Morgunblaðið - 04.03.2019, Blaðsíða 10

Stjörnustríð og Þór
» True North hefur síðustu
ár komið að gerð kvikmynda
á borð við Star Wars: The
Force Awakens og Rogue One,
Oblivion, Noah, The Secret
Life of Walter Mitty og Thor 2
(Thor: The Dark World), Fast
& the Furious 8 og Justice
League.
» Þá má nefna Black Mirror
(Netflix), Alpha, Blade Runner
2049, Fast 8: Fate of the Furi-
ous, Justice League, 22 July
(Netflix).
» Tvær myndir voru teknar
upp að hluta á Íslandi í fyrra
en þær hafa vinnuheiti á
þessu stigi.
» Leifur Dagfinnsson áætlar
að félagið hafi komið að níu
af hverjum tíu stórum erlend-
um kvikmyndaverkefnum hér
síðustu ár.
BAKSVIÐ
Baldur Arnarson
baldura@mbl.is
„Útlitið er orðið bjartara. Það er
klárt mál að það hjálpar að krónan er
að veikjast. Þá má segja að við
eygjum möguleika. Það eru ýmis stór
verkefni í skoðun,“ segir Leifur B.
Dagfinnsson, stjórnarformaður True
North, um stöðuna á markaði.
Fyrirtækið hefur á þessum áratug
framleitt flestar þeirra erlendu stór-
mynda sem hafa verið teknar upp á
Íslandi. Síðustu tvö ár hafa hins veg-
ar verið erfið í rekstrinum.
Haft var eftir Leifi í Morgun-
blaðinu í september síðastliðnum að
árið 2017 hefði verið „annus horribilis
í rekstrinum“. Það hefði verið „lélegt
ár miðað við síðustu sex ár“.
Spurður um skýringar á þessum
samdrætti leiddi Leifur líkur að því
að Ísland hefði verið ofnotað sem
tökustaður, eða að fyrirtækin teldu
einfaldlega of dýrt að koma hingað og
mynda. „Við erum ekki samkeppnis-
hæf sem stendur,“ sagði Leifur í við-
talinu.
Veltan um milljarður í fyrra
Velta True North var fimm millj-
arðar árið 2016 en aðeins einn millj-
arður 2017. Hún var um milljarður í
fyrra.
Vísað er til veltu félaganna True
North og Discover True North á Ís-
landi. Veltan í Noregi er undanskilin
en True North er þar með dóttur-
fyrirtæki.
Nú telur Leifur hins vegar að horf-
urnar séu orðnar bjartari.
„Það birtust jákvæðar fréttir um
daginn varðandi samstarf okkar við
Netflix um framleiðslu á Valhalla-
sjónvarpsseríunni. Það kom ungur
leikstjóri inn á skrifstofu til mín að
nafni Þórður Pálsson og lagði þessa
hugmynd á borðið. Ég ákvað að taka
vel í hana og boltinn fór að rúlla,“
sagði Leifur á föstudag, en hann var
þá á ferð í Noregi að skoða mögulega
tökustaði.
„Það eru nokkur verkefni í skoðun
á Íslandi og jafnframt erum við með
nokkur verkefni í Noregi. Það er
mjög sérstakt enda er Noregur ekki
ódýr staður. Upp á síðkastið hafa
verið jákvæð teikn á lofti á Íslandi,“
segir Leifur en tekur fram að uggur
sé í mönnum varðandi möguleg verk-
föll með vorinu og launahækkanir.
„Við erum að fara að vinna auglýs-
ingar og minni verkefni í mars og
apríl. Jafnframt erum við að vinna í
verkefnum sem gætu orðið að veru-
leika í sumar og í haust. Þá er ég að
tala um bíómynda- og sjónvarpsverk-
efni,“ segir Leifur.
Vöxtur í innlenda hlutanum
Hilmar Sigurðsson, forstjóri Saga-
film, segir innlenda hlutann í kvik-
myndagerðinni „gera gott betur en
að halda sjó“. Það sjáist á þeim verk-
efnum sem samið hafi verið um.
Hins vegar sé ekki útlit fyrir að er-
lendi hlutinn í kvikmyndagerðinni
taki jafn hratt við sér.
„Við erum í einu stóru erlendu
verkefni núna,“ segir Hilmar og vísar
til framleiðslu á sænskum sjónvarps-
þáttum í Stykkishólmi.
Um er að ræða tökur á sjónvarps-
þáttaröðinni 20/20. Tökur hófust 14.
janúar og lýkur föstudaginn 29.
mars.
Hilmar segir félagið ekki hafa fleiri
stór erlend verkefni samþykkt í bók-
unum. Á hinn bóginn geti hlutirnir
gerst hratt í þessari grein og auðvit-
að sé alltaf verið að ræða við erlenda
aðila um verkefni.
Spurður hvað skýri uppganginn í
innlendri framleiðslu nefnir Hilmar
áhuga og eftirspurn eftir innlendu
leiknu efni.
„Ég get ekki lesið það öðruvísi.
Auk 20/20 munum við hjá Sagafilm
framleiða tvær innlendar þáttaraðir í
ár, auk annars dagskrárefnis. Tökur
á næstu þáttaröðinni okkar, sem er í
samvinnu við RÚV, hefjast 10. apríl
og er á fullu í undirbúningi. Það er
því spennandi ár fram undan hjá okk-
ur,“ segir Hilmar.
Hann segir aðspurður þetta
rekstrarár hjá Sagafilm ekki verða
lakara en rekstrarárið í fyrra.
„Við veltum 1.528 milljónum í fyrra
og skilum rekstrarniðurstöðu í plús.
Endanlegar tölur liggja ekki fyrir.
Það var um 10% veltuaukning milli
ára og annað árið í röð sem við skilum
jákvæðri rekstrarafkomu. Við sjáum
fram á að lágmarki 40% veltuaukn-
ingu í ár. Með því höfum við meira en
tvöfaldað veltuna á þriggja ára tíma-
bili,“ segir Hilmar sem tók við sem
forstjóri Sagafilm í janúar 2017.
Eitt það veltumesta
Hann segir aðspurður að árið 2018
hafa verið það fjórða veltumesta í
framleiðsluhluta íslenskrar kvik-
myndagerðar frá upphafi. Greinin
skapi nú um 1.400 ársverk.
„Ég held að það verði meira af inn-
lendum verkefnum í ár. Erlendu
verkefnin eru alltaf spurningar-
merki,“ segir Hilmar og bætir við að
færri erlend verkefni á síðustu miss-
erum séu afleiðing af sterku gengi og
kostnaðarhækkunum innanlands.
„Við erum einfaldlega minna sam-
keppnishæf í verði þegar kemur að
því að fá til okkar svona verkefni.“
Kvikmyndagerðin réttir úr kútnum
 Framleiðandi hjá True North segir veikingu krónunnar eiga þátt í betri horfum í kvikmyndagerðinni
 Menn hafi áhyggjur af verkföllum  Forstjóri Sagafilm stefnir á að tvöfalda veltuna á þremur árum
Ljósmynd/Þór Kjartansson/True North/Birt með leyfi
Upptökur á Stjörnustríði True North hefur komið að gerð fjölmargra erlendra mynda á Íslandi á síðustu árum.
Leifur B.
Dagfinnsson
Hilmar
Sigurðsson
10 FRÉTTIRInnlent
MORGUNBLAÐIÐ MÁNUDAGUR 4. MARS 2019
Verslun – Snorrabraut 56, 105 Reykjavík
Sími 588 0488 | feldur.is
GJÓLA
mokkalúffur
9.200
TINNA
blárefsvesti
72.000
Velkomin í hlýjuna
ELÍN
mokkakápa
248.000
SIF vesti úr
íslensku lambskinni
50.400
VINDUR
rauðrefstrefill
15.500
MÓA
prjónahúfa m/dúsk
9.200
BELGINGUR
mokkahanskar
6.200
Margir erlendir ferðamenn fara í
hvalaskoðun frá Akureyri á hverju
ári og er siglt með bátum sem gerð-
ir eru út af Akureyri Hvalaskoðun.
Á laugardag fóru um 110 farþegar
með Hólmasól og 116 fóru í gær.
Frá áramótum hafa nú á þriðja þús-
und manns farið í þessar ferðir og
virðist ekkert lát vera á áhuga
fólks.
Þetta góða gengi má að miklu
leyti þakka góðri markaðssetningu
og beinu flugi frá Bretlandi. Er það
ferðaskrifstofan Super Brake sem
heldur úti ferðum til Akureyrar og
eru flugferðir tvisvar í viku.
Á þriðja þúsund
farið frá áramótum
Morgunblaðið/Þorgeir Baldursson
Vinsælir Fjölmenni fór í hvalaskoðun um helgina frá Akureyri.