Jökull - 01.07.2003, Qupperneq 64

Oddur Sigurðsson
1. mynd. Séð vestur yfir Snæfellsjökul. Þríhyrningur er niður undan Þúfum og Hyrningsjökull við hann kennd-
ur teygir sig lengst í austur. Ljósmynd 18. október 2001. – A view westwards over Snæfellsjökull. The outlet
glacier in the foreground is Hyrningsjökull. Ljósm./Photo. Oddur Sigurðsson.
yfir Jónsmessu. Sumarið með eindæmum sólríkt en
allt of þurrt svo tún þurrkbrunnu víða en þar sem raki
var nægur var mettöðufall og heyfengur hér mikill og
góður. Varla kom dropi úr lofti allan ágúst og fram
eftir september og þar sem enginn vetrarsnjór var til
vatnsmiðlunar þornuðu upp allir lækir og tjarnir, og
mýrar sem venjulega voru vart færar á hnéstígvélum
var nú í leitum hægt að ganga um, ef vildi, á sokka-
leistunum án þess að blotna í tær.
Úthagagróður þoldi illa þessa látlausu sólar-
breiskju og féll snemma. Fé af stórum svæðum flýði
heim vegna vatnsskorts, ærnar geltust og dilkar urðu í
rýrara lagi. Ber feikileg og héldust óskemmd út sept-
ember. Hausthret engin, tíð góð og jörð auð til 20.
nóvember. Skjaldfönn fór 1. september sem er afar
óvenjulegt að hún leggi upp laupana svo snemma. Í
heild fær árið hin bestu eftirmæli.“
Leirufjarðarjökull – Ásgeir Sólbergsson telur snjóa-
lög með minnsta móti í Leirufirði þau 40 ár sem hann
hefur verið þar viðloðandi (1. mynd). Horfur voru á að
skaflinn í Kjósarnúpnum hyrfi sem er afar sjaldgæft.
Reykjarfjarðarjökull – Þröstur Jóhannesson lýsir
sporðinum sem bröttum en lítt sprungnum. Ein-
hver hreyfing sýnist vera á honum austan megin.
Brúná virðist ennþá vera tærari en jökuláin (Reykjar-
fjarðarós) en það kann að vera af því að hún virðist
lýsast við það að falla fram af Brúnárfossi. Ofan foss-
ins er hún með sama lit og aðrar jökulár.
Á jöklinum upp af sporði Reykjarfjarðarjökuls eru
nokkur sprungusvæði, frekar lítil um sig og virðast
öll vera á hæðum sem jökullinn skríður yfir. Skaflar
á hjallanum undir Miðmundahorni eru meiri en verið
hefur undanfarin haust. Snjór var samkvæmt þessum
skýrslum um Drangajökul meiri á Hornströndum en í
Djúpi og Jökulfjörðum.
Norðurlandsjöklar
Gljúfurárjökull – Kristján Eldjárn og Árni Hjartarsyn-
ir vitjuðu jökulsins í sól og stillu: „Nýsnævi var á
háfjöllum og náði niður á jökultunguna í um 700 m
hæð. Vetrarfönn frá undanfarandi vetri var horfin á
mælistaðnum en var enn nokkur meðfram jökulrönd-
inni til beggja handa. Fönn og snjóþök voru á ánni
nokkuð neðan við útfallið og síðan aftur nokkru neðar.
Breytingar höfðu orðið á útfalli árinnar. Undanfarin
ár, og líklega áratugi hefur hún komið í tveimur kvísl-
um undan jöklinum sem sameinuðust skammt neðan
hans. Nú er eystri kvíslin horfin en sú vestari orðin að
sama skapi stærri. Lágur vatnslaus íshellir liggur inn
62 JÖKULL No. 52, 2003