Morgunblaðið - 22.05.2018, Page 2
2 FRÉTTIRInnlent
MORGUNBLAÐIÐ ÞRIÐJUDAGUR 22. MAÍ 2018
RAFVÖRUR
Dalvegi 16c | 201 Kópavogur | Sími 568 6411 | rafvorur@rafvorur.is
Sorpkvarnir
í vaska
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Byggja íþróttahús fyrir 4,2 milljarða
Áætla að fjölnota íþróttahús í Vetrarmýri í Garðabæ verði tilbúið undir lok árs 2020 Fjármagna
bygginguna m.a. með sölu lóða á svæðinu við Vífilsstaði Framkvæmdir vegna verksins hefjast í haust
Aron Þórður Albertsson
aronthordur@mbl.is
Ráðgert er að framkvæmdir vegna
byggingar fjölnota íþróttahúss í Vetr-
armýri í Garðabæ hefjist í haust.
Áætlaður kostnaður við verkið er um
4,2 milljarðar króna, en Gunnar Ein-
arsson, bæjarstjóri Garðabæjar, seg-
ir að bygging hússins sé hluti af mik-
illi uppbyggingu á svæðinu við
Vífilsstaði.
„Við erum að gera ráð fyrir um
1.500 íbúðum á svæðinu þannig að
bygging íþróttahússins er hluti af
þessari miklu uppbyggingu og þróun
á svæðinu. Við vonum að húsið muni
nýtast íþróttafélögum í Garðabæ
jafnt sem einstaklingum þegar bygg-
ingu þess er lokið,“ segir Gunnar, en
áætluð verklok eru undir lok árs 2020.
Hugmynd ÍAV talin best
Fyrr á þessu ári efndi Garðabær til
hugmyndasamkeppni um hönnun
íþróttahússins, en tilboðin voru opnuð
sl. laugardag. Þar bar tillaga verk-
takafyrirtækisins ÍAV sigur úr být-
um, en í henni er gert ráð fyrir yfir-
byggðum knattspyrnuvelli auk
aðstöðu fyrir aðra íþróttastarfsemi.
„Sigurtillagan er yfirbyggður
knattspyrnuvöllur sem er lengdur um
tuttugu metra. Það gefur möguleika á
ýmiskonar starfsemi á þremur hæð-
um í þeirri lengingu. Þar væri t.d.
hægt að setja líkamsræktarstöð,
skrifstofur íþróttafélaga eða annars-
konar starfsemi,“ segir Gunnar og
bætir við að enn eigi eftir að skipu-
leggja þann hluta hússins sem ekki
verður nýttur undir knattspyrnuvöll.
„Endanleg hönnun hluta hússins
hefur ekki verið ákveðin en við vonum
að húsið muni nýtast öllum bæjar-
búum og öllum aldurshópum,“ segir
Gunnar.
Fjármögnun með sölu lóða
Spurður um fjármögnun íþrótta-
hússins auk annarra bygginga segir
Gunnar að Garðabær muni selja hluta
lóðanna á svæðinu.
„Þetta svæði sem við keyptum í
kringum Vífilsstaði er afar verðmætt
byggingarland. Við sjáum fram á að
selja hluta af því til að standa m.a.
straum af kostnaði við byggingar á
svæðinu,“ segir Gunnar sem vonar að
framkvæmdir geti hafist sem fyrst.
Íþróttahúsið Ráðgert er að fram-
kvæmdum muni ljúka árið 2020.
Tveir erlendir ferðamenn, banda-
rísk hjón, voru úrskurðaðir látnir í
fyrrakvöld eftir slys í Þingvalla-
vatni, fyrir landi Villingavatns, laust
eftir hádegi sl. sunnudag. Ferða-
mennirnir voru karl og kona á fimm-
tugsaldri en þau höfðu verið við
veiðar í vatninu.
Svo virðist sem annað þeirra hafi
hrasað og rekið út á vatnið og í kjöl-
farið hafi hitt farið á eftir og reynt
að koma til bjargar. Sumarbústaða-
eigendur á svæðinu komu fólkinu til
bjargar og var það flutt þaðan á
sjúkrahús í Reykjavík. Þar voru
hjónin úrskurðuð látin en aðstand-
endur þeirra óskuðu eftir því að
nöfn þeirra yrðu ekki gefin upp.
Ferðamennirnir voru frá La Cres-
cent í Minnesota-ríki í Bandaríkj-
unum þar sem hún starfaði sem
dýralæknir en hann sem tæknifræð-
ingur.
Þyrlan sinnti ekki útkallinu
Í kjölfar slyssins óskaði Neyðar-
línan eftir aðstoð þyrlu Landhelg-
isgæslunnar. Þyrlan kom hins vegar
aldrei. Ásgeir Erlendsson, upplýs-
ingafulltrúi Landhelgisgæslunnar,
sagði í samtali við mbl.is í gærkvöld
að ekki hefði verið hægt að sinna út-
kallinu. „Þyrla Landhelgisgæslunn-
ar gat ekki sinnt útkallinu vegna
þess að vakthafandi þyrlusveit upp-
fyllti ekki kröfur um lágmarkshvíld
og því var ekki hægt að kalla þyrl-
una út,“ sagði Ásgeir og bætti við að
miklar annir hefðu verið hjá þyrlu-
sveitinni undanfarna daga. Þyrlu-
sveitin hafði verið virkjuð þrívegis
dagana fyrir fyrrgreint slys.
Í framhaldinu var reynt að manna
aðra vakt með því að kalla fólk úr
fríi en það tókst ekki fyrr en klukk-
an 16 síðdegis.
Ferðamenn létust í slysi
Þyrla Landhelgisgæslunnar gat ekki sinnt útkalli Neyðar-
línunnar vegna slyss erlendra ferðamanna í Þingvallavatni
Morgunblaðið/Árni Sæberg
Þyrlan Ekki var hægt að kalla út
þyrlu Landhelgisgæslunnar.
Fjölmenni mætti í árlega Mótorhjólamessu sem
haldin var í Digraneskirkju að kvöldi annars í
hvítasunnu. Hún var nú haldin í 12. sinn. Messan
er hugsuð sem vettvangur fyrir mótorhjólamenn
til að stilla saman strengi, sýna samhug, virðingu
og láta gott af sér leiða, sem flestir hjólaklúbbarn-
ir gera. Boðið er upp á öll atriði hefðbundinnar
messu á óhefðbundinn hátt í umsjón sr. Gunnars
Sigurjónssonar kraftaklerks. Axel Ómarsson og
Gospelkór Smárakirkju, undir stjórn Matthíasar
V. Baldurssonar, og hljómsveit sáu um tónlist í
messunni og á tónleikum á undan.
Mótorhjólamenn sameinast og láta gott af sér leiða
Morgunblaðið/Kristinn Magnússon
Mótorhjólamessa á annan í hvítasunnu
Icelandic online
er íslensku-
námskeið sem
nýst hefur og nýt-
ast mun íslensku-
nemendum út um
allan heim. Á árs-
fundi stofnunar
Árna Magn-
ússonar opnaði
Lilja Alfreðs-
dóttir, mennta-
og menningar-
málaráðherra, vefgátt sem hýsir
nýjustu gerð námskeiðsins. Þetta
kemur fram á heimasíðu stjórn-
arráðs Íslands.
Frá árinu 2004 hafa yfir 200.000
notendur skráð sig á námskeiðið.
Úlfar Bragason rannsóknar-
prófessor sagði, þegar hann kynnti
vefgáttina, að aldrei hefðu fleiri tal-
að né lært íslensku en nú. Auk
þeirra sem læra málið með hjálp Ice-
landic online fjölgar þeim sem
stunda íslenskunám við erlenda há-
skóla, við Háskóla Íslands (HÍ), Há-
skólasetrið á Vestfjörðum og í náms-
flokkum víða um land. Námsbraut í
íslensku sem annað mál við HÍ nýtur
vinsælda og stunduðu 380 nemendur
nám þar á síðasta ári en það er rúm-
lega tvöföldun á nemendum á 10 ár-
um.
Lilja Alfreðsdóttir, sagði það
gleðilegt að fá góðar fréttir af ís-
lenskunni, og Íslendingar ættu að
þróa og nýta tækni til hagsbóta fyrir
íslenskt málsamfélag. ge@mbl.is
Lilja
Alfreðsdóttir
Íslenskan
breiðist út
Yfir 200.000 læra
íslensku á netinu