Morgunblaðið - 22.05.2018, Blaðsíða 29

Ég gæti skrifað margar blað-
síður um allt það sem þú gerðir
fyrir mig en það sem ég vil minn-
ast sérstaklega er hvað þú og
amma dekruðuð við mig meðan ég
var í háskólanámi á Florida. Það
var ekki nóg að koma og stand-
setja íbúðina mína heldur rúntuð-
uð þið um allan skagann að horfa á
mig spila fótbolta, fylltuð ísskáp-
inn hjá fátæka námsmanninum og
buðuð mér svo oft í mat. Ég elsk-
aði að koma yfir til Orlando í
heimsókn.
Í allri sorginni hugsaði ég:
Hvað myndi afi segja núna? og
það fyrsta sem kom upp í hugann
var: „Þumallinn upp og allir að
brosa.“ Það var reglan þín, enginn
fúll eða leiður og allir í stuði áður
en haldið var áfram. Þó það sé
ekki svo einfalt á þessari stundu
fékk þetta mig til þess að brosa og
mun ég reyna að
tileinka mér þessa reglu um
ókomna tíð.
Takk fyrir allt.
Sakna þín endalaust.
Rebekka Gísladóttir.
Það er mikil sorg í hjarta er ég
kveð þig, elsku bróðir.
Ég átti síst von á því að ég væri
að kveðja þig í síðasta sinn þegar
við hittumst aðeins nokkrum dög-
um fyrir andlát þitt. Það var sárt
að fá óvænta símhringingu ver-
andi í útlöndum og svo fjarri öll-
um, en það er huggun í sorginni að
vita að vel hefur verið tekið á móti
þér.
Góðar minningar um elskuleg-
an bróður munu lifa áfram og ég
mun minnast símtalanna frá þér
þar sem þú ávarpaðir mig alltaf
„Veiga systir“.
Ég kveð þig, elsku bróðir, með
eftirfarandi ljóði og þökk fyrir all-
ar samverustundirnar.
Ég sendi þér kæra kveðju,
nú komin er lífsins nótt,
þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því,
þú laus ert úr veikinda viðjum,
þín veröld er björt á ný.
Ég þakka þau ár sem ég átti,
þá auðnu að hafa þig hér,
og það er svo margs að minnast,
svo margt sem um hug minn fer,
þó þú sért horfinn úr heimi,
ég hitti þig ekki um hríð,
þín minning er ljós sem lifir
og lýsir um ókomna tíð.
(Þórunn Sigurðardóttir)
Elsku Emma, Einar, Ólafía,
Nonni og fjölskyldur.
Megi algóði Guð styrkja ykkur
í sorginni.
Sólveig St. Jónsdóttir
(Veiga systir)
Yndislegi hógværi föðurbróðir
minn er farinn yfir móðuna miklu.
Slökkt hefur verið á æviklukku
hans og hans tími er kominn inn í
eilífðina, hinum megin við tjaldið.
Hann elskaði konuna sína, börnin
sín og lífið. Hann sem var öllum
góður, vandaður með eindæmum
og besti afi sem börnin gátu óskað
sér. Hann var mér meira en bara
föðurbróðir. Mér þótti einstak-
lega vænt um hann. Alltaf var
hann boðinn og búinn til að gera
allt fyrir frænku sína, bara að
nefna það, þá var hann kominn til
að sinna mér og mínum.
Hann var alltaf traustur og
tryggur sínum. Fjölskyldan skipti
hann öllu máli, Emma hans, börn-
in, barnabörnin og barnabarna-
börnin, sem hann elskaði, dáði og
hlúði að á sinn einstaka hátt.
Hann gaf þeim ótakmarkaða og
skilyrðislausa ást. Hann verður
alltaf mikilmenni í mínum huga.
Alls staðar sem hann, frændi
minn, kom fylgdi honum fallegt
ljós og allir samferðamenn hans
fundu hvað hann hafði fallega
nærveru og vildu þekkja hann og
fylgja honum. Hann var einfald-
lega bara dásamlegur.
Söknuðurinn er mikill hjá fjöl-
skyldu hans og öllum þeim sem
umgengust hann. Missirinn er
mikill og lífið verður aldrei eins.
Við hjónin áttum yndislegan tíma
með þeim hjónum í sælureitnum
okkar fyrir stuttu og erum við
þakklát fyrir það. Það voru dýr-
mætar stundir og verða varðveitt-
ar í hjarta okkar um ókomin ár.
Ég mun aldrei gleyma væntum-
þykju hans og öllum stundunum
okkar saman. Í dag eru þær ómet-
anlegar. Elsku Emma mín, minn-
ingarnar lifa og þær ylja okkur
alla daga. Ég vona að Guð og engl-
arnir sendi þér og börnunum ykk-
ar ljósið hans Óla. Hópur ykkar er
stór og það er mikil huggun í að
geta gefið faðmlag fullt af kærleik
til hvert annars enda fengu börnin
ykkar og fá endalausa ást og um-
hyggju og bera þess glöggt merki
í þeirra leik og starfi.
Farðu í friði, elsku Óli minn.
Guð og allir englarnir á himninum
geymi þig og blessi. Ég mun halda
eins vel og ég get utan um ríki-
dæmið þitt með kærleik og vænt-
umþykju. Þú átt það sannarlega
skilið frá mér.
Nú legg ég augun aftur,
Ó, Guð, þinn náðarkraftur
Mín veri vörn í nótt.
Æ, virst mig að þér taka,
Mér yfir láttu vaka
Þinn engil, svo ég sofi rótt.
(Matthías Jochumsson)
Þín frænka,
Ásdís Elva Sigurðardóttir
Óla kynntist ég fyrst fyrir hart-
nær 40 árum er ég var í sama
vinahóp og yngsti sonur hans.
Einhverjum árum síðar fórum við
Nonni að draga okkur saman og
þá fjölgaði heimsóknunum á
Baugholtið. Þar var mér ævinlega
vel tekið. Áhugamál okkar voru
þau sömu, íþróttir af öllu tagi. Óli
var mikill íþróttamaður á yngri
árum, síðar varð hann meira
áhorfandi og studdi liðið sitt,
Keflavík, af heilum hug. Einnig
var hann mikill Manchester Unit-
ed-aðdáandi og fór hann einmitt
til Manchester á leik ásamt sonum
sínum og tengdasyni aðeins örfá-
um vikum fyrir andlátið. Í seinni
tíð stundaði hann golf þegar færi
gafst og sá mikið eftir því að hafa
ekki byrjað fyrr á þeirri iðju.
Óli var einstaklega hjálpsamur
og var alltaf reiðubúinn að rétta
hjálparhönd hvort sem það var að
passa barnabörnin, keyra þau
hingað og þangað eða aðstoða við
húsasmíði svo dæmi sé tekið. Þau
voru ófá handtökin sem unnin
voru þegar Efstaleitið var byggt.
Hann fórnaði sér heldur betur og
hlífði sér hvergi og er mér mjög
minnistætt er hann var að aðstoða
okkur við að festa járnið á þakið.
Þá vorum við í kappi við tímann
því það var að skella á frost en
hann ætlaði að festa nokkra nagla
til viðbótar. En honum skrikaði
fótur því það var farið að frysta og
hann rann niður af þakinu. Ég var
fyrir aftan hús að tína eitthvert
rusl og veit ekki fyrr en tengda-
pabbi kemur fljúgandi niður af
þakinu og lendir á grýttri jörðinni
rétt við fæturna á mér. Ég var
ófrísk að yngstu dótturinni og
gerði hann óspart grín af mér að
ég skyldi ekki grípa hann í fallinu.
Óli hælbrotnaði og varð frá í ein-
hverjar vikur en var svo kominn
að hjálpa til um leið og færi gafst.
Síðustu árin fannst mér elli
kerling ekki fara vel í hann
tengdapabba minn en það skýrir
kannski það að ekki var allt með
felldu og því er ekki laust við að
samviskan nagi mann nú þegar
þessi góði maður er genginn.
Elskulegur tengdafaðir minn
lést 9. maí umvafinn ástvinum.
Baráttan var stutt, erfið og hetju-
leg og hann Óli minn ætlaði svo
sannarlega að berjast en kraftur-
inn þvarr og stríðinu lauk. Með
Óla er genginn mætur maður.
Elsku Óli minn, takk fyrir allt.
Þín tengdadóttir,
Jónína St. Helgadóttir
 Fleiri minningargreinar
um Ólaf Ásbjörn Jónsson bíða
birtingar og munu birtast í
blaðinu næstu daga.
MORGUNBLAÐIÐ ÞRIÐJUDAGUR 22. MAÍ 2018
Atvinnuauglýsingar
Interviews will be held
in Reykjavík in May.
For details contact:
Tel.:+ 36 209 430 492
Fax:+ 36 52 792 381
E-mail: omer@hu.inter.net
internet: http://www.meddenpha.com
Study Medicine and Dentistry
In Hungary “2018”
Raðauglýsingar
Félagsstarf eldri borgara
Aflagrandi 40 Opin vinnustofa kl. 9. Gönguhópurinn fer af stað kl.
10.15 og vatnsleikfimi í Vesturbæjarlaug kl. 10.50. Tálgað í tré hópur-
inn mætir í hús kl. 13.
Árskógar Smíðar, útskurður, pappamódel með leiðbeinanda kl. 9-16.
Bónusbíllinn fer frá Árskógum 6-8 kl. 12.30. Handavinna með leið-
beinanda kl. 12.30-16. MS fræðslu- og félagsstarf kl. 14-16. Opið fyrir
innipútt. Hádegismatur kl. 11.40-12.45. Kaffisala kl. 15-15.45. Heitt á
könnunni. Allir velkomnir. S. 535 2700.
Boðinn Botsía kl. 10.30. Brids og kanasta kl. 13.
Bústaðakirkja Vorferð verður farin miðvikudaginn 23. maí, síðasti
skráningardagur er þriðjudagurinn 22. maí. Nánari upplýsingar um
ferðina veitir Hólmfríður djákni í síma 553 8500 eða í tölvupósti
holmfridur@kirkja.is. Einnig eru upplýsingar um ferðina á heimasíðu
kirkjunnar.
Dalbraut 18-20 Félagsvist kl. 14.
Félagsmiðstöðin Lönguhlíð 3 Opin handverksstofa kl. 13. Landið
skoðað með nútímatækni kl. 13.50. Kaffiveitingar kl. 14.30. Velkomin!
Félagsmiðstöðin Vitatorgi Bútasaumshópur hittist kl. 9-12, glerlist
kl. 9-13, hópþjálfun / stólaleikfimi kl. 10.30-11.15, Litaklúbbur í handa-
vinnustofu kl. 13-14.30, frjáls spilamennska kl. 13-16.30, félagsvist í
sal kl. 13-15.30, kaffiveitingar kl. 14.30-15.30. Verið öll velkomin til
okkar á Vitatorg, síminn er 411 9450.
Garðabær Jónshúsi / félags- og íþróttastarf: 512 1501. Opið í Jóns-
húsi og heitt á könnunni alla virka daga frá kl. 9.30-16. Hægt er að
panta hádegismat með dags fyrirvara. Vatnsleikfimi Sjálandi kl. 8.20 /
15.15. Qi gong Sjálandi kl. 9. Gönguhópur fer frá Jónshúsi kl. 10.
Botsía Sjálandi kl. 11.40. Karlaleikfimi Sjálandi kl. 13. Bónusrúta fer frá
Jónshúsi kl. 14.45. Félagsvist í Jónshúsi kl. 20.
Gerðuberg Opin handavinnustofa kl. 8.30-16. Keramikmálun kl. 9-12.
Glervinnustofa með leiðbeinanda kl. 13-16. Leikfimi Maríu kl. 10-
10.45. Leikfimi gönguhóps kl. 10-10.30. Gönguhópur um hverfið kl.
10.30. Allir velkomnir.
Gjábakki Kl. 9 handavinna, kl. 10 stólaleikfimi, kl. 13 handavinna, kl.
13 hreyfi- og jafnvægisæfingar, kl. 13.30 alkort, kl. 14 hreyfi- og jafn-
vægisæfingar, kl. 16 dans.
Grensáskirkja Kyrrðarstund kl. 12.
Hvassaleiti 56-58 Félagsmiðstöðin er opin frá kl. 8-16, dagblöðin og
púsl liggja frammi. Morgunkaffi kl. 8.30-10.30, útvarpsleikfimi kl. 9.45.
Hádegismatur kl. 11.30, brids í handavinnustofu kl. 13, síðasta helgi-
stund vetrarins kl. 14 og eftirmiðdagskaffi kl. 14.30.
Hæðargarður 31 Félagsmiðstöðin opnuð kl. 8.50, við hringborðið kl.
8.50, listasmiðjan opin fyrir alla kl. 9-16, leikfimihópur ganga kl. 10,
brids kl. 13, enskunámskeið tal kl. 13, bókabíll kl. 14.30, Bónusbíll kl.
14.55, síðdegiskaffi kl. 14.30. Allir velkomnir óháð aldri, s. 411-2790.
Norðurbrún 1 Morgunkaffi kl. 8.30, trésmiðja kl. 9-12, listasmiðja kl.
9-16, morgunleikfimi kl. 9.45, upplestur kl. 11, opin listasmiðja með
leiðbeinanda kl. 13-16, ganga með starfsmanni kl. 14, botsía, spil og
leikir kl. 15.30. Uppl. í s. 411 2760.
Seltjarnarnes Vatnsleikfimi í sundlauginni kl. 7.15. Kaffispjall í krók
kl. 10.30. Pútt í Risinu kl. 10.30. Leikfimi í Hreyfilandi kl. 12. Brids í
Eiðismýri 30, kl. 13.30. Karlakaffi í safnaðarheimilinu kl. 14. Minnum á
stórglæsilega handverkssýningu sem hefst nk. föstudag 25. maí.
Sýningin er haldin í félagsaðstöðunni á Skólabraut 3-5 og verður opin
25., 26. og 27. maí frá kl. 13-18. Vöfflukaffi.
Sléttuvegi 11-13 Selið er opið frá kl. 10-16 og upp úr kl. 10 er boðið
upp á kaffi þar sem fólk kemur saman í spjall og kíkir í blöðin.
Hádegisverður er kl. 11.30-12.15 og kaffi og meðlæti er selt á vægu
verði kl. 14.30-14.55. Bónusbíll kl. 14.40 og bókabíll kl. 13.15. Allir eru
hjartanlega velkomnir í Selið. Nánari upplýsingar hjá Maríu Helenu í
síma 568 2586.
Stangarhylur 4, FEB Reykjavík Skák kl. 13, allir velkomnir.
Smáauglýsingar 569 1100
Sumarhús
Sumarhús – Gestahús –
Breytingar
 Framleiðum stórglæsileg sumarhús
í ýmsum stærðum.
 Tökum að okkur stækkun og
breytingar á eldri húsum.
 Smíðum gestahús – margar
útfærslur.
 Sjáum um almennt viðhald á
sumarhúsum og sólpöllum.
 Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Til sölu
Lok á heita potta og hitaveitu-
skeljar
Stærðir í cm: 200x200, 210x210,
220x220, 235x235, 235x217,
217x174, 8 hyrnd lok. Lokin þola 1000
kg jafnarðarþunga af snjó. Vel ein-
angruð og koma með 10 cm svuntu.
Sterkustu lokin á markaðnum. Litir:
Brúnt eða grátt. Opnarar til þess að
auðvelda opnun á loki.
www.heitirpottar.is
Sími 777 2000 Haffi
og 777 2001 Grétar
Byggingavörur
Harðviður til húsabygginga
Sjá nánar á www.vidur.is
Vatnsklæðning, panill, pallaefni,
parket, útihurðir o.fl. Gæði á góðu
verði. Nýkomnar Eurotec A2 harð-
viðarskrúfur. Penofin harðviðarolía.
Indus ehf., Óseyrarbraut 2, Hf.
Upplýsingar hjá Magnúsi í símum
660 0230 og 561 1122.
Ýmislegt
-Þ
Ú
SE
ND
IR
OKK
UR MYND EÐA
TEXTA-
-V
IÐ
PRENTUM Á TATT
O-
PA
PP
ÍR
-
Bátar
 

 
  Flatahrauni 25 - Hafnarfirði
Sími 564 0400
www.bilaraf.is
Mikið úrval í bæði
12V og 24V.
Bílaþjónusta
GÆÐABÓN
Stofnað 1986 • Ármúla 17a
Opið mán.-fös. 8-16. S. 568 4310
Það besta fyrir bílinn þinn
Alþrif, djúphreinsun, mössun, teflon,
blettun, bryngljái, leðurhreinsun.
Húsviðhald
FLÍSALAGNIR - MÚRVERK
FLOTUN - SANDSPARSL
MÁLUN - TRÉVERK
Ásamt öllu almennu viðhaldi
fasteigna
Áratuga reynsla og þekking
skilar fagmennsku og gæðum
Tímavinna eða tilboð
Strúctor
byggingaþjónusta ehf.
S. 893 6994
Vantar þig
pípara?
FINNA.is