Morgunblaðið - Sunnudagur - 23.12.2018, Blaðsíða 27

Hamingjustund í Taílandi.
inni. Það er ástæðan fyrir að við er-
um komnar þangað aftur og ætlum
að vera í einhvern tíma,“ segir Álf-
heiður.
En mesti lærdómurinn?
„Við höfum svo sannarlega lært
mikið af þessu ævintýri. Um okkar
getu og takmörk, mismunandi lífs-
hagi fólks og hvað lífið og menning
getur verið mismunandi eftir löndum
og stöðum. Við höfum líka lært að til-
einka okkur mínimalískan lífsstíl og
gerum okkur grein fyrir að þessir
veraldlegu hlutir skipta minna máli
en tíminn sem við eyðum saman. Við
vorum heldur bjartsýnar í byrjun að
ætla bara að fara með eina tösku en
áttuðum okkur fljótlega á því og
skiptum yfir í tvo bakpoka. Mælum
eindregið með því,“ segir Eva.
Besta ákvörðunin
Marga dreymir um að brjótast út úr
rútínunni og gera eitthvað öðruvísi
en færri láta verða af því. Eva og Álf-
heiður segja að þetta sé besta
ákvörðun sem þær hafi tekið og að
þær muni aldrei sjá eftir þessu. Það
sé dásamlegt að geta upplifað allt
þetta saman og geta eytt svona mikl-
um tíma saman.
En skyldu þær luma á einhverjum
góðum ráðum fyrir fjölskyldur með
börn á ferðalagi?
„Ætli það sé ekki að gera ekki of
mikil plön fyrir hvern dag þar sem
þetta er oft erfitt fyrir börnin. Muna
að njóta og upplifa hlutina saman.
Velja það sem hentar ykkur hverju
sinni og forgangsraða. Hlusta á
börnin, vera sveigjanleg og ekki gera
of miklar kröfur til ykkar né þeirra.
Muna að skemmta ykkur og njóta
samverunnar,“ segja þær.
Nú eruð þið á fjarlægum slóðum,
hvernig hefur verið tekið á móti ykk-
ur sem hinsegin fjölskyldu?
„Við höfum aldrei lent í neinu ves-
eni en aftur á móti höfum við ekkert
endilega verið að auglýsa það. Við
finnum stundum smáóöryggi hjá
okkur þar sem við erum hræddar að
eitthvað bitni á börnunum enda er
það ekkert sjálfgefið að okkur sé tek-
ið vel alls staðar,“ segir Eva.
Nú hafið þið reynslu af því að
vinna á leikskóla, hvernig er aðbún-
aður barna þar sem þið hafið komið?
Hafið þið eitthvað heimsótt leikskóla
á ferðalaginu?
„Það er mjög misjafnt, við höfum
heimsótt leikskóla í öllum löndunum
nema einu og þeir eru eins misjafnir
og þeir eru margir. En það sem þeir
eiga allir sameiginlegt er að þar er
byrjað á bóklegum fögum strax í
leikskóla og miklu meiri áhersla lögð
á það heldur en félagsleg samskipti
og leikinn,“ segir Eva.
Þær segja að aðstaðan sé enn-
fremur víðast hvar allt öðruvísi, fá-
tæktin sé mikil og lítið í boði fyrir
börnin. Sumstaðar sofi börnin í leik-
skólanum þar sem það sé of langt að
fara heim.
„Þetta er auðvitað misjafnt eftir
löndum og við höfum bæði heimsótt
innlenda sem og alþjóðlega leikskóla.
Í Kambódíu er fátækt það mikil að
sum börn geta ekki farið í skóla og á
Filippseyjum er mikið um heima-
kennslu. Við höfum alltaf komið með
gjafir sem við færum börnunum, liti,
bækur og þess háttar. Sindri tók líka
upp á því sjálfur að vilja gefa ís-
lensku barnabækurnar sínar og tek-
ur með nokkrar í hverja heimsókn,“
segir Álfheiður.
Búa við ströndina
Fjölskyldan kann vel við sig á Bor-
acay og er ætlunin að stoppa aðeins
áfram á eyjunni og njóta lífsins í
slökun og rólegheitum.
„Hér búum við á frábærum stað
þar sem Rúnar frændi Álfheiðar býr.
Afi hennar og frænka voru að koma
hingað líka og svo eigum við orðið
góða vini hér í næsta stigagangi. Við
búum alveg við ströndina þannig að
það er dásamlegt að vakna og geta
bara rölt beint út á strönd með teið
sitt,“ segir Eva.
Álfheiður er farin að læra svokall-
að „kiteboarding“ og Eva ætlar í
jóga. Þær eru líka að leita að kenn-
ara til að kenna allri fjölskyldunni ta-
ekwondo. Sindri er líka í ensku-
kennslu.
Þeir sem vilja sjá meira af ferða-
lagi fjölskyldunnar geta farið á In-
stagram og Snapchat.
„Við opnum líf okkar og vonumst
til að hafa áhrif á aðra og vera hvetj-
andi í leiðinni. Við erum ótrúlega
þakklátar viðbrögðunum sem við
höfum fengið og allar jákvæðu undir-
tektirnar. Við erum „worldtravel-
moms“ á samfélagsmiðlunum.“
Jólin verða haldin í Boracay með
fjölskyldu og vinum.
„Planið er að fara út að borða á að-
fangadagskvöld og okkur langar síð-
an að opna pakkana í rólegheitum 25.
eins og við gerðum í fyrra. Annað er
svo sem óráðið og við spilum þetta
eftir eyranu,“ segir Álfheiður.
Að lokum senda þær Eva og Álf-
heiður jólakveðju til Íslands: „Við
óskum öllum gleðilegra jóla og far-
sældar á nýju ári. Það er einlæg von
okkar að fjölskylda og vinir heima á
Íslandi opni fyrir þann möguleika að
heimsækja okkur í þessa einstöku
paradís.
Til allra segjum við að ef ykkur
hefur einhvern tímann dreymt um að
ferðast um heiminn eða upplifa sam-
bærilegt ævintýri, sláið þá til. Ekki
bíða með það. Lífið er dýrmætt og
um leið brothætt en umfram allt er
lífið núna.“
Í menningargarði í Siam Reap.
’ Við höfum líka lært aðtileinka okkur míni-malískan lífsstíl og gerumokkur grein fyrir að þessir
veraldlegu hlutir skipta
minna máli en tíminn sem
við eyðum saman.
Börnin skreyta jólatré í hitanum í Boracay.
23.12. 2018 MORGUNBLAÐIÐ SUNNUDAGUR 27
Ármúli 7, Reykjavík | Sími 568 0708 | www.fako.is
50%afsláttur afjólaskrauti
Gleðilega hátíð
kæru viðskiptavinir og takk
fyrir viðskiptin á árinu
Opið til kl. 18 í dag
Vatnagörðum 22 | 104 Reykjavík | Sími 585 8300 | sala@postdreifing.is | postdreifing.is
FJÖLPÓSTUR
SEM VIRKAR
*könnun Zenter apríl 2016.
61% landsmanna lesa fjölpóst
70% kvenna lesa fjölpóst
58% neytenda taka eftir tilboðum á
vöru og þjónustu í gegnum fjölpóst*
Dreifum sex daga vikunnar inn á 80.000 heimili
MARKHÓPURINN ÞINN BÍÐUR
EFTIR TILBOÐI FRÁ ÞÉR
Hafðu samband og við gerum þér tilboð í þá þjónustu sem þér hentar