Morgunblaðið - 23.06.2018, Blaðsíða 21
FRÉTTIR 21Erlent
MORGUNBLAÐIÐ LAUGARDAGUR 23. JÚNÍ 2018
Stefán Gunnar Sveinsson
sgs@mbl.is
Flugvélaframleiðandinn Airbus og
BMW-bílaverksmiðjan vöruðu bæði í
gær við áhrifum þess ef Bretland yfir-
gæfi Evrópusambandið án þess að
samkomulag um viðskiptasamband
Breta og ESB lægi fyrir. Sagði Tom
Williams, framkvæmdastjóri Airbus í
Bretlandi, að slík niðurstaða myndi
setja framtíð fyrirtækisins innan
Bretlands í voða, en tæplega 15.000
manns starfa við verksmiðjur þess
þar.
Ian Robertson, fulltrúi þýska bíl-
smiðsins BMW í Bretlandi, tók í sama
streng og sagði að óvissan um framtíð
Bretlands væri þegar farin að hafa
neikvæð áhrif á fjárfestingar í bresk-
um bílaiðnaði.
Írsku landamærin höfuðverkur
Þykja yfirlýsingar fyrirtækjanna
setja Theresu May forsætisráðherra
Breta í þrönga stöðu, en hún hefur
ekki viljað útiloka það að slíkt sam-
komulag myndi ekki nást, í þeirri von
að það myndi gera samningamenn
Evrópusambandsins líklegri til þess
að semja. May hefur hins vegar sagt
að hún eigi von á því að samkomulag
muni liggja fyrir áður en Bretar
ganga úr Evrópusambandinu í mars á
næsta ári.
Viðræðurnar hafa hins vegar
strandað að undanförnu á írsku
landamærunum, en ekki liggur enn
fyrir hvernig landamæravörslu og
tollinnheimtu verður háttað á landa-
mærum Írlands og Norður-Írlands.
Þá hafa fulltrúar Evrópusambands-
ins í viðræðunum gagnrýnt Breta og
sagt óljóst hver samningsmarkmið
þeirra séu.
„Hræðsluáróður“
Stuðningsmenn útgöngu Breta sök-
uðu hins vegar Airbus-fyrirtækið um
að ýkja neikvæð áhrif Brexit, og voru
forsvarsmenn þess jafnvel sakaðir um
að hafa reynt að endurvekja hið svo-
nefnda „Project Fear“, en það var við-
urnefnið sem linnulítill hræðsluáróður
aðildarsinna í aðdraganda Brexit-at-
kvæðagreiðslunnar fékk.
Keir Starmer, talsmaður Verka-
mannaflokksins í málefnum Brexit,
sagði hins vegar að yfirlýsingar fyrir-
tækjanna sýndu það að May og
Íhaldsflokkurinn væru að tefla fram-
tíð bresks efnahags í hættu með því að
neita að útiloka þann möguleika að
Bretar drægju sig út úr viðræðunum
við Evrópusambandið án þess að
samningur lægi fyrir.
Vara við áhrifum Brexit
Airbus og BMW segja hættu á að þau þurfi að loka stöðvum sínum í Bretlandi
AFP
Brexit Airbus rekur meðal annars þessa verksmiðju í Wales, sem setur sam-
an vængi flugvéla. Alls starfa um 15.000 manns fyrir Airbus í Bretlandi.
Rússar minntust þess í gær að 77 ár voru liðin
frá því að Þjóðverjar hrintu í framkvæmd
„Rauðskeggs-áætlun“ sinni eða Barbarossa.
Vladimír Pútín Rússlandsforseti var á meðal
þeirra sem tóku þátt í minningarathöfninni, en
meðal annars var risastór blómsveigur lagður á
minnismerki um síðari heimsstyrjöld í Moskvu,
auk þess sem efnt var til hersýningar í tilefni af
þessum tímamótum.
AFP
Innrásar Þjóðverja í Sovétríkin minnst í Moskvu
77 ár liðin frá Rauðskeggs-áætluninni
Mannréttinda-
stjóri Samein-
uðu þjóðanna,
Zeid Ra’ad Al
Hussein, kallaði
í gær eftir al-
þjóðlegri rann-
sókn á voða-
verkum í
Venesúela, en í
nýrri skýrslu
Sameinuðu þjóð-
anna um ástandið í Venesúela
segir að öryggissveitir landsins
séu á bakvið hundruð handahófs-
kenndra morða á almennum borg-
urum. Mannréttindaráð SÞ segist
hafa öruggar heimildir fyrir því
að öryggissveitir í Venesúela geri
áhlaup á fátæk hverfi og felli
unga menn, oft á þeirra heimilum.
Framfylgd á lögum í Venesúela
er svo að segja engin, sagði Zeid
Ra’ad Al Hussein. Yfirvöld í Vene-
súela hafa hingað til hafnað öllum
ásökunum um mannréttindabrot í
átökum sem geisa í landinu milli
mótmælenda og yfirvalda, en djúp
stjórnmála- og efnahagskreppa
ríkir í Venesúela, og er mat-
arskortur mikill. Hafa fjölmargir
mótmælendur látist í átökum sem
hafa brotist út í mótmælum gegn
yfirvöldum síðasta árið.
Óska eftir rannsókn
á grimmdarverkum
Zeid Ra’ad
Al Hussein
VENESÚELA
Bjartari tímar
eru framundan í
efnahags- og
fjármálum
Grikkja eftir að
Evrópulöndin
nítján sem
mynda Evru-
myntbandalagið
komust að sam-
komulagi í gær,
sem kemur
Grikklandi út úr áralangri fjár-
hagslegri björgunaraðstoð og ger-
ir skuldir landsins þeim mun við-
ráðanlegri. „Grikkland er statt á
kaflaskilum, skuldastaða landsins
er nú raunhæf. Ég held að gríska
þjóðin geti brosað, þau geta andað
á ný,“ sagði Dimitris Tzanakopou-
los, talsmaður grísku ríkisstjórnar-
innar, í frétt AFP.
Í samningnum felst m.a. 10 ára
frestun á endurgreiðslu milljarða-
lána, sem gefur landinu öndunar-
rými þar sem harðari gjalddagar
gætu hafa þrengt enn frekar að
efnahag landsins. Grikkland lenti í
verulegum vandræðum í kjölfar
efnahagskreppunnar árið 2008.
Síðustu átta árin hefur landið þeg-
ið 275 milljarða evra í fjárhags-
aðstoð frá alþjóðlegum lán-
ardrottnum.
Kaflaskil í skulda-
vanda Grikklands
Dimitris
Tzanakopoulos
GRIKKLAND
Voltaren Gel er bæði verkjastilland
og bólgueyðandi
Vöðva eða liðverkir?
Voltaren 11,6 mg/g hlaup. Inniheldur díklófenaktvíetýlamín. Staðbundnir bólgukvillar. Lesið
Leitið til læknis eða lyfjafræðings sé þörf á frekari upplýsingum um áhættu og aukaverkanir. Sjá nánari upplýsingar um lyfið á www.serlyfjaskra.is.
i
va dlega upplýsingar á umbúðum .
15%
afslátturaf 100g og 150gVoltaren Gel