Morgunblaðið - 22.05.2018, Blaðsíða 18

18 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 22. MAÍ 2018
Mörkinni 6 - Sími 568 7090 - veidivon@veidivon.is - veidivon.is
Scierra vöðlur og vaðskór
Pakkatilboð
29.990.-
Vatnsfyrirtækið Icelandic Glacial
hefur samið um að minnka kolefna-
fótspor komandi tónleikaraðar
bresku rokksveitarinnar The Roll-
ing Stone.
Tónleikarnir ganga undir heitinu
„No Filter“ en þeir fyrstu fóru fram
í Dublin sl. fimmtudag. Alls verða
þeir 14 í ýmsum höfuðborgum Evr-
ópu, þar á meðal í London, Berlín
og Prag en síðan lýkur tónleikaröð-
inni í Varsjá 8. júlí.
Auk þess að sjá liðsmönnum The
Rolling Stones og aðstoðarmönnum
sveitarinnar fyrir kolefnasnauðu ís-
lensku vatni á öllum viðkomustöð-
um tónleikanna mun Icelandic
Glacial sjá til þess að tómar flöskur
fari í endurvinnslu á hverjum stað.
Með þessu telur hljómsveitin sig
sýna umhverfinu tilhlýðilega virð-
ingu alla leið.
Í tilkynningu kveðst Jón Ólafs-
son, stofnandi og stjórnandi Ice-
landic Glacial, afar ánægður með
samstarfið við The Rolling Stones.
Með því styðji fyrirtækið viðleitni
rokksveitarinnar til að gera tón-
leikana vistvænni.
Vatnið sem The Rolling Stones
mun njóta á tónleikaferðalaginu er
sótt í lindir í Ölfusi og segir að við
framleiðsluna og átöppun þess sé
eingöngu notuð hrein græn orka.
agas@mbl.is
Ljósmynd/Icelandic Glacial
Rokkvænt Icelandic Glacial Water
mun lækka kolefnafótspor nýjustu
tónleikaraðar The Rolling Stones.
Íslenskt
vatn
minnkar
kolefnaspor
VIÐTAL
Ágúst Ásgeirsson
agas@mbl.is
Ný tækni, breyttar kröfur neytenda
og hert regluverk er að breyta lands-
lagi fjármálafyrirtækja og banka, að
sögn Michals Gromek, rannsókna-
prófessors við Stockholm School of
Economics. Um þessa þróun og fram-
tíð fjármálaþjónustu munu hann og
fleiri fyrirlesarar fjalla í erindi á opn-
um fundi fjártæknifyrirtækisins
Framtíðin í Fosshóteli næstkomandi
föstudag, 25. maí. Þar verður staða
fjártækni á Norðurlöndum skoðuð og
skoðað hvort Ísland standist saman-
burð.
Michal Gromek hefur leitt árlega
úttekt á stöðu fjártækni í Svíþjóð og
er einn af höfundum bókarinnar „The
Rise and Development of FinTech“,
sem lýsir breytingum í fjármálaþjón-
ustunni í Svíþjóð. Auk hans heldur er-
indi Johan Lorenzen framkvæmda-
stjóri fjártæknifyrirtækisins Holvi
2013-2017, en hann starfar nú sem
fjárfestir í fjártæknifyrirtækjum og
situr í stjórn nokkurra slíkra.
Svíþjóð og Danmörk hafa verið
leiðandi á sviði fjártækni í heiminum
þar sem farið hefur saman framsækin
tækni, regluverk hins opinbera, gott
aðgengi að fjármagni og hæft starfs-
fólk. Hvergi í heiminum er minna
magn reiðufjár í umferð en þar. Í dag-
legu lífi reiða um 94% Svía sig á nýjar
fjártæknilausnir og fjölmörg stór
fjártæknifyrirtæki hafa rutt sér rúms
í báðum löndum.
Í samtali við Morgunblaðið sagði
Michal Gromek starfsemi fjártækni-
fyrirtækja og hefðbundinna banka
mjög ólíka í sjálfu sér og þjónusta
fyrrnefndu fyrirtækjanna væri ein-
staklingsmiðaðri. „Fintech-fyrirtæk-
in eru ekki keppinautar bankanna
heldur vilja þau geta átt og notið sam-
eiginlegrar tilvistar. Hingað til hefur
það ekki tekist sem best og mikil fyr-
irstaða verið í hefðbundna bankakerf-
inu gegn fjártæknifyrirtækjum, en
þau hafi síðan viljað líta á bankana
sem vonda manninn. Þetta hefur að-
eins verið að breytast og ég mun ræða
í erindi mínu á föstudag um hvernig
nálgast megi það. Kjarni málsins er
að fjármálatæknifyrirtækin og bank-
arnir setjist niður saman og ræði sín á
milli hvernig þeir geta lifað í sátt og
samlyndi. Ég kýs að kalla það sam-
starf um samkeppni. Og sem betur
fer sjást þess aukin og vaxandi merki
að menn viðurkenni tilverurétt hver
annars,“ sagði Gromek.
Hann sagði reglur fjármálamark-
aðarins yfirleitt kveða á um hvað
mætti og hvað ekki. Í þær skorti yf-
irleitt sveigjanleika til þróunarstarfs.
Læra mætti af fjármálastarfseminni í
Kuala Lumpur í Malasíu en þar væri
mikill sveigjanleiki í regluverkinu er
leyfði þróunarstarf og fleiri form fjár-
málaþjónustu sem lifað gætu af sam-
hliða. Væri fjártækniþjónusta þar vel
á veg komin.
Spurður hvort Íslendingar væru
eftirbátar annarra hvað fjártækni-
þjónustu varðar, t.d. Svía og Dana þar
sem þróun þjónustunnar væri komin
hvað lengst svaraði Gromek, að ekki
væri rétt að tala um eftirbáta, heldur
hefði þróunin verið nokkuð ólík þar og
hér.
„Hér í Svíþjóð hafa tvö til þrjú fyr-
irtæki hlotið mikla athygli, Klarna og
iZettle sem fjárfest var stórum í á ár-
unum 2014 til 2015. Vegna uppgangs
þeirra hafa fleiri en smærri fyrirtæki
komið til skjalanna í kjölfarið og flýtt
fyrir þróuninni og eflt hana. Klarna
var stofnað sem greiðslumiðlun, en
það er sú leið sem mörg fyrirtækj-
anna hafa farið af stað á því hún hefur
verið auðveldust til þess. Síðan hafa
umsvifin orðið meiri og flóknari með
tímanum. Þess má svo geta að
greiðslumiðlunin PayPal tilkynnti sl.
föstudag að það mundi kaupa iZettle
fyrir 2,2 milljarða dollara, sem er
glórulaus upphæð,“ segir Gromek.
Michal Gromek nefnir einkum
tvennt þegar hann er spurður um
helsta muninn á hefðbundnum banka
og fjártæknifyrirtæki. „Starfsemi
banka takmarkast venjulega af landa-
mærum, hvort sem hann er sænskur,
íslenskur eða pólskur. Á hinn bóginn
höfum við til dæmis fyrirtæki eins og
PayPal, TransferWise, sem býður
upp á millifærslur yfir landamæri
ódýrar og hraðar en bankar og svo
debitkortafyrirtækið Revolut með
hagstæðara greiðslugengi en hjá
bönkum. Meginmunurinn er að starf-
semi fjártæknifyrirtækja hættir ekki
við þjóðarlandamæri, heldur teygir
sig um allar jarðir. Þjónusta þeirra er
og aðgengileg allar 24 stundir sólar-
hringsins og biðtími fyrir viðskipta-
vininn því enginn. Og vegna nýtækni-
nnar sem fjártæknifyrirtækin nýta
sér er starfsemi þeirra sveigjanlegri
en bankanna. Styrkur fjártæknifyrir-
tækja liggur í kröftugri einstaklings-
miðaðri þjónustu, þau leggja sig fram
um að svara þörfum viðskiptavinarins
betur.“
Róttækar breytingar
í fjármálaumhverfinu
Fjártækni Bönkum stendur helst ógn af fjártæknifyrirtækjum á sviði ein-
staklingslána. Talið er að fjármálaþjónusta muni taka miklum breytingum á
næstu misserum með tilkomu snjalltækninnar.
Fyrirlesari Michal Gromek segir
starfsemi fjártæknifyrirtækja og
hefðbundinna banka mjög ólíka.
 Hefðbundnir bankar og fjártæknifyrirtæki þurfa að koma sér saman um sam-
starf um samkeppni og viðurkenna tilverurétt hvert annars, segir Michal Gromek
Loftleiðir Icelandic, dótturfélag Ice-
landair Group, er á leiðinni að tryggja
sér kauprétt að 49% hlutafjár í portú-
galska flugfélaginu SATA Internacio-
nal, öðru nafni Azores Airlines.
Þetta staðfestir talsmaður SATA
við tímaritið Air Transport World.
Félagið var hið eina sem sendi inn
viljayfirlýsingu um kaup á hlutafénu
sem SATA Group tilkynnti fyrr á
árinu að það hygðist losa sig við.
Fyrsta þætti söluferlisins er lokið en
bréfin eru Loftleiðum föl fyrir að lág-
marki 3,7 milljónir evra, um 450 millj-
ónir króna.
Óljóst er af fréttum hvort fleiri fyr-
irtæki séu enn í söluferlinu, en til að fá
aðild að því þurftu Loftleiðir að sýna
fram á að félagið hefði fjárhagslega
burði og rekstrarreynslu til að verða
hluthafi í SATA.
„Í framhaldi af greiningu viljayfir-
lýsingar Loftleiða Icelandic var nið-
urstaðan sú, að hinn mögulegi kaup-
andi uppfyllti allar kröfur,“ segir
talsmaður félagsins.
Í næstu lotu söluferilsins þurfa
bjóðendur að leggja fram rekstrar-
áætlun fyrir félagið sem byggist á
áframhaldandi flugi í Portúgal, Evr-
ópu og til Bandaríkjanna ásamt sókn
inn á fleiri markaðssvæði undir
merkjum SAPA sem áætlunarfélags.
Kveða verði á um endurnýjun í flug-
flota félagsins.
Væntanlegur kaupandi þarf að
vera viljugur að leggja félaginu til 10
milljóna evra rekstrarlán er endur-
greiðist á fimm árum.
SATA Group rekur tvö flugfélög,
SATA Internacional og svæðisfélagið
SATA Air Açores. agas@mbl.is
Með kauprétt
á 49% í SATA
Ljósmynd/Wikimedia Commons C.C.
Airbus A320 Þota úr flugflota portúgalska flugfélagsins SATA.