Morgunblaðið - 21.04.2018, Side 2

2 FRÉTTIRInnlent
MORGUNBLAÐIÐ LAUGARDAGUR 21. APRÍL 2018
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Fyrsta landsþing Miðflokksins verð-
ur haldið í Hörpu í Reykjavík í dag
og á morgun, í sölunum Kaldalóni og
Norðurljósum. Fram kemur í frétt á
heimasíðu Mið-
flokksins að
landsþing hefur
æðsta vald í mál-
efnum Miðflokks-
ins, mótar m.a.
stefnu flokksins,
kýs forystu
flokksins, setur
lög hans og
ákvarðar fasta-
nefndir.
Landsþingið er opið öllum fé-
lagsmönnum í Miðflokknum, sam-
kvæmt því sem fram kemur á heima-
síðunni.
Dagskrá landsþingsins hefst kl.
8.30 í dag með skráningu og afhend-
ingu fundargagna. Sigmundur Davíð
Gunnlaugsson, formaður Miðflokks-
ins, setur þingið kl. 9.30.
Eftir hádegishlé verða kynning-
arræður frambjóðenda til embætta
og kosningar til embætta formanns,
varaformanns og 2. varaformanns.
Enginn gegn sitjandi formanni
Sigmundur Davíð býður sig einn
fram til formanns en tilkynna átti nú
að morgni laugardags hverjir byðu
sig fram í varaformannsembættin.
Birgir Þórarinsson alþingismaður
hefur þegar lýst yfir að hann sækist
eftir embætti 1. varaformanns.
Að kosningum loknum verða al-
mennar umræður og málefnastarf.
Dagskrá þingsins í dag lýkur með
kvöldverðarhófi í Norðurljósasal
Hörpu í kvöld. Í fyrramálið verður
þingstörfum fram haldið kl. 10:00
með málefnastarfi. Formaður
flokksins flytur stefnuræðu sína að
afloknu hádegishléi og í kjölfarið af-
greiðir þingið ályktanir þingsins.
Þingslit eru áætluð kl. 16:00 á morg-
un. agnes@mbl.is
Landsþing Mið-
flokksins í Hörpu
 Þingið er opið öllum flokksfélögum
Sigmundur Davíð
Gunnlaugsson
Baldur Arnarson
baldura@mbl.is
Einar Páll Svavarsson, sem er í for-
svari fyrir íbúa í Mánatúni, segir nið-
urstöðu Skipulagsstofnunar varð-
andi breytingar á deiliskipulagi
Borgartúns 24 hljóta að leiða til þess
að hætt verði við áformin. Einar Páll
segir athugasemdir Skipulagsstofn-
unar alvarlegar og áfellisdóm yfir
vinnubrögðum starfsmanna og
nefndarmanna umhverfis- og skipu-
lagsráðs Reykjavíkur.
„Við gerum ráð fyrir því að
Reykjavíkurborg hætti við svokall-
aða breytingu á deiliskipulagi fyrir
lóðina Borgartún 24 í samræmi við
ábendingar Skipulagsstofnunar. Við
teljum einsýnt að breytingin verði
látin niður falla og Reykjavíkurborg
haldi áfram með deiliskipulagsvinn-
una, sem borgin setti sjálf af stað í
nóvember 2014, og vinni þannig eðli-
legt deiliskipulag fyrir reitinn í sam-
ræmi við skipulagslög. Það er ein-
mitt niðurstaða Skipulagsstofnunar,
sem jafnframt bendir á að hin svo-
kallaða breytingartillaga á deili-
skipulagi feli í sér of viðamikla
breytingu til þess að hægt sé að búa
til deiliskipulag fyrir eina lóð. Það
þurfi að taka fyrir allan reitinn sem
afmarkast af Borgartúni, Nóatúni og
Samtúni,“ segir Einar og bendir á að
íbúar hafi bent á þetta frá byrjun.
Kallar á heildarendurskoðun
Fundið er að rammaskipulaginu í
bréfi Skipulagsstofnunar til borgar-
innar. „Skipulagsstofnun vekur at-
hygli á að skv. 2. mgr. 37. gr. skipu-
lagslaga skal deiliskipulag jafnan
taka til svæðis sem myndar heild-
stæða einingu. Með vísan til þeirra
ákvæða telur stofnunin að líta verði
svo á að eins umfangsmiklar breyt-
ingar og ráðgerðar eru á lóð Borgar-
túns 24, borið saman við núverandi
byggðamynstur á reitnum og gild-
andi deiliskipulag reitsins, kalli á
heildarendurskoðun deiliskipulags
götureitsins. Óformleg rammaskipu-
lagsvinna getur ekki komið í stað
lögformlegs deiliskipulags í því
efni,“ segir þar m.a.
Áformuð háhýsabyggð
í Borgartúni í uppnámi
 Fulltrúi íbúa fagnar niðurstöðu Skipulagsstofnunar
Teikning/Yrki arkitektar
Borgartún Hugmynd að turni.
Nú er hægt að fara til Rússlands, á heimsmeistarakeppni karla í
fótbolta, með sérsmíðað handverk á fótunum, en Þráinn skóari á
Grettisgötu hefur hannað HM-skó sem hann hyggst klæðast á
fyrsta leik Íslands í Moskvu.
„Við erum búin að smíða skó í mjög langan tíma og höfum verið
að gera alls kyns og ætlum bara að taka þátt í HM-gleðinni. Við
smíðuðum prufumódelið og ég ætla að fara í þessum skóm á HM,“
segir Þráinn við Morgunblaðið. „Mér finnst þetta svolítið skemmti-
legt að geta tekið þetta alla leið,“ bætir hann við og hlær.
Um eftirspurnina eftir sérsmíðuðum HM-skóm segir Þráinn að
það hafi vakið mikla lukku þegar þetta var gert opinbert á Face-
book og margir hafi spurst fyrir. „Reyndar hafa ýmsir kunningjar
mínir sagt mér að þeim finnist þetta voða hallærislegt og hlæja að
mér, en mér er alveg sama. Þetta er bara gaman,“ staðhæfir skóar-
inn.
Skóarinn síkáti segist vera að fara á HM með sex manna fjöl-
skyldu. „Við erum komin með miða og flug, nú er bara spurning
hvort hótelið verði rifið af okkur,“ segir hann og skellir upp úr.
„Ég og strákurinn vorum að spá í að taka bara með okkur tjald.“
Spurður hvort öll fjölskyldan verði í HM-skóm segir hann að
krökkunum hafi ekki fundist þeir nógu svalir.
Þráinn segist hafa smíðað skó lengi, frá 15 ára aldri, og er versl-
un hans meðal elstu verslana í miðbæ Reykjavíkur, en hún hefur
verið á sama stað í 34 ár. gso@mbl.is Morgunblaðið/Hari
Sérsmíðaðir skór
stuðningsmanna
HM-skór Þráins fullkomna HM-dressið og hafa þeir vakið töluverða gleði
Gunnlaugur Snær Ólafsson
gso@mbl.is
Það er ekki lögbrot fyrir fanga að
strjúka úr fangelsi á Íslandi nema
það sé gert í samráði við aðra fanga.
Páll Winkel fangelsismálastjóri
segir að viðurlög við að strjúka úr
fangelsi séu annars vegar í formi
agaviðurlaga. „Hins vegar ef um er
að ræða samantekin ráð þá er það
refsiverður verknaður,“ segir Páll.
Hann segir agaviðurlög vera allt
frá áminningu, sem eru vægustu við-
urlögin, yfir í einangrunarvist og er
síðari viðurlögunum aðeins beitt
vegna alvarlegustu agabrotanna.
Ofbeldi og strok eru alvarlegustu
agabrotin að sögn Páls. „Strok úr af-
plánun getur haft áhrif á allan fram-
gang fangelsisvistar. Það er tekið
mið af hegðun í fangelsi og þessi brot
falla augljóslega ekki undir góða
hegðun í fangelsi,“ segir hann.
Spurður um afleiðingar agabrota
fyrir fanga segir fangelsismálastjór-
inn að í sumum tilfellum geti þau
haft áhrif á reynslulausn, veitingu
dagsleyfa og vistun utan fangelsa.
Páll staðfestir að agaviðurlögum
gagnvart þeim sem sæta gæsluvarð-
haldi sé aðeins hægt að beita á þeim
tíma sem gæsluvarðhaldsúrskurður
er í gildi. Þar með gæti fangi sem
hefur flúið úr gæsluvarðhaldi komist
hjá því að sæta refsingu, hafi hann
ekki haft samráð við annan fanga.
Þegar grunaður einstaklingur
fæst ekki dæmdur í gæsluvarðhald
getur viðkomandi verið settur í far-
bann.
Farbann stöðvar ekki grunaða
„Það er þannig að viðkomandi fer
á skrá og það á að flagga honum þeg-
ar hann reynir að fara úr landi. Við-
komandi þarf einnig að gefa sig fram
hjá lögreglu með reglubundnum
hætti meðan á farbanninu stendur,“
segir Ólafur Helgi Kjartansson, lög-
reglustjóri á Suðurnesjum.
Ólafur segir mörg dæmi þess að
einstaklingar sem sæta farbanni hafi
komist úr landi.
„Þetta hefur nú gerst ítrekað. Sem
dæmi voru fyrir einhverjum árum
einstaklingar sem grunaðir voru um
nauðgun úrskurðaðir í farbann og
vegabréfin tekin af þeim. Þeir feng-
ust ekki úrskurðaðir í gæsluvarð-
hald. Þeir komust engu að síður úr
landi,“ segir hann.
Rafrænt eftirlit skilvirkara
Að sögn Ólafs er meðal annars
flugrekstraraðilum og þeim sem
annast öryggisleit á Keflavíkurflug-
velli tilkynnt þegar fólk er sett í far-
bann. „Það á náttúrlega að flagga
þeim sem eru í slíkri stöðu við alla,
en því miður hefur það gerst að fólk í
farbanni hafi komist úr landi,“ segir
hann.
Ólafur segir ekkert öruggt í þess-
um efnum fyrr en tekið verður upp
rafrænt eftirlit, sem hann jafnframt
segir gera farbann skilvirkara.
Fram hefur komið í fréttum að
Sindri Þór Stefánsson, sem strauk
úr fangelsinu á Sogni síðastliðinn
þriðjudag, hafi átt vitorðsmenn sem
hafi aðstoðað hann á flótta. Slíkt at-
hæfi gæti leitt til allt að tveggja ára
fangelsisdóms.
Varðar ekki við lög að strjúka
 Fangar í gæsluvarðhaldi gætu komist hjá refsingu við stroki  Grunaðir hafa komist af landi brott
þrátt fyrir farbann  Þörf talin á rafrænu eftirliti með einstaklingum sem úrskurðaðir eru í farbann
Páll
Winkel
Ólafur Helgi
Kjartansson
Fangar sem hafa sammælst um
að hjálpast að við flótta geta átt
yfir höfði sér allt að þriggja ára
fangelsi.
Það varðar við lög að hvetja
eða hjálpa manni að losna úr
haldi yfirvalda. Slíkt getur leitt
til allt að tveggja ára fangelsis.
Að aðstoða einstakling við að
komast undan handtöku eða
refsingu er brot á hegningar-
lögum og getur leitt til eins árs
fangelsis.
Hvergi er kveðið á um bann
við að strjúka úr fangelsi.
Ekki ólöglegt
að strjúka
HEGNINGARLÖG