Morgunblaðið - 04.12.2018, Page 12

12 DAGLEGT LÍF
MORGUNBLAÐIÐ ÞRIÐJUDAGUR 4. DESEMBER 2018
SMÁRALIND – KRINGLAN
Búðu þig fyrir
veturinn
Sigurður Bogi Sævarsson
sbs@mbl.is
Ljósmyndir Ragnars Th.Sigurðssonar eru áber-andi á sýningum þeimsem opnaðar voru í Perl-
unni síðastliðinn laugardag, 1.
desember. Myndir sem hann tók af
vatnabjöllunni
fjallaklukku og
krabbadýrinu
skötuormi eru á
sýningu Nátt-
úruminjasafns
Íslands sem ber
yfirskriftina
Vatnið í náttúru
Íslands. Myndir
þessar eru tekn-
ar með sérstakri
tækni, þannig að
dýrið allt sem er annars agnarsmátt
sést í fókus enda er óteljandi mynd-
um af því staflað saman í eina heild.
Allur hringurinn
Með sömu aðferð er unnin risa-
stór panoramaljósmynd af útsýninu
af Vatnajökli allan hringinn. Sú
mynd er í jöklasýningu Perlunnar
og er hluti sýningarinnar Undur ís-
lenskrar náttúru. Í fordyri Perl-
unnar er svo 66 fermetra mynd sem
Ragnar tók í Fljótshlíðinni og sýnir
hálfan sólarhring við Eyjafjalla-
jökul; frá birtu til bragandi norður-
ljósa með Eyjafjallajökul gjósandi í
miðjunni. Loks má nefna að í kjall-
ara Perlunnar eru tugir mynda sem
Ragnar tók í eldgosunum í Eyja-
fjallajökli árið 2010 og Holuhrauni
2014; heildstætt yfirlit um þær
miklu náttúruhamfarir.
Skapar andstæður
„Mér finnst alltaf jafn gaman
að mynda landið í öllum sínum fjöl-
breytileika. Ljósmyndun hefur allt-
af verið mitt hálfa líf og ég var að-
eins tólf ára þegar mínar fyrstu
myndir birtust í Vísi. Þá varð ekki
aftur snúið,“ segir Ragnar. Fjöl sína
fann hann í myndatökum af landi og
náttúru í öllum sínum fjölbreyti-
leika – og fátt finnst ljósmyndara í
þeirri deildinni jafn áhugavert og
eldgos.
„Þegar byrjaði að gjósa í Holu-
hrauni árið 2014 vildi svo vel til að
ég var á Akureyri og var því fljótur
á vettvang. Það voru búnar að vera
jarðhræringar og ég hafði á tilfinn-
ingunni að eitthvað væri að gerast
þar, eins og kom á daginn,“ segir
Ragnar, ljósmyndari í um hálfa öld.
„Mér finnst þetta alltaf jafn
skemmtilegt. Maður nær líka ekki
góðri mynd nema vera í góðu skapi,
forvitinn um tilveruna og geta séð
myndefnin í listrænu ljósi.“
Ljósmyndir/Ragnar Th. Sigurðsson
Sólargangur Horft til gjósandi Eyjafjallajökuls úr Fljótshlíð á samsettri mynd sem sýnir bjartan dag sem svo dvínar og þegar komið er inn í nóttina dansa norðurljósin á himninum.
Myndirnar í Perlunni
Brugðið er ljósi á náttúruna í sínum óteljandi blæbrigðum á sýningum þeim í
Perlunni sem voru opnaðar nú um helgina. Þar eru myndir Ragnars Th. Sigurðs-
sonar áberandi, en hann hefur myndað landið og náttúru þess í marga áratugi.
Eldsumbrot Kraumandi gígur, glóandi hraun og flugvél sýnir hlutföll.
Holuhraun Rauð hraunelfurin streymir fram og litadýrðin er einstök.
Ragnar Th.
Sigurðsson
Alls 63 doktorar tóku 1. desember
síðastliðinn við gullmerki Háskóla Ís-
lands að viðstöddum forseta Íslands,
Guðna Th. Jóhannessyni, á árlegri
Hátíð brautskráðra doktora í hátíðar-
sal aðalbyggingar HÍ. Doktorarnir
eiga það sameiginlegt að hafa braut-
skráðst frá Háskóla Íslands á tíma-
bilinu 1. desember 2017 til sama dags
á þessu ári og er þetta í áttunda sinn
sem HÍ heiðrar doktora frá skólanum
með þessum hætti.
Í dag stunda um 600 nemendur
doktorsnám við skólann. Í námi sínu
og með framlagi til kennslu og rann-
sókna innan skólans leggja doktors-
nemar mikið af mörkum, bæði til ís-
lensks samfélags og í eflingu
háskólans sem alþjóðlegrar rann-
sóknastofnunar, segir í frétt frá skól-
anum. „Doktorsnemar, í samstarfi
við leiðbeinendur sína, leggja sömu-
leiðis sín lóð á vogarskálarnar í leit
hins alþjóðlega vísindasamfélags að
lausnum við brýnustu viðfangsefnum
samtímans,“ segir enn fremur.
Á athöfninni 1. desember tóku
doktorsnemar frá öllum fimm fræða-
sviðum Háskóla Íslands við gullmerki
skólans, alls 24 karlar og 39 konur.
Það er til marks um hversu alþjóð-
legur Háskóli Íslands er orðinn að
44% doktoranna sem brautskráðust
síðasta árið eru með erlent ríkisfang.
Við þetta má bæta að alls munu tæp-
lega 60 nemar ljúka doktorsprófi á
árinu 2018 og verður heildarfjöldi
doktora sem brautskráðst hafa frá
Háskóla Íslands frá upphafi á sjö-
unda hundrað í lok árs. sbs@mbl.is
Hátíð í Háskóla Íslands að venju 1. desember
Ljósmynd/Kristinn Ingvarsson
Doktorar Lærdómsfólk ásamt rektor, forseta Íslands og fleira góðu fólki við
hátíðina sem efnt var til, venju samkvæmt, á fullveldisdeginum 1. desember.
Doktorarnir fengu gullmerki