Dagblaðið Vísir - DV - 30.08.2019, Blaðsíða 23
30. ágúst 2019 KYNNINGARBLAÐ Heilsa og núllstilling
10 mínútur á viku –
sterkari bein og vöðvar!
OsteoStrong var opnað á Íslandi í janúar 2019 í Borg-artúninu. OsteoStrong er
byltingarkennt æfingakerfi. Meðlimir
OsteoStrong mæta einu sinni í viku
og ná á innan við 10 mínútum að
styrkja bein, vöðva, sinar og liðbönd.
„Við höfum verið starfandi síðan í
janúar á þessu ári og það hefur verið
frábært að fá að fylgjast með með-
limum okkar vaxa, styrkjast og losna
við við verki,“ segir Örn Helgason,
annar eigenda OsteoStrong.
OsteoStrong er einstakur staður
þar sem viðskiptavinir bæta heilsuna
með því að bæta grunninn: beina-
grindina. Með því að styrkja beina-
grindina getur viðskiptavinur átt von
á að:
Auka beinþéttni
Bæta líkamsstöðu
Auka jafnvægi
Auka styrk
Bæta árangur í íþróttum
Minnka verki í baki og liðamótum
Lækka langtíma blóðsykur
Flestir geta nýtt sér það sem
OsteoStrong býður upp á, fólk á öllum
aldri óháð líkamlegri getu.
OsteoStrong byggir á nýrri tækni
sem aðeins var byrjað að nota utan
Bandaríkjanna á þessu ári, 2019.
Tæknin á bak við OsteoStrong er
einstök. Hún byggir á rannsóknum
sem hafa verið til í yfir hundrað ár
en með nýjum tækjum tekst að setja
meira álag á líkamann á öruggari
hátt en áður.
Aðferðin er á ensku kölluð
„osteogenic loading“ sem lauslega
þýtt þýðir beinþéttingar-álag. Í
rannsókn sem framkvæmd var fyrst
seint á nítjándu öld og var kölluð
Lögmál Wolffs, kom í ljós að ef tekst
að leggja á beinin þunga þá skilur
líkaminn það sem þörf til að styrkja
bein og viðkomandi frumur hefjast
handa við uppbyggingu af krafti.
Þessar rannsóknir eru viðurkenndar
af læknavísindum um allan heim og
hluti af grunnkennslu lækna í hinum
vestræna heimi. Það var hins vegar
ekki fyrr en árið 2012 sem Kevin
Deere uppgötvaði að þetta álag
þurfti að vera meira en búist var við
í upphafi. Til dæmis þarf 4,2 sinnum
þunga einstaklings til þess að styrkja
mjaðmabein. Fáir geta lyft slíkri
þyngd en í OsteoStrong verður það
mögulegt eftir nokkur skipti.
„Enginn annar möguleiki sem við
þekkjum býður upp á að þétta bein
með svo miklum hraða eða býður upp
á svona mikinn styrk á jafn stuttum
æfingatíma,“ segir Svanlaug, eigandi
OsteoStrong.
Almenn beinþéttnilyf þétta bein
um 2% að meðaltali á ári en rann-
sóknir sýna að OsteoStrong getur
bætt beinþéttni að meðaltali um
14,7% á ári. Jafnvægi eykst um 77%
að meðaltali eftir fimm skipti. Styrkur
eykst að meðaltali um 73% eftir eitt
ár og 290% eftir fjögur ár.
OsteoStrong virkar fyrir fólk á öllum
aldri óháð styrk. Meðlimir gera æf-
ingar sem taka innan við tíu mínútur
í hvert skipti. Mælanlegur árangur
sést mjög hratt. „Okkur hafði dreymt
um að vinna saman að því að bæta
líf fólks á einhvern hátt. Það gerðist
eitthvað þegar við kynntumst þessu
verkefni. Við gátum ekki beðið eftir
að byrja og núna er alltaf gaman að
mæta í vinnuna,“ segir Örn.
REYNSLUSAGA:
„Ég byrjaði hjá OsteoStrong í mars
2019 vegna mikilla verkja í mjöðmum
og mjóbaki. Fannst þetta vera frekar
vandræðalegt þar sem ég er bara 34
ára!
Á þessum tíma var ég í erfiðisvinnu
en ég áttaði mig á því seinna að ég
hafði verið að beita mér vitlaust allt
of lengi, bæði í vinnu og í líkamsrækt-
inni. Ástandið var orðið svo slæmt
að ég átti erfitt með að ganga upp
og niður stiga í vinnunni, hjóla, sinna
dóttur minni og áhugamálum.
Þegar ég rakst á OsteoStrong
var ég að leita að sjúkraþjálfara eða
sjúkranuddara en ákvað fara í prufu-
tíma hjá OsteoStrong eftir að hafa
lesið mig aðeins til um hvað þetta
væri. Ég æfi líka reglulega – ekki
minna en 2–3 sinnum í viku í líkams-
rækt. OsteoStrong hitti í mark hjá
mér vegna þess að ég er mikil keppn-
ismanneskja og maður getur fylgst
með árangrinum í hverjum tíma. Ég
ákvað að skrá mig og mætti einu sinni
í viku í 3 mánuði til þess að sjá hvernig
þetta myndi hafa áhrif á verki í baki.
Eftir nokkra tíma var ég farin að
finna fyrir mun. Í maí var ég farin að
geta hjólað aftur og gat stundað
fjallahjól af krafti. Þetta var frábær
fjárfesting sem bjargaði mér al-
gjörlega. Ég finn ekki fyrir eins mikilli
áreynslu í bakinu eða mjöðmunum
og það á ég OsteoStrong mikið að
þakka.“
„Við bjóðum upp á fría prufutíma
fyrir alla. Þetta er ný hugmynd og
það er gaman að geta sýnt fólki hvað
við gerum. Flestir koma til okkar með
margar spurningar en fara frá okkur
spenntir, glaðir og með skýra sýn á
það hvernig OsteoStrong getur hjálp-
að þeim,“ segir Örn.
Frekari upplýsingar má fá á www.
osteostrong.is og í síma 419-9200.
Myndir: Eyþór Árnason