Dagblaðið Vísir - DV - 02.08.2019, Blaðsíða 32

32 2. ágúst 2019
SAKAMÁL
Ragna Gestsdóttir
ragna@dv.is
SKORDÝR VÍSUÐU Á SÖKUDÓLGINN
V
incent Brothers, aðstoðar­
skólastjóri í Kaliforníu,
gat ekki litið betur út á yf­
irborðinu. Honum var
lýst sem „hetju“ og „góðum
samfélagsþegni.“
En á bak við luktar dyr var
Brothers annar maður. Árið
2000 giftist hann Joan Harper,
ungri stúlku frá Bakersfield. Þau
eignuðust soninn Marques, en
hjónabandið slitnaði árið 2001 sök­
um framhjáhalds Brothers. Þau
hófu samband aftur og eignuðust
dótturina Lyndsey, giftu sig á ný
árið 2003, og eignuðust annan son,
Marshall.
Nokkrum mánuðum síð­
ar yfirgaf Brothers heimilið og
sambandið slitnaði á ný. Og í þetta
sinn varð ekkert af sáttum.
Um þjóðhátíðarhelgina þann
4. júlí flaug Brothers til Ohio til að
hitta fjölskylduna. Sunnudaginn 6.
júlí fór Harper í kirkju með börnum
sínum og móður, Ernestine. Tveim­
um dögum síðar kom vinkona
Harper, Kelsey Spann, í heimsókn
og steig inn í martröð. Ummerki
voru um innbrot og fann Spann lík
Harper, 39 ára, Marques, fjögurra
ára, Lyndsey, tveggja ára, og Mars­
hall, sex vikna, í rúmum þeirra. Hin
sjötuga Ernestine lá látin í and­
dyrinu. Höfðu þau öll verið skotin
til bana, auk þess sem stungusár
fundust á líkama Harper. Brothers
var strax talinn vera valdur að
voðaverkinu. Hann var handtekinn
og yfirheyrður, og virtist hann vera
harmi sleginn, en lögreglan var enn
full grunsemda.
Lögreglan gat þó ekki sannað að
Brothers bæri ábyrgð á morðunum,
hann var með skothelda fjarvistar­
sönnun, 3.219 kílómetra frá heim­
ilinu, og engin sönnunargögn
tengdu hann við morðin, þannig
að honum var sleppt úr varðhaldi.
Níu mánuðir áttu eftir að líða þar
til lögreglan næði gerandanum og
það var furðuleg vísbending sem
leiddi til handtöku.
Bakgrunnur Brothers kannaður
í þaula
Daglegt líf Brothers var orðið það
sama og áður, en lögreglan hafði
kannað bakgrunn hans í þaula. Þeir
sem sáu um rannsókn málsins voru
fullvissir um að Brothers væri ger­
andinn og höfðu reynt sitt ítrasta til
að finna glufur í fjarvistarsönnun
hans. Vitað var að hann leigði bíl
meðan hann var í Ohio, þar sem
hann hafði lent í óhappi meðan
hann var með bílinn á leigu, bíll­
inn var því tekinn til rannsóknar.
Kílómetrastaðan á bílnum var há
og benti til þess að Brothers hefði
keyrt langa vegalengd, þannig að
Lynn Kimsey skordýrafræðing­
ur var fengin til að skoða bílinn.
Það sem hún fann reyndist vera
það sem varpaði ljósi á heildar­
myndina. Vatnskassi og loftsía bíls­
ins innihéldu sérstaka tegund af
vespum, pöddum og engisprettum,
sem aðeins finnast vestur af Rocky­
­fjöllum.
Kinsey sagði dýrin vera í sam­
ræmi við „tvær langar vega lengdir
til Kaliforníu frá austri.“ Melvin,
bróðir Brothers, vék frá fyrri frá­
sögn sinni um að Brothers hefði
verið með honum þessa helgi.
Kom í ljós að Brothers hafði
keyrt frá Ohio til Kaliforníu, útrýmt
fjölskyldu sinni og sett á svið inn­
brot, áður en hann keyrði aftur til
Ohio. Vegalengdin var í heild 8.690
kílómetrar.
Brothers var handtekinn árið
2004 og kom fyrir dómara árið 2007.
Hann brast í grát þegar dómarinn
hafnaði lífstíðardómi án möguleika
á náðun, og dæmdi Brothers til
dauða fyrir morðin. Eddie, bróðir
Harper, sagði: „Við erum glöð yfir
að hann hafi verið dæmdur á rétt­
mætan máta og fundinn sekur. Við
getum núna lokað þessum kafla og
haldið áfram með okkar líf.“
Brothers bíður enn dauða­
refsingar í San Quentin ­fangelsinu
í Kaliforníu.
Mæðgin Harper og yngsta barn
hennar, Marshall, sex vikna.
Dóttirin Lyndsey tveggja ára
Elstur Marques fjögurra ára
Amman Ernestine
Vatnskassinn Skordýr sem aðeins finnast vestur
af Rockyfjöllum fundust í bílnum, þrátt fyrir að
Brothers þverneitaði að hann hefði keyrt þangað.
Fundinn sekur
Brothers við réttarhöldin.
Heimili fjölskyldunnar
Hér voru Harper, börn hennar og móðir myrt.
RRonand Dotson, frá Detroit í Michigan, hlaut næstum lífstíðarfangelsi fyrir nokkur innbrot, öll framin svo hann gæti fullnægt gínugirnd sinni.Dotson, 48 ára, varð góðkunningi lögreglunnar eftir að hafa verið handtekinn fyrir
að brjótast minnst sex sinnum inn í ýmsar verslanir yfir 13 ára tímabil. Í öllum tilvikum voru
innbrotin framin svo Dotson gæti fullnægt blæti sínu, en hann ágirntist gínur verslananna.
Sat Dotson inni fyrir innbrotin.
Hann var fyrst handtekinn árið 1993 á bak við verslun í Ferndale í Detroit. Þar var hann
að „skemmta“ þremur gínum, sem allar voru klæddar í kynþokkafull undirföt. Síðasta
skiptið sem hann var handtekinn var 9. október árið 2006, þá braut hann rúðu og rústaði
útstillingum í gluggum verslunarinnar, allt til að komast að einni gínu sem hann hafði
augastað á. Sú var klædd í svarthvítan búning þjónustustúlku.