Læknablaðið - 01.03.2018, Page 37

LÆKNAblaðið 2018/104 153
U M F J Ö L L U N O G G R E I N A R
Lyngonia — áhrifarík meðferð án sýklalyfja
Lyngonia er notað við vægum endurteknum
þvagfærasýkingum hjá konum og verkar
m.a. á brunatilfinningu og aukin þvaglát.

Lyngonia er fyrsta skráða jurtalyfið á
Íslandi og er unnið úr sortulyngslaufi.
Fæst án lyfseðils í flestum apótekum.
Sjá meira á florealis.is
Notkun Fullorðnar og aldraðar konur: 2 töflur 2–4 sinnum á dag.
Ekki nota Lyngonia ef þú ert með einhverja truflun á nýrnastarfsemi.
Hvorki ætlað þunguðum konum né konum með barn á brjósti, körlum
eða börnum og unglingum yngri en 18 ára. Notið ekki lengur en í 1 viku.

Ef einkenni eru viðvarandi í meira en 4 daga, eða versna við notkun Lyngonia,
skal hafa samband við lækni. Lesið vandlega upplýsingar á umbúðum og
fylgiseðli fyrir notkun lyfsins. Leitið til læknis eða lyfjafræðings sé þörf á
frekari upplýsingum um áhættu og aukaverkanir.

Sjá nánari upplýsingar um lyfið á www.serlyfjaskra.is.
Salome Ásta
Arnardóttir
heimilislæknir og formaður
Félags íslenskra heimilislækna
Salome@hglagmuli.is
Á síðasta aðalfundi Læknafélags Íslands
var Félag íslenskra heimilislækna gert að
einu af fjórum meginfélögum í Læknafé-
lagi Íslands og í framhaldi af því var ég
sem formaður beðin að tjá mig um breytta
stöðu og framtíð.
Félag íslenskra heimilislækna er 40 ára
í ár og varð til þegar fræðafélag heimilis-
lækna var stofnað 1978. Þá var orðinn til
öflugur hópur heimilislækna og hugsjónir
heimilislækna mótaðar. Ólafur Mixa varð
fyrsti íslenski læknirinn til að fá sérfræði-
viðurkenningu í heimilislækningum 1971
og lög um heilsugæslu voru sett 1973.
Jóhann Ágúst Sigurðsson var ráðinn
prófessor í heimilislækningum 1991 og
greiddi félagið fyrir þá stöðu í fyrstu.
Starf FÍH í upphafi einkenndist af draumi
eldhugans um að koma hugsjónum sín-
um á framfæri og uppskera virðingu
samferðafólksins. Félagið hefur staðið í
kjarabaráttu, staðið fyrir faglegu starfi,
gefið út og endurskoðað staðal fyrir stofur
heimilislækna og komið að stefnumótun í
heilbrigðismálum í landinu. Auk þess tek-
ur FÍH þátt í öflugu alþjóðlegu samstarfi,
bæði í Evrópu- og Norðurlandasamtökum
heimilislækna um stefnumótun og endur-
og símenntun. Norrænt þing 1300 heimil-
islækna var síðast haldið hér í fyrrasumar,
2017.
Sérnám í heimilislækningum er í mik-
illi sókn og færri komast að en vilja. Það
hefur staðið til boða á Íslandi í mörg ár
og það er 5 ára nám og starf. Marklýsing
sérnámsins hefur verið endurskoðuð og
endurútgefin reglulega af félaginu og
kennslustjóri heldur utan um alla kennslu
í greininni ásamt leiðbeinendum einstakra
nema.
Á tíunda áratugnum urðu hagsmuna-
árekstrar í Læknafélagi Reykjavíkur sem
urðu til þess að margir heimilislæknar
sáu sér ekki annað fært en að segja sig
úr félaginu og þar með úr Læknafélagi
Íslands. Mörg þung orð höfðu fallið og
heimilislæknar upplifðu virðingarleysi
og skeytingarleysi læknafélganna um sín
kjör og ekki síst sínar hugsjónir varðandi
bætt heilbrigðiskerfi. Nú 20 árum síðar eru
aðrir tímar, hörð kjarabarátta hefur eflt
samstöðu lækna og verkefni okkar lækna
orðin svo viðamikil að skilningur á gildi
samstöðu og nánu samstarfi sérgreinanna
er meiri.
Læknafélag Íslands er samtök allra
lækna á landinu. Þar eru hópar lækna
með ólíka sérmenntun og ólíka hagsmuni,
en öll höfum við sömu grunnmenntun
og getum ekki án hvors annars verið.
Heimilislæknar taka að sér þjónustu við
tiltekinn hóp fólks en flestar aðrar sér-
greinar taka að sér sérhæfða þjónustu við
sjúkdómaflokka eða aldurshópa. Hugsjón
heimilislækna er að leitast við að veita
skjólstæðingum sínum faglega þjónustu,
byggða á bestu fáanlegu vísindum með
áherslu á heilsu fremur en vanheilsu, í
samspili læknisfræðilegrar og mannlegrar
nálgunar. Heimilislæknar hafa samfé-
lagslega ábyrgð ekki síður en ábyrgð
gagnvart einstaklingnum og leitast við að
lágmarka ónauðsynlega lyfjagjöf, van- og
ofgreiningar, ofmeðferð og fjöllyfjagjöf.
Alþjóðaheilbrigðisstofnunin (WHO) hefur
bent aðildarlöndum í Evrópu á að áhersla
á annars og þriðja stigs heilbrigðisþjón-
ustu, sérhæfðari heilbrigðisþjónustu, sé
of mikil miðað við áherslur á forvarnir og
heilsugæslu. WHO hefur einnig bent á að
æskilegast sé að heilsugæslan sé framvörð-
ur í að eiga við lífsstílstengda sjúkdóma.
Þessi markmið Alþjóðaheilbrigðisstofn-
unarinnar á nokkuð í land á Íslandi þar
sem hlutfall heimilislækna af öllum lækn-
um í OECD-löndunum er um 29% en hlut-
fallið er 16% á Íslandi.
Eitt stærsta verkefni heilsugæslunnar,
þar sem flestir heimilislæknar starfa, er
eftirlit og meðferð langvinnra veikinda
og fjölveikra einstaklinga. Þessi hópur
fer stækkandi í okkar þjóðfélagi eins og í
öllum hinum vestræna heimi. Þetta eftirlit
með langvinnum veikindum er heimilis-
læknum kært viðfangsefni. Við kynnumst
þessum hópi vel og sinnum honum eftir
bestu getu en það krefst stöðugleika í
læknismönnun og samstarfs við allar
hliðar heilbrigðiskerfisins, bæði lækna
og annarra stétta. Heilsugæslan er einnig
fyrsti viðkomustaður fólks með áhyggjur
af heilsu sinni og fólks í þörf fyrir hvers-
konar leiðsögn í lífinu. Á landsbyggðinni
sinna þess utan læknar heilsugæslunnar
allri bráðaþjónustu á sínu svæði.
Félag íslenskra heimilislækna tekur
breytingum á fyrirkomulagi Læknafélags
Íslands með eftirvæntingu og fullvissu
um að sem fullgilt aðildarfélag getum
við í sameiningu stutt við skynsamlega
uppbyggingu á heilbrigðiskerfi landsins
og stuðlað að jafnrétti innan stéttarinnar
öllum til góðs.
Breytt staða og framtíð
– FÍH eitt af fjórum meginfélögum LÍ
Öldungar vorið 2018
Miðvikudaginn 7. mars:
Þórður Sverrisson læknir flytur erindið
„Síðbronsöld fyrir botni Miðjarðarhafs“
Miðvikudaginn 4. apríl:
Jóhann Heiðar Jóhannsson læknir flytur erindið
„Íðorðavinna í læknisfræði“
Þriðjudag og miðvikudag 1. og 2. ágúst: ferð um
„Gullna söguhringinn í Dölum vestur“ - sjá ferðaáætlun á blaðsíðu 158.