Morgunblaðið - 11.02.2019, Page 6

6 FRÉTTIRInnlent
MORGUNBLAÐIÐ MÁNUDAGUR 11. FEBRÚAR 2019
Síðumúla 35 (bakdyramegin) - Sími 568 3920 & 897 1715
DARTVÖRUR
MIKIÐ ÚRVAL – FRÁBÆRT VERÐ!
Sigurður Bogi Sævarsson
sbs@mbl.is
„Í yfirstandandi kjaraviðræðum
höfum við lagt ríka áherslu á að-
komu stjórnvalda því það er margt
sem snertir lífskjör vinnandi fólks
sem þarnast úrbóta og ríkið verður
að breyta. Ber þar hæst húsnæð-
ismarkaður, skattamál og barátta
gegn félagslegum undirboðum.
Þær launahækkanir sem samið hef-
ur verið um síðustu ár hafa í mörg-
um tilvikum brunnið upp á húsnæð-
ismarkaðnum. Því þýðir lítið að
hamast endalaust við að hækka
launin ef þau eru svo tekin af fólki
annars staðar,“ segir Drífa Snædal,
forseti Alþýðusambands Íslands.
Hún heldur áfram:
„Skattkerfið hefur fengið að
þróast í þá átt að lægst launaða
fólkið á Íslandi hefur tekið á sig
raunhækkun skatta á meðan skatt-
ar þeirra sem hæst hafa launin
hafa lækkuð.“
Félagsmálapakki
Segja má að allt sé undir þeg-
ar kjarasamningar eru lausir. Eitt
er að finna og semja um launa-
hækkanir, vinnufyrirkomulag og
fleira slíkt og svo þarf að tína sitt-
hvað til í félagsmálapakka; mál
sem snera launafólk sem þó verður
leyst beint við samningaborðið. Þar
ber húsnæðismál hæst. Áætlað er
að um 10.000 nýjar íbúðir verði
byggðar á næstu þremur árum sem
þó er ekki nóg, að því er fram kem-
ur í greinargerð með tilögum
starfshóps stjórnvalda sem fór yfir
stöðuna í húsnæðismálum. Því
þurfi meðal annars að auka fram-
boð hagkvæmra íbúða á viðráð-
anlegu verði og auka stuðning við
kaupendur jafn sem leigufélög,
styrkja vernd við leigjendur og
endurskoða regluverk í skipulags-
málum.
Nauðsynlegar úrbætur
„Tillögurnar í húsnæðis-
málum eru fínar og þar var komið
til móts við flest það sem við skil-
greindum sem nauðsynlegar úr-
bætur. Það þarf hins vegar að
skipuleggja framkvæmd þessara
tillagna og fjármagna þær og þeg-
ar það er komið getum við talað
um árangur, ekki fyrr. Margar til-
lagnanna er þó hægt að fara í
strax, svo sem að styrkja stöðu
leigjenda og auka stofnframlög til
íbúðabygginga,“ segir Drífa. Í
þessu sambandi getur hún fram-
taks verkalýðshreyfingarinnar
sem er bygging 1.400 leiguíbúða
sem teknar verða í notkun á næstu
fjórum árum; þær fyrstu í sumar.
„Verkalýðshreyfingin hefur
byggt upp kerfi til að vinna á hús-
næðiseklunni og við leggjum
mikla áherslu á að fá fjármagn inn
í það kerfi í áframhaldandi upp-
byggingu. Það skiptir miklu máli
því þar er verið að byggja hag-
kvæmar og góðar íbúðir sem fólk
hefur í raun efni á. En við höfum
líka uppi áform um að byggja
leiguíbúðir fyrir millitekjuhópa,
það er ekki bara lægst launaða
fólkið.“
Barist fyrir aðgerðum
Í fyrri viku var í fréttum sagt
frá ömurlegum aðbúnaði við flokk
rúmenskra verkamanna á höfuð-
borgarsvæðinu. Málið vakti at-
hygli, þótt sambærileg tilvik hafi
oft áður ratað í fréttir. Vitað er
um erlenda verkamenn sem búa í
iðnaðarhúsnæði hér og þar um
borgina og víða, að félagsleg und-
irboð í ætt við þrælahald tíðkist
þannig að viðkomandi á þess eng-
an kost að lifa með reisn.
„Já, það hefur skort á að
stjórnvöld skilji alvarleika málsins
og grípi til viðeigandi ráðstafana.
Við höfum árum saman barist fyr-
ir úrræðum og aðgerðum fyrir
þennan hóp, að eftirlit sé eflt og
samræmt og viðbrögð til staðar
þegar svona kemur upp. Þar má
nefna innleiðingu keðjuábyrgðar,
stöðvun kennitöluflakks, aðgerðir
gegn mansali og fleira,“ segir
Drífa sem skynjar mikinn kraft
um þessar mundir í verkalýðs-
hreyfingunni. Þar láti nú til sín
taka fólks sem er bæði nýtt í bar-
áttunni og aðrir sem lengi hafa
staðið á dekkinu.
Baráttugleði og kraftur
„Þessi góða blanda skilar sér
í baráttugleði og krafti sem ég hef
ekki orðið vör við lengi hjá hreyf-
ingunni. Við finnum líka vel fyrir
því að stjórnvöld vita að það er
ekki hægt að horfa framhjá kröf-
um sem hreyfingin reisir. Hver ár-
angurinn verður sjáum við á næst-
unni. Þegar kjarasamningar eru í
höfn sé ég svo fyrir mér aukna
áherslu á vinnuvernd, menntun og
fræðslu – því þar bíða stór verk-
efni.
Stjórnvöld komi að húsnæðismálum og vinni gegn félagslegum undirboðum
Morgunblaðið/Valli
Forysta Ekki er hægt að horfa framhjá kröfum sem verkalýðshreyfingin setur fram, segir Drífa Snædal.
Skilji alvarleika málsins
 Drífa Snædal er fædd árið
1973. Hún er tækniteiknari,
viðskiptafræðingur og vinnu-
markaðsfræðingur að mennt.
 Að baki á Drífa fjölbreyttan
feril á sviði margvíslegra sam-
félagsmála. Var fram-
kvæmdastýra Samtaka um
kvennaathvarf, fram-
kvæmdastýra Vinstri hreyfing-
arinnar – græns framboðs og
framkvæmdastjóri Starfs-
greinasambands Íslands frá
2012 til 2018. Var kjörin forseti
ASÍ í lok október á sl. ári
Hver er hún?
Guðrún Erlingsdóttir
ge@mbl.is
„Það kom mér á óvart hversu ráða-
laus Vegagerðin, lögreglan og
Reykjavíkurborg voru á íbúafundi í
Vesturbæ Reykjavíkur um öryggi
gangandi vegfarenda yfir Hring-
braut. Þar var talað um að stilla um-
feðarljósin betur og minnka há-
markshraða í 40 kílómetra á
klukkustund en ég gat ekki betur
heyrt en lögreglan segði að það
myndi litlu breyta þar sem meðal-
hraðinn á götunni væri rétt yfir 40
kílómetrar. Hugmynd fulltrúa borg-
arinnar um borgarlínu og aukna reið-
hjólanotkun leysir ekki vandann,“
segir Haraldur Ólafsson, veðurfræð-
ingur og íbúi í Vesturbænum, við
Morgunblaðið.
Á fundinum kom Haraldur fram
með hugmynd að undirgöngum við
Hringbraut, svipuðum þeim sem
liggja undir Miklubraut við Löngu-
hlíð. Þau hafa gefist vel að hans mati.
Haraldur segist aftur á móti hafa
fengið dauf viðbrögð yfirvalda við
þessari tillögu sem ætlað er að auka
öryggi barna í umferðinni.
„Við verðum að horfast í augu við
það að börn í Vesturbænum geta
verið í lífshættu þegar þau þurfa að
fara yfir Hringbrautina. Vegna
ástandsins þar keyra margir foreldr-
ar börn sín í Hagaskóla, sem eykur
enn á hættu við skólann,“ segir Har-
aldur og bætir við að vitað sé um
börn sem ekki fara í frístundastarf
eftir skóla vegna ástandsins og sitja
frekar heima í tölvunni.
Skilur viðhorf íbúanna
Magnús Örn Guðmundsson, forseti
bæjarstjórnar Seltjarnarness, segir
bæjaryfirvöld mjög ósátt við að ekk-
ert samráð hafi verið haft við þau
vegna fyrirhugaðrar lækkunar há-
markshraða á Hringbraut.
„Auðvitað skil ég vel áherslur íbúa
í Vesturbænum, en Vegagerðin og
lögreglan eiga að hafa samráð við
okkur þegar um stofnæðar er að
ræða,“ segir Magnús og bendir á að
vegna mikillar fjölgunar íbúa á svæð-
inu þurfi að huga vel að leiðum til
rýmingar og tryggja að þær leiðir
séu í lagi.
Þá er að sögn Magnúsar búið að
senda erindi til lögreglu og Vega-
gerðarinnar vegna málsins og verður
fundað með Vegagerðinni á morgun.
Magnús bendir á að Seltjarnarnes-
bær hafi átt ágætt samstarf við
Reykjavíkurborg undanfarið og nefn-
ir að í borgarstjóratíð Jóns Gnarrs
hafi verið skrifað undir plagg sem
enn sé í gildi um að Reykjavíkurborg
tryggi að akreinum verði ekki fækk-
að vestan Kringlumýrarbrautar og
gerð verði sérstök greining á flótta-
leiðum og rýmingaráætlun fyrir vest-
urhluta höfuðborgarsvæðisins.
Geta verið í lífshættu á leið í skóla
 Úrræðaleysi yfirvalda þegar Hringbraut er annars vegar  Íbúi telur gamaldags undirgöng geta hjálpað
Haraldur
Ólafsson
Magnús Örn
Guðmundsson
Guðni Einarsson
gudni@mbl.is
Flokkarnir sem skipa meiri hluta í
borgarstjórn Reykjavíkur höfðu það
allir á stefnuskrá sinni fyrir síðustu
borgarstjórnarkosningar að gera
Laugaveg varanlega að göngugötu,
að sögn Sigurborgar Óskar Haralds-
dóttur, formanns skipulags- og sam-
gönguráðs Reykjavíborgar. „Þetta
er það sem við vorum kosin til að
gera og það væri skrítið ef við alfarið
hættum við það,“ sagði Sigurborg.
Hún var spurð um viðbrögð við opnu
bréfi talsmanna fjölda fyrirtækja í
miðborginni til borgarstjórnar þar
sem þeir mótmæltu lokun versl-
unargatna.
„Við erum í vinnu við að rýna
hvernig við gerum þetta. Um það
snerist samráð nýverið í Ráðhús-
inu,“ sagði Sigurborg. Íbúasamráðið
um varanlegar göngugötur fór fram
28. janúar til 3. febrúar. Sérstakur
fundur var haldinn m.a. með veit-
ingafólki, verslunarrekendum, og
þeim sem vinna við ferðaþjónustu og
vöruflutninga. Sigurborg sagði að
það hefðu komið fram skiptar skoð-
anir um málefnið. „Málið er í vinnslu
og engin endanleg tillaga komin
fram. Allar athugasemdir eru teknar
inn í ferlið.“
Sigurborg sagði að allur Lauga-
vegur væri til skoðunar varðandi
gerð göngugötu. Líklega kemur til-
laga á næstu vikum um hvaða hlutar
götunnar verða gerðir að göngugötu
og í hvaða tímaröð.
Hún kvaðst telja það eðlilegt að
fyrirtæki færðu sig til í borginni en
ekki hafa sérstakar forsendur til að
meta hvernig sú þróun væri. Mikil
endurnýjun hefði t.d. verið í Múla-
hverfi. Sigurborg sagði það jákvætt
að rekstur væri að aukast í hlið-
argötum og á Hverfisgötu og víðar í
miðbænum. Hins vegar gæti það
verið áhyggjuefni ef rekstur við
Laugaveg væri að verða einhæfari.
Það sé mikilvægt, sérstaklega í að-
alskipulagi, að halda Laugavegi sem
fjölbreyttri verslunargötu og það sé
til að stuðla að því að miðbærinn
verði áfram hjarta borgarinnar.
Allur Laugaveg-
ur til skoðunar
 Tillaga væntanleg um göngugötuna
Morgunblaðið/Eggert
Laugavegur Unnið er að tillögu um
opnun göngugötu til frambúðar.