Breiðfirðingur - 01.04.2016, Qupperneq 170

BREIÐFIRÐINGUR170
veiðar og vargfuglaeyðingu eins og það var kallað þá. Ég byrjaði strax
og var fastráðinn frá 1. febrúar 1982. Þetta þótti mér spennandi en ég
hafði reyndar aðeins kynnst svona veiðiskap ungur. Fyrst þegar ég var
í sveit á Heggsstöðum í Miðfirði, 14 ára, lærði ég að fara með byssu
því þar var æðarvarp sem refir, minkar og vargfuglar sóttu í og þurfti
að verja varpið. Ég hafði svo verið við minkaveiðar eftir það, farið
víða um landið. Í starfi mínu hjá veiðistjóraembættinu hitti ég marga
reynslumikla veiðimenn sem kenndu mér ýmsar kúnstir við veiðarnar,
sem ég miðlaði svo til annarra.“
– Varstu með aðrar aðferðir en aðrir refa­ og minkabanar?
„Margir þekktu ekki hvernig var fljótvirkast að veiða ref eða mink.
Ég hafði aldrei þurft að vera nema sólarhring að vinna refagreni, en
sum ir veiðimenn höfðu verið allt upp í fjóra sólarhringa að fullvinna
greni. Við minkaveiðar er mikilvægt að hafa góða minkaveiðihunda.
Árið 1979 byrjaði ég að vinna með minkaveiðihunda á hundabúi sem
veiði stjóra embættið rak í Þormóðsdal í Mosfellsbæ.
Upphafið að því að ég fór að skrá nöfn á eyjum og varpfuglum í
Breiðafjarðareyjum má rekja til þess að ég var beðinn um að fækka
mink í Fagureyjum.
Kristján Guðmundsson bátasmiður í Stykkishólmi hafði samband við
mig 1986. Hann átti Fagureyjar og spurði hvort ég gæti leitað að mink
í Fagureyjum því árið 1985 hefði minkur valdið usla í eyju sem heitir
Innri­Steinaklettur. Minkurinn hafði drepið þar á sjötta hundrað lunda,
nokkra tugi toppskarfsunga og fýla.
1986 leitaði ég ásamt eyjareigendum að mink í eyjunum sem tilheyra
Fagureyjum og náðum við einni læðu með tvo hvolpa í eyju sem heitir
Pjattland, sá minkur hafði drepið 565 lunda og átta fýla í eyjunni. Ann­
arri læðu náði ég sem var með sex hvolpa og var hún búin að drepa 277
lunda í Feldarhólma.
Ég leit snemma á það sem forréttindi að fá að ganga um eyjarnar
og notaði tækifærið til að teikna kort af þeim 16 eyjum sem tilheyra
Fagureyjum. Ég skráði einnig hjá mér varpfugla sem verptu í eyjunum.
Þá fór ég sömu erinda með ýmsum mönnum um fjölda eyja sem tilheyra
Stykkishólmi og Helgafellsveit. Það er skemmst frá því að segja að ég