Morgunblaðið - 09.03.2018, Qupperneq 20

20 FRÉTTIRErlent
MORGUNBLAÐIÐ FÖSTUDAGUR 9. MARS 2018
Kona þerraði tárin þar sem hún gekk í mótmæla-
göngu í Manila á Filippseyjum á alþjóðlegum
baráttudegi kvenna í gær. Á meðal kvenna í
göngunni voru konur sem átt höfðu ástvini sem
teknir höfðu verið af lífi án dóms og laga.
Konur efndu víða til mótmælaaðgerða. Á
Spáni blésu konur til eins dags verkfalls til að
krefjast aukinna réttinda. Meira en 300 lestar-
ferðum var aflýst og vinna lá víða niðri.
Alþjóðlegur baráttudagur kvenna var haldinn hátíðlegur í gær
AFP
Konur mótmæltu misrétti víða um heim
Árás á fyrrverandi rússneskan
njósnara með taugaeitri nýlega hef-
ur beint athyglinni að samfélagi
Rússa í London. Það hefur oft og tíð-
um þótt bera vott um glæsibrag en
minna um leið á grugguga fortíð og
leynimakk, að því er fram kemur í
frétt AFP-fréttastofunnar.
Njósnarinn fyrrverandi, Sergei
Skripal sem áður lék tveim skjöldum
og Júlía dóttir hans liggja meðvit-
undarlaus á sjúkrahúsi eftir að ráðist
var á þau í heimabæ þeirra Salisbury
á sunnudaginn var. Skripal er 66 ára
og tilheyrir allstórum hópi Rússa
sem búa í Bretlandi. Flestir eru í
London þar sem 100 þúsund Rússar
búa, fleiri en í nokkurri annarri höf-
uðborg Evrópu, utan Rússlands.
Tungumálið er talið eiga sinn þátt en
enska er vinsælasta erlenda tungu-
málið í Rússlandi. Auk þess er auð-
velt að stunda viðskipti og fjár-
magnsflutninga í Bretlandi.
„Bandaríkin eru langt í burtu, ef
þú heldur áfram einhverjum umsvif-
um sem tengjast Rússlandi þá er
betra að vera í Bretlandi,“ sagði Júrí
Felshtinskí, sagnfræðingur og vinur
Alexanders Litvinenko, fyrrverandi
útsendara rússnesku öryggislög-
reglunnar FSB, sem eitrað var fyrir
í London með geislavirku eitri 2006.
„Það er auðveldara að byggja upp
rekstur í Bretlandi og það er auð-
veldara að vera ríkur í London … í
Frakklandi þætti þér líklega óþægi-
legra að keyra á rosalega dýrum bíl,“
sagði hann í samtali við AFP.
Því fer fjarri að allir Rússar í
London séu auðugir. Í rússneskum
útvarpsþætti árið 2015, þar sem hug-
takið „Londongrad“ var notað, var
reynt að gera grein fyrir fjölbreytni
rússneska samfélagsins í borginni.
Þeir ríku berast gjarnan mikið á
og lifa glæsilífi sem vekur athygli.
Þáttaröð BBC „McMafia“ sem
send var út fyrr á árinu hefur dregið
upp dekkri mynd í huga margra
Breta. Þar er fylgst með tungulipr-
um bankamanni, menntuðum í Bret-
landi, sem dregst inn í erjur fjöl-
skyldu sinnar í Rússlandi. Þannig
leiðist hann inn í heim skipulagðrar
glæpastarfsemi og peningaþvættis.
Það orð hefur löngum farið af Lond-
on að það sé rétti staðurinn til að
þvætta óhreina peninga, þótt reynt
sé að sporna við því. gudni@mbl.is
Athygli beinist að Rússum í London
 Um 100.000 Rússar búa í London  Sumir þeirra eru auðugir og berast mikið á  Enskan laðar
Rússa til að flytja til Bretlands  Auðvelt er að stunda viðskipti og fjármagnsflutninga í Bretlandi
AFP
London Það er auðvelt að eyða pen-
ingunum í Harrods-versluninni.
Mateusz Morawiecki, forsætisráð-
herra Póllands, afhenti í Brussel í
gær ítarlega málsvörn pólskra stjórn-
valda fyrir umdeildum breytingum á
dómskerfinu og varaði við því að
refsiaðgerðir af hálfu Evrópusam-
bandsins gætu leitt til aukinnar and-
úðar í garð þess meðal Pólverja og
uppgangs lýðskrumshreyfinga sem
vildu afnema eða veikja ESB.
ESB hóf í desember undirbúning
að því að refsa Pólverjum vegna
breytinganna þar sem af þeim stafaði
ógn við sjálfstæði dómstóla landsins.
Fengu pólsk stjórnvöld frest til 20.
mars til að draga í land.
„Við gerum ráð fyrir því að rækileg
greining verði gerð á þessu skjali,“
sagði Morawiecki á blaðamannafundi
eftir að hann afhenti Jean-Claude
Juncker, forseta framkvæmdastjórn-
ar ESB, málsvörnina.
Pólverjar eiga yfir höfði sér að
verða sviptir atkvæðisrétti í sam-
bandinu. Í grein sjö í Lissabon-sátt-
málanum er kveðið á um að grípa
megi til slíkra aðgerða sé réttarkerfi
aðildarríkis í hættu. Greininni hefur
aldrei verið beitt. Ungverjar, sem
einnig hafa átt í deilum við ESB út af
lýðræði, hafa sagst munu beita neit-
unarvaldi til að koma í veg fyrir slíkt.
Í málsvörninni segir að umbóta sé
þörf til að berjast gegn spillingu og
losna við eftirlegukindur frá tímum
kommúnista. Umdeildasta breytingin
er að þing og ráðherrar skipi dómara í
hæstarétt og nefnd, sem gefur álit um
framgang dómara. Hingað til hafa
dómarar séð um þessar skipanir.
Einnig segir að eftir breytingarnar
njóti dómstólar sama sjálfstæðis og
breskir, danskir, franskir, hollenskir,
spænskir og þýskir dómstólar.
Pólverjar grípa
til varna í Brussel
 Morawiecki
varar ESB við að
grípa til refsinga
AFP
Faðmlag Mateusz Morawiecki og
Jean-Claude Juncker í Brussel.
Stjórnvöld í
Suður-Kóreu
greindu frá því í
gær að nöfn
þriggja lands-
þekktra lista-
manna, sem sak-
aðir hafa verið
um kynferðis-
brot, yrðu fjar-
lægð úr kennslu-
bókum.
Églíka-hreyfingunni hefur vaxið
fiskur um hrygg í Suður-Kóreu
undanfarið og fjöldi kvenna hefur
kvatt sér hljóðs til að lýsa ofbeldi,
sem þær hafa orðið fyrir af hendi
valdamikilla manna á ýmsum stig-
um þjóðlífsins.
Meðal þeirra, sem sakaðir eru um
kynferðislega áreitni, eru ljóð-
skáldið Ko Un, sem reglulega hefur
verið veðjað á að muni hljóta Nób-
elsverðlaunin í bókmenntum.
Skáldkonan Choi Young-Mi lýsti
reynslu sinni í ljóðinu „Skrímsli“
þannig að ljóst mátti vera að átt var
við Ko og sakaði hann síðar um brot
gagnvart fjölda kvenna.
Hinir eru leikstjórinn Lee Yoon-
taek og leikskáldið Oh Tae-seok.
Þeirra og verka þeirra verður ekki
getið í kennslubókum héðan í frá.
Þurrkaðir út úr
kennslubókum
Ljóðskáldið Ko Un.
SUÐUR-KÓREA