Skírnir - 01.09.2016, Qupperneq 46

Sterkar vísbendingar voru sem sagt um að Ólafi Ragnari hefði langt
í frá tekist að öðlast þann sess sem hann hafði í huga þjóðarinnar
fyrir hrun. Allt var hins vegar á huldu um fyrirætlanir hans. Í kosn-
ingunum 2012 tókst honum á skömmum tíma með harðskeyttri
kosningabaráttu að vinna upp forskot Þóru Arnórsdóttur. Þegar til
kastanna kemur er alls ekki auðvelt að bera sigurorð af forseta sem
gefur kost á sér til endurkjörs.
Á nýársdag 2016 flutti Ólafur Ragnar Grímsson (2016) sitt
tuttugasta nýársávarp sem forseti Íslands. Að venju var boðskapur
forseta þríþættur á þessari stundu. Fortíð Íslands var metin, síðan
kom greining á núverandi stöðu landsins og að síðustu dró hann
upp mynd af nánustu framtíð íslenskrar þjóðar. Með verkum sínum
í fortíðinni hefðu Íslendingar lyft þjóð sem var fátæk í fremstu röð.
Nýverið var á brattann að sækja og þjóðin hafði tekist á við
erfiðleika í kjölfar bankahrunsins, glímt við fjármálakreppuna og
andstreymi víða að.
Ólafur Ragnar Grímsson fullyrti að mikil óvissa í stjórnmálum
hefði kallað á framboð hans í kosningunum 2012. Nú væru að -
stæður allt aðrar. Þar sem áður ríkti ósætti um grundvallaratriði
væri komin sátt. Miklir erfiðleikar þjóðarinnar væru að baki. Nú
horfði allt til betri vegar og Íslendingar aftur komnir „í kjörstöðu
þegar litið er til framtíðar“. Í ljósi þess og „á grundvelli lýðræðis
sem er okkar aðalsmerki finnast mér blasa við hin réttu vegamót til
að færa ábyrgðina á aðrar herðar og hef því ákveðið að bjóða mig
ekki fram til endurkjörs. Nú er góður tími fyrir þjóðina að ganga
með nýjum hætti til ákvörðunar um forseta; sess Íslands og innviðir
þjóðlífsins eru traustari en um langan tíma.“
Ákvörðun forsetans virtist yfirleitt mælast vel fyrir, enda hafði
hann setið nær tuttugu ár á forsetastól, fjórum árum lengur en
nokkur annar og átta árum lengur en Ólafur Ragnar taldi sjálfur há-
markstíma er hann var fyrst kjörinn forseti 1996 („Forseti sitji 2–3
kjörtímabil“ 1996).
Stjórnarskrárnefnd Alþingis skilaði tillögum 19. febrúar 2016
sem ætlað var að varða veginn til víðtækrar sáttar um þrjú ný ákvæði
í stjórnarskrá: varðandi umhverfisvernd, sameiginlegar auðlindir og
282 svanur kristjánsson skírnir