Breiðfirðingur - 01.04.2016, Side 83

BREIÐFIRÐINGUR 83V STU BYG Ð
vegur lá og þjóðvegurinn liggur nú um norður á firði. Að auki bera áber­
andi fjöll á þessum slóðum nafn vegarins, Hornatær. Pétur frá Stökkum
segir þær ranglega nefndar svo heldur hafi vegurinn sem lá á þessum
slóðum borið þetta heiti. Gestur Gíslason bóndi í Trostansfirði talar um
að Hornatær séu grundvöllur fellanna og kannast Jónína Hafsteinsdóttir
emeríta hjá Árnastofnun við slíkt málfar úr sjómannamáli þar sem tær
eru neðstu hjallar en „háreistir“ efstu hjallar í fiskimiðum sem miðað
er við í landi. Gestur talar einnig um að hinn forni vegur Hornatær hafi
legið þar um. Mér er næst að halda að Hornatáavegur hafi greinst í tvær
áttir þegar sunnar dró og önnur farið niður í Penningsdal um það bil þar
sem vegurinn liggur nú um Helluskarð rétt austan Hornatáa og hin farið
innan Vatnsdals og inn á Þingmannaheiði. Til norðurs hefur vegurinn
einnig getað greinst, ein leiðin legið niður í Borgarfjörð og önnur áfram
norður í Dýrafjörð og jafnvel lengra. Þetta var erfið leið hestum og því
fóru flestir hér um fótgangandi. Hæst fer heiðin í tæpa 600 metra og er
löng innan allra dala og fjarða suður í sveitir Breiðafjarðar.
Botnsskarð lá upp úr Penningsdal í Vatnsfirði um Helluskarð og í
Langbotn í Geirþjófsfirði. Leiðin lá upp með gljúfrum Þverdalsárinnar
upp úr Penningsdalnum og um það bil á þeim slóðum sem núverandi
Vestfjarðavegur liggur. Þegar kom að Langabotni lá gatan niður um
Tóbakslaut og á ágætri götu niður að bænum. Um 1960 kom vegur um
Dynjandisheiði og var hann þá lagður á þeim slóðum sem Botnsskarð
lá áður og sameinaðist svo Dynjandisheiðarveginum að norðan sem fer
niður Afreksdal að Dynjanda í Arnarfirði. Vegurinn er þar hæstur 550
metrar. Ganga um Botnsskarð tók þrjá tíma á milli bæja.
Skammt frá Botnsskarði liggur gömul leið um Breiðaskarð til
Trostansfjarðar frá Vatnsfirði. Skarðið er á milli Ármannsfells og
K lakks, tveggja Hornatáa. Farið var yfir Pennu á vaði við mynni Penn­
ingsdals og Smjördals, skömmu ofar þar sem efri brúin er á Pennu við
Pennubúann eða ­karlinn sem var reistur þar 1958 af vegagerðarmönn­
um sem að brúarsmíðinni unnu. Karlinn er minnisvarði um vegagerðar­
menn sem vinna með höndunum og fyrirmyndin var Gísli Gíslason frá
Hvammi á Barðaströnd. Ferðafólk hélt á upp Taglið á Tröllahálsinum
sem blasir við frá Pennu. Upp í þó nokkra hæð og þar inn brúnir inn í