Morgunblaðið - 10.01.2019, Blaðsíða 39

FRÉTTIR 39Innlent
MORGUNBLAÐIÐ FIMMTUDAGUR 10. JANÚAR 2019
HEYRNARSTÖ‹INKringlunni • Sími 568 7777 • heyra.is
Hlustaðu
á hjartað þitt
Beltone Trust™ heyrnartækin gera þér kleift að heyra jafnvel minnstu smáatriði
– sem stundum reynast þau mikilvægustu. Við hjá Heyrnarstöðinni leggjum allan
okkar metnað í að veita góða þjónustu og bjóða upp á hágæða heyrnartæki.
Komdu í ókeypis heyrnarmælingu og fáðu heyrnartæki lánuð til reynslu.
Beltone Trust
™
Ágúst Ingi Jónsson
aij@mbl.is
Tíu sinnum hefur sjávarútvegssýn-
ingin Lofotfishing verið haldin í
Kabelvåg í Norður-Noregi í lok
vetrarvertíðar í mars eða byrjun
apríl. Á sex þessara sýninga hafa
þau Þóra Bragadóttir og Hafsteinn
Ólafsson, eigendur fyrirtækisins
Beitis ehf. í Vogum, lagt leið sína til
að kynna fyrirtækið og framleiðsl-
una. Þau eru þarna á heimavelli,
þekkja orðið fjölda fólks frá bæj-
unum í Lofoten og tæki frá fyrirtæk-
inu er að finna í fjölmörgum minni
bátum í Norður-Noregi.
Enn einu sinni eru þau Þóra og
Hafsteinn byrjuð að undirbúa ferð til
Lofoten til að sýna línuspil, beitn-
ingatrektar, lyftukör og aðra fram-
leiðslu sem Beitir hefur hannað og
framleitt. Alls gætu tæki sem þau
senda með Norrönu til Hirtshals
vegið hátt í eitt tonn. Þaðan fer bún-
aðurinn með stórum trukk norður til
Lofoten.
Fyrstu skrefin í skúrnum
Nú starfa 5-6 manns hjá Beiti, en
fyrstu skrefin voru stigin í skúrnum
við heimili þeirra Þóru og Hafsteins í
Vogum 1988. Saga þessa fjölskyldu-
fyrirtækis spannar því rúmlega 30 ár
og börn og barnabörn hafa lagt fyrir-
tækinu lið. Börn þeirra fjögur voru
með í för á sýningunni fyrir tveimur
árum og vakti það nokkra athygli.
„Það er einstakt ævintýri að koma
norður til Lofoten á þessum árs-
tíma,“ segir Þóra í samtali við Morg-
unblaðið og öðrum þræði er eins og
hún sé að lýsa þátttöku í ættarmóti.
„Sýningin hefur stækkað mikið, en
eigi að síður er mikil nánd þarna
meðal fólks sem kemur nánast allt úr
sjómannasamfélaginu í Norður-
Noregi. Þangað koma menn sem róa
á eigin bátum og við erum því að tala
beint við notendur búnaðarins, sem
margir eru orðnir stórvinir okkar.
Veturinn 2017 hafði verið snjólétt, en
síðustu dagana fyrir sýninguna
kyngdi niður snjó og það var allt
bókstaflega á kafi meðan sýningin
stóð yfir. Það var hins vegar yndis-
legt og ótrúlega fallegt í blankastillu,
sem var þessa daga.“ Þóra segir að
þau hafi ævinlega reynt að sinna við-
skiptavinum Beitis eins vel og þau
framast geti, en fyrirtækið sinnir
einnig ýmiss konar sérsmíði. „Nor-
egur er stór markaður fyrir okkar
vörur og tæki frá okkur eru mjög
víða í norskum bátum. Við höfum
tvívegis farið til Noregs og keyrt
strandlengjuna frá Kirkenes í norð-
austri niður til Sandefjord, alls rúm-
lega 20 þúsund kílómetra, og farið á
óteljandi firði og víkur. Þeir eru
óteljandi beitningaskúrarnir sem við
höfum heimsótt og þegið kaffisopa í.
Viðskiptavinirnir kunna að meta
þessar heimsóknir og aðstoð sem við
höfum getað veitt þeim, nokkuð sem
við munum halda áfram að gera. Við
förum alltaf niður á bryggju og sums
staðar er annar eða þriðji hver bátur
með tæki frá okkur,“ segir Þóra.
Um 150 sýnendur
Sýningin í Jakobsvaag er talsvert
minni í sniðum en stóra NorFish-
sjávarútvegssýningin í Þrándheimi,
sem er meðal stærstu sýninga í at-
vinnugreininni í heiminum. Litli
bróðir í norðri, Lofotfishing, þjónar
hins vegar vel minni útgerðarfyrir-
tækjum í Lofoten og nágrenni.
Lengi vel var einn íþróttasalur í
Kabelvaag og dugði hann fyrir sýn-
endur. Handboltasal var bætt við á
sýningunni fyrir tveimur árum og
útlit er fyrir að salirnir verði báðir
fullnýttir er 11. sýningin hefst 29.
mars. Líklegt er að sýnendur verði
yfir 150 og alls er sýningarplássið
um fimm þúsund fermetrar. Auk
Noregs kynna fyrirtæki frá Dan-
mörku og Svíþjóð framleiðslu sína og
frá Íslandi taka Beitir og Ekkó þátt í
sýningunni og hugsanlega fleiri.
Á heimavelli á vetrarsýningu í Lofoten
 Beitir í Vogum sýnir framleiðslu sína í Kabelvåg  Hafa heimsótt beitningaskúra um allan Noreg
Fastagestir Á síðustu sýningu færðu Þóra Bragadóttir og Hafsteinn Ólafs-
son gestgjöfunum páskaegg, þeim Inger Lise og Arne Walter Mørch.
Norður-Noregur Íbúar í Kabelvåg eru tæplega tvö þúsund. Vetrarvertíðin
setur mikinn svip á allt líf í Lofoten, en hún nær hámarki í marsmánuði.