Morgunblaðið - 22.05.2018, Blaðsíða 12

Bókin sem er á náttborðinumínu núna heitir „f**k it –Do What You Love“. Ég
rakst á hana í bókabúð í Nott-
ingham í vetur. Hún var innarlega
í búðinni, í neðsta rekka, nánast
falin bak við aðrar bækur. En hún
kallaði á mig einhverra hluta
vegna og ég keypti hana. Ég
keypti líka í sömu búð „Leading“
eftir Alex Ferguson sem ég las áð-
ur en ég gaf góðum manni hana í
afmælisgjöf.
Það var áhugavert að lesa bók-
ina eftir Ferguson, manninn sem
gerði magnaða hluti með Man-
chester United. Og það er líka
áhugavert að bera þessar tvær
bækur saman. Eða öllu heldur
Hugleiðingar um heilsu og hamingju
Eltu hjartað
Morgunblaðið/Golli
Njóttu ferðalagsins
Guðjón Svansson
gudjon@njottuferdalagsins.is
Gaman Það er gefandi og skemmtilegt að taka þátt í leik og starfi barna sinna.
12 DAGLEGT LÍF
MORGUNBLAÐIÐ ÞRIÐJUDAGUR 22. MAÍ 2018
danska markaðnum, erum við líka með
nokkrar uppskriftir á ensku. Það er
rosalega mikil prjónamenning í Dan-
mörku og Noregi og reyndar í Fær-
eyjum líka. Þegar ég var unglingur var
ekki mjög vinsælt að prjóna, en svo
kom hálfgerð prjónasprengja kringum
2010, sem kann að helgast af hruninu
tveimur árum áður, og núna eru rosa-
lega margar ungar konur sem prjóna á
börnin sín.“
Sjálf lærði Sjöfn að prjóna þeg-
ar hún var 13 ára og var það ekki al-
veg átakalaust. „Ég var örvhent
þannig að mamma gafst upp á að
kenna mér. Þess vegna er ég gamla
handavinnukennaranum mínum í
grunnskóla ævarandi þakklát fyrir
að hafa ekki gefist upp á mér og
kennt mér að prjóna rétthent, enda
getur flækt málin að þurfa að prjóna
í öfuga átt,“ segir Sjöfn og bætir við
að hún hafi einnig lært töluvert í
prjónaskap og handmennt þegar hún
stundað nám á hönnunar- og text-
ílbraut Fjölbrautaskólans í Breið-
holti forðum daga.
Valgerður Þ. Jónsdóttir
vjon@mbl.is
Hún hannar og prjónar.Hann sér um tæknina ogfjármálin. Hún er fiðrildi.Hann er excelmaður.
Hennar orð. Hún heitir Sjöfn Krist-
jánsdóttir og er með meistaragráðu í
uppeldis- og menntunarfræði og for-
stöðumaður dægradvalar við Vatns-
endaskóla. Hann heitir Grétar Karl
Arason og er viðskiptastjóri hjá Sím-
anum. Þau eru teymið á bak við Petit
Knitting, netverslun sem þau settu á
laggirnar í fyrra, og selja stakar
prjónauppskriftir að barnafatnaði.
„Pínu bylting frá því að fólk þurfi
að kaupa blað eða bók þótt það ætli
bara að prjóna eina flík,“ segir Sjöfn.
Þrátt fyrir að búa sjálf til uppskrift-
irnar á vefsíðunni, petitknitting.is, og
prjóna hverja einustu flík, kveðst hún
aldrei hafa kunnað að fara almennilega
eftir uppskriftum. Nema sínum eigin
eins og gefur auga leið. Þær prjónar
hún af fingrum fram. „Ég geri mér far
um að hafa uppskriftirnar svo ítarleg-
ar að ekki einu sinni byrjendur ættu að
fipast. Til vara bendi ég kaupendum
stundum á myndbönd þar sem hægt
er að sjá hvernig flókin mynstur, úr-
tökur og aðrar prjónakúnstir eru gerð-
ar, lykkju fyrir lykkju.“
Fyrirsæta og tilvonandi
fyrirsæta
Hugmyndin að Petit Knitting
fæddist fyrir rúmu ári í fæðingarorlofi
Sjafnar með son þeirra, Ara Sjafnar,
og fór vefsíðan í loftið í mars í fyrra.
„Ég var alltaf að hanna og prjóna ung-
barnafatnað, bæði á meðgöngunni og
eftir fæðinguna. Flíkurnar vöktu mikla
athygli og þegar Grétar varpaði því
fram að gera eitthvað úr öllum þessum
prjónaskap, kviknaði hugmyndin að
netverslunni. Ari, sem er að verða
tveggja ára, hefur frá upphafi gegnt
mjög þýðingarmiklu hlutverki í fyrir-
tækinu því hann hefur verið aðal-
fyrirsætan hjá okkur. Núna er hann að
komast á þann aldur að geta sjaldan
verið kyrr þegar ég er að taka af hon-
um myndir.“
Á Sjöfn má sjá að ekki er langt að
bíða þess að önnur fyrirsæta líti dags-
ins ljós. Þau Grétar vita ekki enn hvort
kynið er, en segja hana eða hann ætti
að geta hafið störf í október. Hins veg-
ar er Saga Sjafnar, tólf ára dóttir
þeirra, orðin of gömul í fyrirsætustörf-
in því fatnaðurinn er oftast fyrir 0 til 10
ára. Sumar flíkurnar, til dæmis djöfla-
húfan, henta þó bara börnum yngri en
3ja ára. „Ég prjónaði á Sögu þegar
hún var lítil, en nenni því ekki lengur
því hún er orðin svo stór. Ég bæti
henni það upp þegar fyrirtækjarekst-
urinn verður okkar aðalstarf,“ segir
Sjöfn.
Prjónamenning hér og þar
Upp úr dúrnum kemur að það er
einmitt markmiðið þegar fram líða
stundir. Að færa út kvíarnar og fara í
útrás. Þess vegna völdu þau fyrirtæk-
inu stutt og þjált ensk nafn, en ekki ís-
lenskt. „Við bjóðum upp á 62 upp-
skriftir í íslensku netversluninni og
þeim fjölgar stöðugt. Í haust opnuðum
við danska vefsíðu í samstarfi við vin-
konu okkar, Ólöfu Ingu Stefánsdóttur,
sem býr í Danmörku og er þegar búin
að þýða 46 uppskriftir á dönsku. Þótt
við einbeitum okkur að íslenska og
Prjónauppskrift er stærðfræðikúnst
Styrkleikar þeirra Sjafnar Kristjánsdóttur og Grétars
Karls Arasonar eru sinn á hvoru sviðinu og því var
augljóst hvernig verkaskiptingin yrði þegar þau stofn-
uðu netverslun með prjónauppskriftir fyrir rúmu ári.
Þótt Grétar kunni ekkert að prjóna er hann orðinn
vel viðræðuhæfur um flest sem lýtur að prjónaskap og
eru þau Sjöfn með ýmsar hugmyndir á prjónunum,
t.d. að færa út kvíarnar og fara í útrás.
Morgunblaðið/Hari
Fjölskyldan Sjöfn og Grétar Karl ásamt Ara Sjafnar, sem hefur stundað fyrirsætustörf nánast frá fæðingu.
Fínn Ari Sjafnar tekur
sig vel út í prjónaföt-
unum.