Dagblaðið Vísir - DV - 05.07.2019, Side 2
2 5. júlí 2019FRÉTTIR
Á þessum degi,
5. júlí
1865 – William Booth heldur fyrsta
fund Austur London Christian Mission í
tjaldi í Whitechapel í London. Í maí 1878
breytti hann nafninu í Salvation Army
(Hjálpræðisherinn).
1946 – Bikíní er sýnt í fyrsta sinn við
sundlaug á tískusýningu í París.
1980 – Eftir fjögurra klukkustunda
keppni vinnur Björn Borg sigur á John
McEnroe í tennis á Wimbledon, þetta er
sögulegur fimmti sigur Borg í röð.
1994 – Amazon.com stofnað í
Bellevue í Washington.
1996 – Einræktun kindarinnar
Dolly kemst í heimsfréttirnar. Breski
vísindamaðurinn Ian Wilmut og sam-
starfsmenn hans við Roslin-stofnunina
í Skotlandi fjarlægðu kjarna úr eggfrum-
um kindar og settu í staðinn tvílitna
kjarna úr líkamsfrumum kindar af öðru
kyni. Ein tilraun af 277 heppnaðist og
Dolly þroskaðist eðlilega.
Síðustu orðin
„Það eru þrjár leiðir til
glötunar: konur, fjárhættu-
spil og tæknimenn. Sú
ánægjulegasta er með
konum, sú fljótlegasta með
fjárhættuspili og sú örugg-
asta með tæknimönnum.“
– Georges Pompidou, forsætis-
ráðherra Frakklands 1962–1968 og
forseti frá 1969 til dánardags, 2.
apríl 1974.
n Yfirvöld reyna að fela vandann n Fólk sefur í búrum
n Vill hjálpa heimilislausum í London
S
íðasti göngutúrinn í Hong
Kong var erfiður. Ég var far-
inn að þekkja marga og sjá
sama fólkið aftur og aftur.
Það er erfitt að sjá gaurana sem
maður er búinn að hanga með
hálfdauða úti á götu með sprautu-
nál í handleggnum. Það er ekki
sérstaklega gaman,“ segir Úlf
Mork.
Úlf er fæddur og uppalinn á Ís-
landi. Móðir hans er íslensk og fað-
ir hans hálfur Norðmaður og hálf-
ur Íslendingur. Úlf flutti til Noregs
með fjölskyldu sinni tíu ára gam-
all og hefur síðustu ár búið í Hong
Kong. Undanfarna mánuði hefur
hann lagt hönd á plóg með góð-
gerðarsamtökunum ImpactHK.
Samtökin voru stofnuð fyrir þrem-
ur árum og hafa vaxið hratt. Mark-
mið þeirra er að hjálpa heimilis-
lausum í Hong Kong, veita þeim
stuðning og tækifæri til betra lífs.
Missti fjölskylduna og fór á
götuna
Úlf byrjaði að vinna fyrir Impact-
HK fyrir nokkrum mánuðum og
tók til að byrja með þátt í svoköll-
uðum kærleiksgöngum þar sem
sjálfboðaliðar ImpactHK fara um
þekkta íverustaði heimilislausra
og gefa þeim mat, drykk, föt og
annað. Smátt og smátt komst Úlf
meira inn í starfið og fór að bjóða
heimilislausum uppá klippingu og
rakstur í nafni ImpactHK.
„Margir sem setjast í stólinn eru
spenntir að spyrja mig spjörunum
úr. Vilja vita hvaðan ég kem og
hver ég er. Þeir eru spenntir að æfa
sig í enskunni því margir tala enga
ensku. Ég kann ekki mikið við að
spyrja þetta fólk um þeirra fortíð,
því starf HK Impact snýst um að
byggja upp vinatengsl og einskon-
ar fjölskyldu – eitthvað sem marga
vantar því þeir eru aleinir,“ seg-
ir Úlf og rifjar upp sögu af einum
72ja ára gömlum manni sem kom
í klippingu.
„Hann er gífurlega vel mennt-
aður. Hann lærði í Japan, ferðað-
ist um heiminn og var háskóla-
kennari í Hong Kong. Hann missti
fjölskyldu sína og þegar sonur hans
svipti sig lífi fór hann að halda til í
garði í Hong Kong og hefur dval-
ið þar í tólf ár. Hann á íbúð en vill
ekki búa þar. Mér finnst saga hans
sýna vel að það er ekki nóg að gefa
þessu fólki íbúð eða peninga. Eftir
viku gæti það verið komið á sama
stað og áður. Þess vegna reyn-
um við að binda saman þennan
vinahóp og mynda litla fjölskyldu
saman,“ segir Úlf. „Sumt af þessu
fólki hefur bara tekið vitlausa
beygju í lífinu og þarf hjálp. En
þetta tekur allt tíma. Það tók þenn-
an gamla mann tvö ár að koma til
HK Impact í klippingu. Nú sæki ég
hann alltaf þegar ég er að klippa
og hann kemur með mér. Vonin er
að hann ákveði að koma einhvern
tímann upp á eigin spýtur.“
Heimilislausir sofa í búrum
HK Impact er opið frá 10 til 21
alla daga og boðið er upp á þrjár
máltíðir á dag fyrir þá sem vinna.
Þeir sem hafa áhuga á að komast
af götunni, fá vinnu og húsnæði
er hjálpað með það, en Úlf seg-
ir að engu sé þröngvað upp á fólk.
Hann segir úrræði sem þessi þörf
þar sem heimilisleysi sé gríðar-
stórt vandamál í Hong Kong.
„Yfirvöld gera svo mikið til að
fela þetta. Það læsir af brýr og kem-
ur fyrir steinum svo fólk geti ekki
sofið undir þeim. Þannig að við
þurfum oft að leita þetta fólk uppi.
Einu sinni rakst ég á mann sem var
bara í bol. Það var það eina sem
hann var í, annars var hann alls-
ber. Það er engin hjálp fyrir menn
eins og hann. Heimilislausir fá
fjögur þúsund krónur á mánuði frá
ríkinu en fyrir tvö þúsund krónur
er hægt að leigja sér búr til að sofa
í. Þá er fjögur hundruð hundabúr-
um staflað ofan á hvort annað og
fólk sefur þar. Alveg hræðilegt. Það
eru margir sem deyja á götunni og
oft gengur maður fram á hálfdautt
fólk í gönguferðum. Það er skelfi-
legt.“
Stórir draumar í London
Úlf er í sambandi með ástral-
skri konu og eiga þau tveggja ára
dóttur saman auk þess sem kon-
an hans á níu ára dóttur úr fyrra
sambandi. Þau eru á Íslandi fram
í næsta mánuð þegar nýtt ævin-
týri tekur við. Fjölskyldan ætl-
ar að setja að í London þar sem
kona Úlfs fékk gott atvinnutilboð í
bankageiranum. Úlf ætlar að næla
sér í meistarpróf í hárgreiðslu í
London og dreymir um að opna
góðgerðadrifna hárgreiðslustofu
þar sem hver keypt klipping þýð-
ir ókeypis klippingu fyrir einhvern
í neyð.
„Ég vona að ég nái að skapa það
sama í London og HK Impact náði
að skapa í Hong Kong.“ n
Lilja Katrín Gunnarsdóttir
lilja@dv.is
Nóg að gera Úlf
klippir konu sem
þrífur göturnar á
lúsaralaunum.
„Einu sinni rakst ég á mann
sem var bara í bol. Það var
það eina sem hann var í, annars
var hann allsber.
Klippir heimilis-
lausa í Hong Kong
Slökun á
Ísland Úlf dvelur
nú á Íslandi með
fjölskyldunni en
flytur til London í
næsta mánuði.
MYND: EYÞÓR/DV