Morgunblaðið - 23.06.2018, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 23. JÚNÍ 2018
VIÐTAL
Teitur Gissurarson
teitur@mbl.is
Þórarinn Jónsson, oftast þekktur
sem Póri, fagnar um þessar mundir
50 ára starfsafmæli fyrirtækis síns,
Laxness. Hestaleigan á Laxnesi í
Mosfellsdal hefur í áratugi boðið upp
á reiðtúra fyrir innlenda og erlenda
ferðamenn en Póri hefur allan þann
tíma verið ötull kynningarmaður ís-
lenska hestsins. Á tíunda áratugnum
fór hann nokkrar ferðir með hesta-
sýningar til Bandaríkjanna og kom á
fót þolreiðakeppnum í Evrópu. Póri
og eiginkonan Ragnheiður Bergs-
dóttir Gíslason fluttu að Laxnesi
1967 og stofnuðu fyrirtækið Laxnes
ári seinna. Í fyrstu var þar margt
annað en reiðtúrar í boði.
Póri mætir blaðamanni í einkenn-
isbúningnum; reiðbuxum, reiðskóm
og vindjakka.
Rak Playboy-klúbbinn
„Ég byrjaði í læknisfræði. Pabbi
var læknir,“ segir Póri þegar hann
er beðinn að rifja upp tímann sem
leiddi að stofnun Hestaleigunnar í
Laxnesi.
„Það átti ekki við mig svo ég fór
að fljúga. Ég kláraði stóran hluta af
því líka en það átti ekki heldur við
mig. Þá byrjaði ég í viðskiptum í
Reykjavík og var meðal annars með
fyrsta næturklúbbinn í Reykjavík
sem hét „Playboy-klúbburinn“ og
upp úr því ákvað ég að stofna sveita-
klúbb,“ segir hann.
„Hugmyndin var að hafa hérna
svona prívatklúbb eða „Country-
club“,“ segir Póri en þau hjónin
hugðust útbúa svæði með golfvelli,
minigolfi, hestaleigu og fleiru í þeim
dúr. „Það þótti brjálæðislegt að fara
alla þessa leið úr Reykjavík og hing-
að. Fólk hélt ég væri klikkaður,“
segir Póri en bærinn Laxnes stend-
ur um 20 kílómetra fyrir utan
Reykjavík.
Eftir nokkurt skeið var orðið ljóst
að hestaleiga Póra væri sá hluti fyr-
irtækisins sem stæði undir sér og
einbeitti hann sér því að þeim
rekstri. Þegar fyrirtækið fór af stað
var Póri með sex hesta til útleigu en
í dag eru þeir um 120. Margir hópar
ferðamanna koma við í Laxnesi á
hverjum degi en yfir 15.000 ferða-
menn ríða þaðan út á ári hverju.
Sendiherra íslenska hestsins
Aðspurður hvort hann hafi alltaf
verið mikill hestamaður segir Póri:
„Nei, ekki beint, en ég er svo hepp-
inn að vera uppalinn á þessum tíma
þegar maður var sendur í sveit. Þar
vaknaði áhugi minn á dýrum, sér-
staklega hestum.
Það sem vakti fyrir mér var að
mér fannst æðislega gaman á hest-
baki og gaman að eiga góðan hest,“
segir Póri en hann hefur í gegnum
árin verið öflugur sendiherra ís-
lenska hestsins og borið hróður hans
víða.
„Það sat alltaf í mér þol og þrek
íslenska hestsins. Upp úr því kom
ég af stað þolreiðakeppni,“ segir
hann en eins og kom fram í Morg-
unblaðinu degi seinna fór fyrsta þol-
reiðin á Íslandi fram frá Laxnesi
hinn 23. júlí 1988. Þrátt fyrir að þol-
reið hafi hérlendis ekki náð eins
miklum vinsældum og margar aðrar
greinar hestaíþrótta hefur verið
keppt í þolreið að íslenskri fyrir-
mynd í Þýskalandi, Svíþjóð, Dan-
mörku og víðar og gáfu Hestaleigan
Laxnesi og Flugleiðir verðlaun í
einni slíkri keppni árið 2006.
„Íslendingar hafa bara elskað að
horfa á hesta hlaupa í hringi. Ég hef
aldrei verið í því,“ segir Póri og
hlær.
Hann hélt heiðri íslenska hestsins
á loft víðar en í febrúar 1992 fór
hann með liðsmönnum úr landsliðinu
í hestaíþróttum vestur um haf til
Hollywood í Los Angeles og tók þar
þátt í hestasýningu. Hann fór svo
síðar fleiri ferðir þangað vestur og
flutti íslenska hestinn út til fleiri
landa.
Hvergi nærri hættur
Eins og flestir sem starfa í ferða-
mannaiðnaði er Póri hæstánægður
með þá sprengingu í ferðamanna-
fjölda sem hefur átt sér stað hér-
lendis á síðustu árum. Aðspurður
hvort Íslendingar þurfi að gera eitt-
hvað öðruvísi í þeim málum segir
hann svo ekki vera, en bendir þó á að
íslenskir viðskiptamenn í ferðaiðnaði
láti gjarnan hugmyndina um skjótan
gróða ráða för við uppbyggingu
nýrra fyrirtækja, sem sé ekki endi-
lega til framdráttar.
Póri starfar ennþá daglega við
hestaleiguna, sækir erlenda ferða-
menn inn í Reykjavík á rútu og ríður
út á hverjum degi.
Aðspurður hvort hann sé alltaf
jafn áhugasamur um starfið segir
Póri að endingu:
„Já. Ég er rétt að byrja!“
Póri í Laxnesi er rétt að byrja
 50 ár frá stofnun hestaleigunnar Laxness  „Sat í mér þol og þrek hestsins“ 15.000 ferðamenn
á ári  Þótti brjálæðislegt að fara svo langt út úr Reykjavík  Ferðaðist með hesta til Hollywood
Morgunblaðið/RAX
Samhent Hjónin Þórarinn Jónsson og Ragnheiður Bergsdóttir Gíslason fluttu að Laxnesi 1967 og stofnuðu fyrirtækið Laxnes ári seinna.
Póri var einn af fyrstu
Íslendingunum til að
hefja útflutning á ís-
lenska hestinum til N-
Ameríku og tók m.a.
þátt í hestasýningum í
Burbank og víðar í Kali-
forníu.
Það var vegna vin-
skapar Póra við Michael
Jay Solomon, fyrrver-
andi forstjóra Warner
Bros, sem Póri komst í
kynni við hestamenn í
Bandaríkjunum en Michael hafði komið í margar laxveiðiferðir til Ís-
lands.
Póri og félagar á Laxnesi hafa þjónustað ýmsa aðra heimsfræga ein-
staklinga í gegnum tíðina. Má þar sem dæmi nefna hljómsveitina Metal-
lica, leikarana Marisu Tomei og Viggo Mortensen, bardagakappann Con-
or McGregor og tónlistarmanninn Nick Cave.
PÓRI HEFUR Á LÖNGUM FERLI FARIÐ UM VÍÐAN VÖLL
Metallica Hljómsveitin hefur komið í Laxnes.
Hefur riðið út með Metallica
Morgunblaðið/ÞÖK
Funahöfði 1 | 110 Reykjavík | Sími 567 4840 | www.bilo.is | bilo@bilo.is
NISSAN JUKE ACENTA
nýskr. 07/2016, ekinn 11 Þ.km, bensín, sjálfskiptur.
Einkabíll, einn eigandi!Verð 2.880.000 kr.
Raðnúmer 256729
FORD FOCUS TITANIUM
nýskr. 07/2016, ekinn 21 Þ.km, bensín, sjálfskiptur.
Einkabíll, eigandi! Verð 2.950.000 kr.
Raðnúmer 287776
ÓSKUM EFTIR BÍLUMÁ SÖLUSKRÁ - LAUS STÆÐI
RENAULTMASTER DCI125 L2H2
nýskr. 01/2015, ekinn 47 Þ.km, dísel, beinskiptur
6 gíra. TILBOÐSVERÐ 2.499.000 kr. + vsk
Raðnúmer 257494. 2 stk. til!
FORDTRANSIT TREND
6MANNA 310 L2H2
NÝR BÍLL, dísel, 6 gíra, 6manna.
Verð 4.490.000+vsk. Raðnúmer 257586
TOYOTA LAND CRUISER 150 GX
nýskr. 05/2012, ekinn 125 Þ.km, dísel,
sjálfskiptur. Verð 5.190.000 kr.
Raðnúmer 258080
Bílafjármögnun Landsbankans
ÁFRAM
ÍSLAND!