Morgunblaðið - 24.05.2019, Side 4

G
arðar segir að það
skipti miklu máli að
hugsa vel um pallinn
sinn og það sé ekki
mikið mál að halda
honum fallegum.
„Þegar vorar í lofti eru garðverk-
in eitt af því fyrsta sem huga þarf
að. Pallurinn er mikilvægur og
nauðsyn er að kanna vel ástand
hans og þá er gott að byrja á að
hreinsa pallinn áður en hafist er
handa. Ef pallurinn er orðinn flekk-
óttur og ljótur duga engin vett-
lingatök. Gott er að nota rigning-
ardaga í að undirbúa og þvo.
Pallurinn þarf að vera rakur og síð-
an er best að hreinsa hann með
pallahreinsinum Terrasi frá Tikk-
urilla. Hann er í duftformi og er
hrærður út í vatn og svo borinn á
með kústi. Síðan er hann látinn eiga
sig í um klukkustund en gott er að
skrúbba efnið ofan i pallinn í milli-
tíðinni til að ná upp eins miklum
óhreinindum og kostur er. Í lokin er
pallurinn spúlaður með háþrýsti-
sprautu,“ segir Garðar.
Hann segir að í sumum tilfellum
geti þurft að meðhöndla ákveðna
fleti aftur ef hreinsunin hefur ekki
gengið nógu vel. Þá er tekin önnur
umferð á það sem þreifst ekki nógu
vel.
„Pallurinn er síðan látinn þorna í
tvo til þrjá daga áður en viðarpalla-
olía er borin á. Gott er að vera með
breiðan pensil og moppu við verkið.
Moppan er til þess að dreifa úr olíu
eftir að borið er á og varnar því að
olíupollar myndist þar sem viður
dregur mismikið af olíu í sig. Til eru
ótal litir í viðarpallaolíu og í seinni
tíð hefur fólk verið duglegt að gera
tilraunir með ýmsar litasamsetn-
ingar,“ segir hann.
Hvort það eigi að hafa pallinn
dökkan eða ekki getur verið hitamál
og þegar Garðar er spurður út í
þetta segir hann íslenskt sumar
bjóða vel upp á dökka palla.
„Að lita pallinn svartan eða
dökkgráan hefur verið vinsælt en
auðvitað hitna þannig pallar meira.
Það ætti nú ekki að koma að sök. Ís-
lenska sumarið er stutt og auk þess
endurkasta dökkir pallar minna af
ljósi og eru því þægilegri í mikilli
sól. Mikilvægt er að hafa í huga að
nota aldrei neitt annað en pallaolíu
á viðarpalla því að þekjandi málning
myndar filmu á yfirborðinu og hefur
tilhneigingu til að flagna frekar auð-
veldlega. Að bera á meðalstóran
pall er í kringum klukkutíma
vinna,“ segir hann.
Það duga engin vettlingatök
Garðar Erlingsson málarameistari sem starfar hjá Slippfélaginu gefur
lesendum góð ráð varðandi viðhaldið á pallinum. Hann segir að það
sé aldrei það heitt á Íslandi að það sé vandamál að lita pallinn svartan.
Marta María | mm@mbl.is
Garðar Erlingsson
málarameistari í
Slippfélaginu.
Mikilvægt er að þrífa pallinn
vel áður en borið er á hann.
4 MORGUNBLAÐIÐ FÖSTUDAGUR 24. MAÍ 2019
Sumarblóm,
gjafarvara, skreytingar
afskorin blóm og potta-
plöntur í úrvali
Múmín
Rosendahl
Breiðumörk 12 – s 483 4225 – blomaborg@centrum.is