Saga - 2008, Page 202

að metnaðarmenn hafi búið í skálanum; til þess bendir óvenjustórt
og vandað eldstæði og eins fannst brot úr dýrum og fínum gler-
bikar, sem mun vera frankverskur að uppruna. Hér hefur líklega
ráðið fyrir híbýlum fólk sem vildi halda fagrar veislur. Ritheimildir
12. aldar eru þannig látnar varpa ljósi á fyrri tíð og eru notaðar til
að skýra fornleifar 10. aldar. Þetta einkennir marga texta sem fram
koma á margmiðlunarborðinu.
Formgerðir eins og þær koma fram í ritheimildum geta því
varpað ljósi á fornleifar. En fólki í samtíma okkar nægja ekki tengsla-
net, hópar og formgerðir, það vill kynnast persónum af holdi og
blóði. Vandinn er að gamli, góði Ingólfur, eins og honum er lýst í
Landnámabók, hefur verið sviptur tilveru, og óvissa ríkir um allt
hans slekti. Orri Vésteinsson hefur brugðist við þessu og samið
fyrrgreinda frásögn um sígilt stef, bóndaefni sem biður sér konu.
Vonandi hefur mér tekist að sýna hvernig gömul sjónarmið eru
látin víkja við túlkun hinnar elstu sögu og ný og nýleg sjónarmið
látin ríkja. Umfjöllun Steinunnar hefur gefið mér tilefni til að lýsa
hugmyndum sem voru lagðar til grundvallar í tengslum við sýn-
inguna. Hér er drepið á ýmis grunnsjónarmið sem ekki eru útskýrð
beinlínis á sýningunni sjálfri eða í umræddu sýningarriti en getur
verið gagnlegt að fá fram á fræðilegum vettvangi.
helgi þorláksson202
Saga haust 2008 nota:Saga haust 2004 - NOTA 5/15/08 11:18 AM Page 202