Skírnir - 01.09.2016, Side 41

277varðmaður gamla íslands
gildi ef samþykkt eru á tveimur þingum, fyrir og eftir alþingis-
kosningar. Undir lok þings 2013 samþykkti mikill meirihluti Al -
þing is bráðabirgðaákvæði stjórnarskrár sem heimilaði nýja viðbótar -
reglu við stjórnarskrárbreytingar. Eftir þingkosningar 2013 staðfesti
nýtt Alþingi þetta ákvæði. Þar með var heimilað að breyta stjórn-
arskránni með samþykki ¾ þingmanna og þjóðaratkvæðagreiðslu
þar sem a.m.k. 40% atkvæðisbærra manna greiddu atkvæði með
breytingunni.
Ný stjórnarskrárnefnd var skipuð þar sem fulltrúar allra stjórn-
málaflokka á Alþingi áttu sæti auk formanns nefndarinnar, Sigurðar
Líndal, prófessors í lögum við Háskóla Íslands. Í júní 2014 skilaði
nefndin áfangaskýrslu (Starf stjórnarskrárnefndar: 1. áfangaskýrsla
2014). Þar voru dregin saman álitaefni um fjögur meginatriði stjórn-
arskrár:
1. Þjóðaratkvæðagreiðslur
2. Eign ríkisins á auðlindum
3. Ákvæði um umhverfisvernd
4. Framsal á ríkisvaldi til alþjóðasamtaka
Á blaðamannafundi nefndarinnar kom skýrt fram að talsverður
samhljómur var með nokkrum fulltrúum í nefndinni. Þannig sagðist
Skúli Magnússon, fulltrúi Framsóknarflokks, sjá fyrir sér eina mestu
breytingu á íslenskri stjórnarskrá, yrðu væntanlegar tillögur nefnd-
arinnar að veruleika („Sé fyrir mér mestu breytingu …“ 2014).
Fulltrúar stjórnarandstöðuflokkanna voru á svipaðri bylgjulengd
þótt þeir vildu ganga enn lengra og endurskoða stjórnarskrána í
heild sinni; töldu að ekki væri hægt að líta framhjá niðurstöðu
þjóðaratkvæðagreiðslunnar í október 2012 um stjórnarskrármál.
Formaðurinn Sigurður Líndal var nokkuð sér á báti. Hann var á
móti miklum breytingum á stjórnarskrá sem ætti að vera stöðug:
„Bandaríkin hafa stjórnarskrá frá 1787 og Norðmenn frá 1814.“ Sig-
urður Líndal lét af störfum sem nefndarformaður í september 2014.
Meginástæðuna kvað hann vera aldur sinn (83 ára) en Sigurður bætti
einnig við að hann hefði litla trú á að eitthvað kæmi út úr starfi
nefndarinnar: „Mér finnst ekki vera neinn sérstakur áhugi á því að
endurskoða stjórnarskrána hjá stjórnmálamönnum eða þeim sem
skírnir