Morgunblaðið - 09.06.2018, Qupperneq 6

6 FRÉTTIRInnlent
MORGUNBLAÐIÐ LAUGARDAGUR 9. JÚNÍ 2018
Gardavatn& Feneyjar
sp
ör
eh
f.
Haust 13
AUKA BROTTFÖR
Gardavatn hefur verið einn vinsælasti áfangastaður
Íslendinga til margra ára, enda meðal allra fegurstu staða
Ítalíu. Við dveljum í yndislega bænum Torbole, njótum þess
að sigla á Gardavatni, heimsækjum Feneyjar og elstu borg
Norður-Ítalíu, Veróna. Ferðina endum við í Seefeld í Tíról, þar
sem við njótum náttúrunnar milli hárra og tignarlegra fjalla.
27. september - 7. október
Fararstjóri: Hlín Gunnarsdóttir
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Verð: 229.900 kr. á mann í tvíbýli.
Mjög mikið innifalið!
Jón Birgir Eiríksson
jbe@mbl.is
Hæstiréttur Íslands ógilti í fyrsta
sinn hjúskap með dómi á fimmtudag í
máli hælisleitanda og íslenskrar konu
með þroskafrávik. Sneri dómurinn
niðurstöðu héraðsdóms sem hafði
hafnað ógildingu.
Hæstiréttur taldi að hjúskapnum að
baki hefði legið eindregin ráðagerð
mannsins um að öðlast dvalarleyfi hér
á landi og byggist niðurstaðan á síðari
málslið 1. tölul. 1. mgr. 28. gr. hjúskap-
arlaga nr. 31/1993. Þar segir að annað
hjóna geti krafist ógildingar hjúskap-
ar síns hafi það verið viti sínu fjær
þegar vígsla fór fram eða að öðru leyti
svo ástatt um það að það mátti þá eigi
skuldbinda sig til hjúskapar að lögum.
segir Pétur Örn Sverrisson, lögmaður
konunnar.
„Þetta er einstakt mál hérlendis.
Hjúskapur hefur ekki verið ógiltur
hér á landi með dómi áður,“ segir Pét-
ur Örn og tekur fram að í málflutningi
hafi verið vísað í dönsk dómafordæmi
til að finna sambærilegar aðstæður.
Hæstiréttur leit meðal annars til
þess að skammur tími hafði liðið frá
fyrstu kynnum hjónanna og þar til þau
stofnuðu til hjúskapar, um tveir mán-
uðir. Fyrir dóminn var lögð matsgerð
barna- og unglingageðlæknis, en þar
kom m.a. fram að konan hefði skýr
einkenni einhverfu og þroskaskerð-
ingar. Þá sagði að hafið væri yfir allan
vafa að færni konunnar til að gera sér
grein fyrir því hvað fælist í hjónabandi
hennar og mannsins væri verulega
skert. Taldi Hæstiréttur að í aðdrag-
anda hjúskaparstofnunar hefðu verið
uppi svo sérstakar aðstæður með tilliti
til andlegrar stöðu konunnar, að þeim
yrði fyllilega jafnað við að hún hefði í
skilningi ákvæðisins ekki verið bær til
að takast þá skuldbindingu á hendur.
Mál mannsins er til skoðunar
Mál mannsins er nú til skoðunar hjá
Útlendingastofnun. Ekki hafa fengist
upplýsingar um það hver staða um-
sóknar hans er nú eða hvort hann hafi
þegar fengið dvalarleyfi.
Þórhildur Hagalín, upplýsinga-
fulltrúi Útlendingastofnunar, segir að
tímabundið dvalarleyfi á grundvelli
hjúskapar verði ekki veitt ef staðfest-
ur grunur er um að það sé til mála-
mynda. Sé leyfi veitt, gildi það á með-
an forsendur séu enn fyrir því, en
síðar geti komið til þess að dvalarleyfi
sé veitt ótímabundið.
„Ef grunur er um málamyndahjú-
skap og sá grunur er staðfestur, þá er
ekki veitt dvalarleyfi á grundvelli
hjúskapar. Að sama skapi er það
þannig að ef dvalarleyfi hefur verið
veitt á grundvelli hjúskapar sem síð-
ar er felldur úr gildi, þá er forsendan
fyrir því dvalarleyfi brostin,“ segir
hún og nefnir að hið sama gildi um
skilnað. Þórhildur segir að aðrar
ástæður geti þó legið að baki veitingu
dvalarleyfis.
„Það geta verið komnar forsendur
fyrir dvalarleyfi á öðrum grundvelli,
t.d. ef viðkomandi hefur eignast börn
hér á landi sem eru íslenskir ríkis-
borgarar o.fl.“ segir hún.
Skoða mál hælisleitanda í kjölfar dóms
 Giftist þroskaskertri konu til að afla dvalarleyfis  Verulega skert færni til að skilja inntak hjúskapar
Pétur Örn
Sverrisson
Þórhildur
Hagalín
Standi vörð um bágstadda
„Það er afskaplega dapurlegt að
vita til þess að einhverjir vilji nýta sér
bágindi fólks með þessum hætti, en
jafnframt er gott að sjá að réttarkerfið
stendur vörð um þá sem minna mega
sín þegar svona atvik koma upp,“
„Viðræðurnar hafa gengið vel,“
segir Þórdís Lóa Þórhallsdóttir,
oddviti Viðreisnar í Reykjavík, en
fulltrúar Viðreisnar, Samfylkingar,
VG og Pírata hafa fundað eftir
sveitastjórnarkosningarnar með
myndun nýs meirihluta í Reykjavík
í huga.
Þórdís vildi ekki segja nákvæm-
lega hvað hefði farið fram á fund-
unum. „Við höfum sagt það áður að
við förum í gegnum málaflokkana,
höfum farið dýpra og dýpra og er-
um að átta okkur á því hvernig við
viljum sjá næstu fjögur ár.“
Spurð hvort ekki sé líklegra en
ekki að flokkarnir myndi nýjan
meirihluta í borginni segir Þórdís
ekki hægt að segja til um það. „En
það gengur mjög vel og hefur gert
frá byrjun.“
Hún segir að flokkarnir muni
halda áfram að funda um helgina
en áður hefur verið greint frá því
að stefnt sé að því að ljúka við-
ræðum fyrir fyrsta fund nýrrar
borgarstjórnar 19. júní.
Oddvitar flokkanna hafa lítið sem
ekkert viljað tjá sig um hver verð-
ur borgarstjóri ef samstarfið geng-
ur eftir. Þórdís segir þau nú vera
að ræða málefnin og borg-
arstjórastóllinn verði skoðaður
seinna. johann@mbl.is
Flokkarnir funda
áfram um helgina
 Viðreisn segir viðræður ganga vel
Morgunblaðið/Kristinn Magnússon
Viðræður Hugsanlegt meirihluta-
samstarf er í mótun í Reykjavík.
Nína Guðrún Geirsdóttir
ninag@mbl.is
Rebekka Rut Harðardóttir er 12
ára Árbæingur sem verður bolta-
beri Kia á fyrsta leik Íslands í sögu
HM, þegar liðið mætir Argentínu
16. júní á Spartak Stadium í
Moskvu. Askja er umboðsaðili KIA
á Íslandi en Kia Motors stendur
fyrir valinu á boltabera Kia fyrir
fjölmarga leiki á HM í Rússlandi.
Bílaumboðið Askja fékk það verð-
uga verkefni að útnefna boltabera
fyrir leik Íslands og Argentínu. Í
kjölfarið var farið af stað með
keppni fyrir áhugasama þar sem
aðsóknin fór fram úr vonum, að
sögn Elvars Þórs Hjörleifssonar,
markaðsfulltrúa Kia á Íslandi.
Hátt í 300 börn fædd tímabilið
2004-2007 sendu inn myndbönd þar
sem þau sýndu ástríðu sína fyrir
fótbolta og framkvæmdu ýmsar fót-
boltakúnstir. Loks komust 10
krakkar í lokaúrslit í þáttunum
Söguboltanum á RÚV þar sem
Rebekka Rut varð hlutskörpust.
„Ég bara elska fótbolta“
Rebekka Rut segist hafa orðið
mjög undrandi þegar henni var til-
kynntur sigurinn. „Ég elska fót-
bolta og ég var bara að gera þarna
það sem ég geri vanalega.“
Rebekka hefur æft fótbolta með
Fylki frá því hún var fimm ára og
fylgist einnig vel með fótboltanum
þess utan, en Liverpool er hennar
lið. „Það skemmtilegasta sem ég
geri er að spila fótbolta, mæta á
æfingar og æfa mig. Ég bara elska
fótbolta.“
Spurð hvaða stöðu á vellinum
henni finnst skemmtilegast að spila
svarar Rebekka: „Ég hef spilað út
um allt. En skemmtilegast finnst
mér að spila á miðjunni. Gylfi og
Aron Einar eru þar og það er lykil-
staða í leiknum. En ég er líka að
prófa aðrar stöður.“ Rebekka seg-
ist jafnframt vilja stefna á atvinnu-
mennskuna í framtíðinni.
Stíf dagskrá í Moskvu
Rebekka mun fara til Rússlands
með föður sínum, Herði Valssyni,
daginn fyrir leikinn sögufræga og
tekur þá við stíf dagskrá, að sögn
þeirra. „Þetta verður mikið ævin-
týri, við mætum snemma á leikvöll-
inn til að æfa prógrammið en þetta
er mjög stórt allt.“ Faðir hennar
tekur undir. „Við erum að fara til
Rússlands í fyrsta sinn og fáum að
heimsækja helstu staðina í borginni
á þessum stutta tíma á vegum Kia.
Það er ljóst að það er mikið um-
stang í kringum þetta.“
Rebekka mun leiða fyrirliðana
Lionel Messi og Aron Einar Gunn-
arsson út á völlinn. Spurð hvort
hún sé stressuð fyrir hlutverkinu
segist hún vera róleg. „Ég er aðal-
lega spennt að hitta alla þessa fót-
boltamenn, þetta eru fyrirmynd-
irnar mínar.“
Rebekka segir marga spennta
fyrir sína hönd og þá sérstaklega
samnemendur hennar í Árbæjar-
skóla, þar sem ljóst er að margir
munu fylgjast með og hvetja hana
áfram í boltaberahlutverkinu.
„Þetta er búið að vekja rosalega
mikil athygli í skólanum og það eru
allir að segja að þeir ætli að horfa á
leikinn.“
Morgunblaðið/Hari
Spennt Rebekka Rut er að vonum mjög spennt fyrir því að labba inn á völlinn
með fótboltahetjum sínum. Hún hefur æft fótbolta með Fylki frá 5 ára aldri.
Íslensk stúlka boltaberi á
fyrsta leik Íslands á HM
 Valin úr hópi 300 barna til að leiða fyrirliðana á völlinn
7 DAGAR Í FYRSTALEIK ÍSLANDS