Dagblaðið Vísir - DV - 30.08.2019, Side 2

2 30. ágúst 2019FRÉTTIR
lög sem ungmenni eiga alls ekki að hlusta á
Ein af fréttum vikunnar var
að Bjarnheiður Halldórs-
dóttir, formaður Samtaka
ferðaþjónustunnar, var
langt frá því sátt við
flutning tónlistarmannsins
Auðar á laginu Freðinn
á Menningarnótt. Með
laginu fannst Bjarnheiði
Auður gera vímuástand
eftirsóknarvert fyrir börn
og ungmenni. Því er ráð að
bæta í sarpinn fimm lög-
um sem ungmenni ættu
alls ekki að hlusta á ef
marka má rök Bjarnheiðar.
Sandalar
Það getur varla verið
hollt fyrir börnin að
hlusta á Ladda syngja um
að teiga bjór úr líterskrús,
fara á nektarsýningu af
bestu gerð og djamma og
djúsa á Spáni. Það hlýtur
að stefna þeim beint í
syndina í Sódómu.
Blindfullur
Það er ekki beysin
fyrirmyndin sem birtist
í laginu Blindfullur
með Stuðmönnum –
drekkur sig blindfullan
og vitlausan og er svo
út úr heiminum að hann
þarf að styðja sig við
staur til að halda haus.
Hann kemst meira að
segja í kast við lögin út af
áfengisvímunni.
Spilavítið
Í þessu lagi rappar
Gísli Pálmi um að flýja
raunveruleikann í faðm
fíkniefnanna, en að sama
skapi að það sé hættu-
legur leikur. Hann endar
svo á línunum: „Sjáðu,
ég er svo fuckin háður.
Þarf alltaf að vera undir
einhverjum áhrifum.
Kalt í mínum æðum.
Útúrsveittar sængur.
Lyfjakassinn tæmdur.
Klósett fullt af ælu.“
Rómeó og Júlía
Það væri sama sem
dauðadómur fyrir
óskabörn þjóðarinnar
að setja þetta lag, sem
margir telja besta lag
Bubba, á fóninn. Lag um
dópista sem lepja dauð-
ann úr skel og eiga sér
ekki viðreisnar von, sem
endar með sorglegum
örlögum Rómeós inni á
óþekktum bar.
Viltu dick?
„Drekk burt ógleðina
með flösku af rommi
sem var send hingað,“
er ein af fyrstu línunum
í þessu lagi rapparans
Erps Eyvindssonar, eða
Blaz Roca. Áfengi er
reyndar mikið yrkisefni
Erps, þá sérstaklega
romm, en seinna í Viltu
dick? heldur hann áfram
í áfengisvímunni: „Ég
vil ekki vinna ég vil bara
drekka drykk. Og slæda
uppá frænku og segja:
„bitch viltu dick?’““
Á þessum degi,
30. ágúst
Þann 30. ágúst, 1918, hélt bolsé-
vikaleiðtoginn Vladimír Lenín
tölu í Michelson-vopnaverk-
smiðjunni í Suður-Moskvu.
Verksmiðjan gekk undir
nafninu Hamar og sigð. Lenín
yfirgaf verksmiðjuna og var á
leið í bifreið sína þegar kallað
var á hann. Var þar komin
kona að nafni Fanny Kaplan
og þegar Lenín sneri sér að
henni mundaði hún Brown-
ing-skammbyssu og hleypti
þrisvar sinnum af. Eitt skotið
fór í gegnum frakka Lenín, hin
tvö lentu í Lenín. Annað fór í
gegnum háls hans, gerði gat
á annað lungað og stöðvaðist
við hjartað og hitt stöðvaðist
í annarri öxl Lenín. Þrátt fyrir
að vera alvarlega særður lifði
Lenín tilræðið af en heilsa hans
varð aldrei söm.
Af Fanny Kaplan er það að
segja að hún var handtekin og
hneppt í varðhald þar sem hún
var yfirheyrð af Cheka, fyrstu
útgáfu leyniþjónustu Sovét-
ríkjanna. Fanny sagðist hafa
verið ein að verki og þegar ljóst
var að hún myndi ekki bendla
fleiri við tilræðið var hún tekin
af lífi, 3. september, 1918, í
Alexandergarði. Hún var skotin
í hnakkann.
Fanny Kaplan
Vladimír Lenín
Síðustu orðin
Komið einu skrefi nær,
drengir. Það mun gera
þetta auðveldara.
– Írski þjóðernissinninn Erskine
Childers (1870–1922) við eigin
aftökusveit.
Þ
að lék aldrei neinn vafi á því
hvaða gælunafn hún hlyti.
Það eina sem kom til greina
var Hérastubbur bakari,
enda passar það vel við bakaríið,“
segir Ásgeir Þór Jónsson, einn eig-
andi bakarísins Brauðkaup sem
var opnað fyrir stuttu á Kársnes-
inu í Kópavogi.
Venju samkvæmt eru íbúar á
Kársnesi með sérstakan hverfis-
hóp á Facebook þar sem ýmsar til-
kynningar eru birtar, auglýst eftir
því sem hverfur og þar fram eftir
götunum. Undanfarið hefur hins
vegar ný stjarna litið dagsins ljós
í hópnum – hvítur og ljósbrúnn
kanínuhnoðri með svart trýni og
ríka ævintýraþrá. Íbúar hverfis-
ins eru duglegir að birta myndir
af kanínunni á víðavangi, en hún
virðist halda sig mest hjá bakarí-
inu, þótt hún skottist stundum yfir
í hverfisbúðina í grenndinni. Kan-
ínan skemmtir íbúum Kársnessins
í hverri viku en Ásgeir segir að hún
hafi vanið komur sínar í bakaríið
allt frá opnun þess í fyrra.
Adrenalínhnoðri
„Frá opnun bakarísins hef ég tek-
ið brauðmylsnu úr brauðskurðar-
vélinni og dreift út í garð fyrir aft-
an bakaríið og við umferðarljósin
á horninu. Fuglarnir hafa feng-
ið þar eitthvað í gogginn en síðan
birtist einn daginn þessi sæta kan-
ína. Hún kemur hins vegar aldrei
inn í bakaríið en hefur einu sinni
staðið í anddyrinu og starað á mig.
Yfirleitt krúttast hún við bekkinn
hér fyrir utan og tjillar í garðin-
um,“ segir Ásgeir. Kanínan er mik-
ill adrenalínhnoðri og hefur Ás-
geir oft eytt dágóðum tíma í að ná
henni undan bílum.
„Hún er oft á vappi á bíla-
stæðinu og hefur stundum ráfað
undir bíla og setið föst þar. Þá tek-
ur oft dágóðan tíma að ná henni
undan bílunum svo það sé ekki
keyrt yfir hana. Oftast reyni ég
að lokka hana undan þeim með
brauðmylsnu eða gulrótum,“ segir
Ásgeir, en starfsmenn Brauðkaups
gæta þess að eiga alltaf gulrótar-
poka til taks fyrir lukkudýr bak-
arísins.
Ásgeir veit hins vegar ekkert
hver eigandi þessarar skærustu
stjörnu Kársnessins er.
„Ég veit ekkert hvaðan hún
kemur, en ég held að nágrannar
okkar eigi hana. Þeir eru allavega
með risastórt búr í garðinum og
ég er 99 prósent viss um að Hér-
astubbur bakari eigi þar heima,“
segir hann og játar að hann sé bú-
inn að tengjast kanínunni miklum
tilfinningaböndum. „Hún er ótrú-
lega ljúf. Hún er æðislega vær og
megakrútt. Algjör dúlla.“
Fyrst tjald – nú kanína
Sumir íbúar Kársnessins hafa líkt
kanínunni við aðra stjörnu hóps-
ins sem skein mjög skært allt síð-
asta ár. Það var forláta tjald fyrir
börn sem fauk úr garði í garð þegar
vindasamt var á nesinu á síðasta
ári. Myndir af því birtust í gríð og
erg á fyrrnefndum Facebook-hóp,
líkt og kanínan nú. Hafa einhverjir
kallað Hérastubb „hið nýja tjald“,
en um er að ræða mikinn lókal-
húmor í hverfinu. Aðspurður hvað
honum finnist um það, verður Ás-
geir kjaftstopp og roðnar lítið eitt.
„Það er ótrúlegt að þú spyrjir
mig um þetta, því þetta tjald áttum
við og konan mín, við bara þorð-
um aldrei að segja neinum frá því,“
segir hann agndofa. „Vissir þú að
við ættum þetta tjald?“ spyr hann
svo blaðamann, sem staðfastlega
neitar því, enda hafði blaðamaður
ekki hugmynd um þessa ótrúlegu
tilviljun.
„Sonur minn spyr mig oft hvort
við ætlum ekki að kaupa aftur
svona tjald, en ég þori því ekki. Í
fyrsta sinn sem það fauk var ég í
sumarbústað og komst ekki til að
ná í það. Næst þegar það birtist
einhvers staðar var ég í vinnu og
gat ekki svarað síma. Þegar tjaldið
var komið í fjórða garðinn treysti
ég mér ekki til að tjá mig um það
og það fauk að lokum bara eitt-
hvert út í buskann,“ segir Ásgeir
brosandi, en þetta er í fyrsta sinn
sem hann hefur opinberlega tjáð
sig um tjaldið fræga. Það ligg-
ur því beinast við að spyrja hvaða
hlutur, staður eða dýr fangar næst
athygli Kársnessbúa og hvort þessi
frægðarljómi fylgi Ásgeiri áfram.
„Ég get ekki ímyndað mér hvað
tekur við núna. Næst á dagskrá
í bakaríinu er að breyta sjopp-
unni hér við hliðina, Álfinum, og
í raun öllu húsnæðinu í kósí og
fjölskylduvænan veitingastað og
kaffihús. Eigandi Álfsins hugðist
lengi hætta rekstri sjoppunnar og
er þetta því allt í mesta bróðerni
gert. En það er spurning hvort
eitthvað óvænt fylgi með í kaup-
unum, sem slær næst í gegn með-
al íbúa Kárnessins?“ segir Ásgeir
og hlær. n
Lilja Katrín Gunnarsdóttir
lilja@dv.is
Kanínan
sem sigraði
Kársnesið
Kanínan fræga
Hérastubbur bakari
er vær og góð, en
mikill áhættufíkill.
Mynd: Aðsend
n Skærasta stjarna hverfisins er dúnmjúkur ferfætlingur sem elskar brauð
n „Ég veit ekkert hvaðan hún kemur“