973
Vestmannaeyjar 12.138
Grundarfjörður 11.142
Djúpivogur 9.365
Farþegafjöldi
Hafnarfjörður 7.635
Húsavík 6.971
Grímsey 6.200
Siglufjörður 4.610
Eskifjörður 4.121
Stykkishólmur 2.471
Akranes 181
 Flestir farþegar til Reykjavíkur  Fleiri skemmtiferða-
skip norður  Um níu þúsund farþegar fóru í hringsiglingu