Dagblaðið Vísir - DV - 21.06.2019, Blaðsíða 31
21. júní 2019 FRÉTTIR 31
A
rnar Pétursson, mara-
þonhlaupari flakkar í
sumar á milli hlaupa-
hópa um allt land í sam-
starfi við Íslandsbanka. Arnar er
28 ára og hefur æft hlaup í átta
ár. Hann hefur 25 sinnum orðið
Íslandsmeistari í hlaupi og árið
2017 varð hann Íslandsmeist-
ari í níu mismunandi hlaupa-
greinum. Arnar er nýjasti gestur
hlaðvarpsþáttar dægurmála-
deildar DV, föstudagsþáttar-
ins Fókus, þar sem hann gefur
góð ráð þeim sem vilja byrja að
hlaupa eða bæta sig í íþróttinni.
Arnar æfir hlaup sem at-
vinnumaður í dag og er með-
fram því að skrifa hlaupabók
sem mun heita Hlaupahand-
bókin. Eins og nafnið gefur til
kynna inniheldur bókin alls
kyns fróðleik er varðar hlaup.
Arnar æfði bæði körfu- og fót-
bolta á yngri árum, en hvers
vegna skipti hann úr hópíþrótt
yfir í hlaup?
„Það er skemmtileg saga.
Þegar ég var sextán ára hljóp
pabbi minn maraþon. Hann
er enginn sérstakur hlaup-
ari þannig séð, samt flottur. Ég
ætlaði þá að hlaupa sjálfur en
komst að því að ég varð að vera
átján ára til að hlaupa mara-
þon í Reykjavíkurmaraþoninu.
Þegar ég var átján ára hafði ég
tíma til að fara og ég skráði mig
með tveggja vikna fyrirvara. Ég
hafði aldrei hlaupið lengra en
tíu kílómetra. Ég hugsaði að
þetta gæti ekki orðið það erfitt
fyrst pabbi gat gert þetta. Þegar
ég sagði fjölskyldunni frá því
fór allt í panikk. Það var eins og
ég væri að fara í fallhlífarstökk
án fallhlífar. Ég hljóp í þessu
hlaupi og endaði á því að vera
í öðru sæti af Íslendingum og
slá eitthvað þrjátíu ára gam-
alt Íslandsmet. Tveimur árum
seinna prófaði ég að æfa heilt
sumar fyrir þetta og þá endaði
ég á að vinna Reykjavíkurmara-
þonið. Þá var ekki aftur snúið.“
Arnar segist hafa verið
haldinn miklum fordómum
gagnvart hlaupi, talið þetta ein-
hæfasta og leiðinlegasta sport
veraldar – þá sérstaklega út af
sárum æskuminningum þar
sem hlaup voru notuð sem refs-
ing á æfingum í hópíþróttum.
„En vá, þetta er svo miklu
fjölbreyttara en ég hélt og hund-
rað sinnum meira gefandi en ég
gat ímyndað mér. Þetta
er líka svo einfalt því
maður þarf í raun
bara hlaupaskó
til að fara af
stað.“ n
Góð uppbygging
„Ef þú ætlar að byrja að hlaupa
núna og æfa fyrir hlaup, byrjaðu
þá á tveimur vikum þar sem
þú ert bara að taka rólegt
skokk og þegar þú ert að taka
rólegt skokk, hægðu þá á þér
þó þér finnist þú vera að fara
of hægt. Farðu eins hægt og
þú mögulega getur fyrstu tvær
vikurnar. Ef þér líður vel geturðu
farið oftar út að hlaupa og
síðan geturðu sett meira inn í
prógrammið.“
Ekki hægt að fara of
hægt
„Rólegt skokk er hægara en þú
heldur. Það sem okkur finnst vera
rólegt er eiginlega alltaf aðeins of
hratt. Stór lykill í velgengni er að
hlaupa nógu rólega því það er erfitt
að hlaupa nógu hægt. Þó þú sért
skrefi fyrir ofan labb ertu að gera
ótrúlega mikið fyrir líkamann,“ segir
Arnar, en í hlaupaprógrömmum
er oft talað um að taka daga inná
milli þar sem á að skokka rólega.
Hann mælir því alls ekki með því að
hlaupa alltaf á sniglahraða.
Hlaupastíllinn
„Allur líkaminn tekur þátt í
hlaupinu. Þú vilt helst vera
með einhvern sem þekkir til til
að sjá hvernig þú ert að beita
þér og sem getur gefið þér ráð.
Síðan viltu vinna alltaf í einum
hlut í einu. Nota fjóra til sex
mánuði til að hugsa um einn
hlut til að bæta því þú vilt að
þessi hlutur verði ósjálfráður.“
Andlega hliðin
„Á erfiðum æfingum koma alls
konar veggir. Það verður erfitt.
Hvernig ætlarðu að bregðast
við mótlætinu? Stór partur af
því hvernig við aukum þraut-
seigjuna er að átta okkur á
því að það verði mótlæti. Ef þú
áttar þig á því kemur ekkert á
óvart. Til dæmis ef þú veist að
það er brekka í hlaupinu þá ætt-
irðu að ákveða hvað þú ætlar
að gera þegar mótlætið kemur.
Þegar brekkan kemur ætlarðu
að hugsa um að taka fleiri skref,
því ef við tökum færri skref þá
erum við að festast í brekkunni.“
Hlaupahópar
„Hafðu einhvern með þér í því
sem þú ert að gera, það hjálpar
þér út úr dyrunum.“
Matarræði
„Það sem er erfitt með svona
ráðleggingar með mataræði
er að þetta er oft svo einstak-
lingsbundið. Sumir þurfa að
borða fjórum tímum fyrir
hlaup, aðrir þurfa að borða 45
mínútum fyrir hlaup. Nokkrar
matartegundir eru slæmar.
Að fá sér steik eða rautt kjöt
er ekki gott rétt fyrir hlaup.
Oft er ekki gott að fá sér mikið
grænmeti rétt fyrir hlaup, en
eftir hlaup er það mjög gott.
Kolvetni er grunnorkugjafinn
í hlaupum. Þú ert ekki að fara
að ná langt og verða góður
langhlaupari á ketó. Það er
bara bull, því miður.“
„Það var
eins og
ég væri að fara
í fallhlífarstökk
án fallhlífar.“
„Það sem okkur finnst vera rólegt er
eiginlega alltaf aðeins of hratt“
Góð ráð um hvernig á að verða góður hlaupari n Kemst ekki langt á ketó
Góð ráð fyrir hlaupara
A
thafnakonan og versl-
unareigandinn Gerð-
ur Huld Arinbjarnadótt-
ir er um þessar mundir
stödd á flakki um heiminn ásamt
kærasta sínum Jakobi Fannari
Hansen. Parið hefur í dágóðan
tíma heillast af markþjálfanum
Tony Robbins og hafa þau setið
nokkur námskeið hjá honum
víðsvegar um heiminn.
Á dögunum fékk parið boð um
að mæta í viðburð í Amsterdam
sem einungis hundrað manns á
vegum Tony Robbins fengu boð
í.
Viðburðurinn var haldinn
til styrktar samtökunum „Free
a Girl“ sem var stofnað árið
2008 með það að markmiði að
frelsa ungar stúlkur sem hafa
verið hnepptar í kynferðislegt
þrælahald.
„Þetta er sem sagt viðburð-
ur sem er haldinn fyrir plat-
ínummeðlimi hjá Tony Robbins.
Hundrað manns var boðið að
mæta og fengum við tækifæri til
þess að styrkja þetta málefni og
hjálpa til við að bjarga konum úr
kynlífsþrælkun. Það kostar þús-
und dollara að bjarga einni konu
og sjá henni fyrir menntun
til þess að geta hafið
nýtt líf,“ segir Gerður
í samtali við blaða-
mann.
Samkvæmt
gengi eru þús-
und dollar-
ar tæplega
125 þúsund
krónur. Mark-
mið samtakan-
anna er að opna
augu fólks fyr-
ir því hversu algeng
kynlífsþrælkun barna
er, bjarga þeim úr erfið-
um aðstæðum og sjá þeim fyrir
menntun og almennilegum lífs-
gæðum. n
Hjálpa til við að bjarga konum úr kynlífsþrælkun
Lilja Katrín Gunnarsdóttir
lilja@dv.is
Gerður og Jakob ferðast um heiminn og gera góðverk
Aníta Estíva Harðardóttir
anita@dv.is