Morgunblaðið - 19.07.2019, Blaðsíða 10

10 FRÉTTIRInnlent
MORGUNBLAÐIÐ FÖSTUDAGUR 19. JÚLÍ 2019
Glæsilegir skartgripir
innblásnir af íslenskri sögu
G U L L S M I Ð U R & S K A R T G R I PA H Ö N N U Ð U R
Skólavörðustíg 18 – www.fridaskart.is
Íbúðaverð á höfuðborgarsvæðinu
hefur á undanförnum tveimur ár-
um fylgt nokkuð stöðugt hinni al-
mennu launaþróun eftir nokkuð
snarpar verðhækkanir frá síðri
hluta árs 2016 og fram á mitt ár
2017. Þetta kemur fram í greiningu
Íbúðalánasjóðs sem birtist á vef
sjóðsins í vikunni.
„Það hefur verið mikill vöxtur á
fasteignamarkaðnum, þá sérstak-
lega á höfuðborgarsvæðinu, á ár-
unum 2016 til 2017. Það hefur í
raun nokkurn veginn náð ein-
hverjum jafnvægistakti núna. Við
sjáum að markaðurinn fylgir miklu
betur öðrum efnahagsstærðum
eins og kaupmætti,“ segir Guð-
mundur Sigfinnsson, hagfræðingur
hjá Íbúðalánasjóði.
Peningastefnunefnd Seðlabanka
Íslands hefur lækkað stýrivexti
með reglulegu millibili það sem af
er ári og eru þeir nú 3,75%. Í kjöl-
farið hafa bankar og lífeyrissjóðir
lækkað vexti á innlánum.
Í vikunni ákvað Stjórn Lífeyris-
sjóðs verzlunarmanna (LV) að
lækka fasta óverðtryggða vexti
fasteignalána sjóðfélaga úr 6,12% í
5,14%. „Það má segja að almenn
lækkun íbúðalánavaxta ætti að
auka við eftirspurn og líka viðhalda
því verði sem er komið á markað-
inn og gæti komið í veg fyrir að
markaðurinn kólni,“ segir Magnús
Árni Skúlason, hagfræðingur hjá
Reykjavík Economics.
Guðmundur segir að að öllu
óbreyttu megi reikna með því að
vaxtalækkanirnar gefi innspýtingu
inn í fasteignamarkaðinn.
Fastir vextir Íbúðalánasjóðs
Íbúðalánasjóður getur hins veg-
ar ekki lækkað vexti sína eins og
aðrar lánastofnanir, þar sem sjóð-
urinn er ekki með nein útboð á
skuldabréfamarkaði. Vextir íbúða-
lánasjóðs á verðtryggðum lánum
sitja því fastir í 4,20%.
Almennum lánveitingum sjóðsins
til almennings vegna húsnæðis-
kaupa var að mestu hætt árið 2012
í kjölfar úrskurðar Eftirlitsstofn-
unar EFTA (ESA) um að lánin
stönguðust á við reglur EES-
samningsins. Ríkisstjórnin sam-
þykkti fyrr á þessu ári að Íbúða-
lánasjóði yrði skipt upp. Sá hluti
sem snýr að fjármálaumsýslu
vegna eldra lánasafns sjóðsins
verður skilinn frá meginstarfsemi
hans.
„Það getur vel verið að fólk hafi
ástæðu til þess að sækja um lán
þar [hjá Íbúðalánasjóði]. Sérstak-
lega á landsbyggðinni þar sem fólk
fær ekki lán hjá hefðbundnum
lánastofnunum,“ segir Magnús
Árni, spurður um stöðu sjóðsins á
markaðinum eftir vaxtalækkanir
annarra lánastofnana.
Guðmundur segir hlutverk
Íbúðalánasjóðs vera að breytast.
„Við erum semsagt stofnun sem er
ráðgefandi fyrir hið opinbera í öllu
hvað varðar húsnæðismál og horf-
um til þeirra sem vantar stuðning,
þ.e. meira félagslegt hlutverk,“
segir Guðmundur. mhj@mbl.is
Íbúðamarkaður í jafnvægi
 Vaxtalækkanir gætu komið í veg fyrir kólnun á markaði
Morgunblaðið/Eggert
Hafnartorg Fjölmargar nýjar íbúðir hafa verið byggðar á höfuðborgarsvæðinu síðastliðin ár og jafnvægi er á markaði.
Agnes Bragadóttir
agnes@mbl.is
Stjórn Slökkviliðs höfuðborgar-
svæðisins hefur samþykkt erindis-
bréf fyrir starfshóp varðandi verk-
lag og eftirlit með búsetu í
atvinnuhúsnæði á höfuðborgarsvæð-
inu. Rósa Guðbjartsdóttir er for-
maður starfshópsins, en auk hennar
skipa hópinn fulltrúar frá skipulag-
inu, byggingarfulltrúum og heil-
brigðiseftirliti
ásamt fulltrúum
frá Lögreglunni á
höfuðborgar-
svæðinu og SHS.
Í erindisbréfi
starfshópsins
kemur fram að
kortlagning á bú-
setu í atvinnuhús-
næði nái aftur til
ársins 2003. Ný-
leg kortlagning
frá 2017 sýni umtalsverða aukningu
á slíkri búsetu undanfarin ár og
áætla megi að slíkar húseignir séu
vel yfir 300.
Rósa Guðbjartsdóttir, bæjarstjóri
Hafnarfjarðar, sagði í samtali við
Morgunblaðið að ástæða hefði þótt
til þess að stofna svona starfshóp,
vegna þess að hér væri um viðfangs-
efni að ræða sem takast yrði á við.
„Fólk sem hingað er komið til
þess að vinna verður auðvitað að
hafa húsaskjól og í mörgum tilvikum
er um atvinnuhúsnæði að ræða þar
sem það fær búsetu. Það er hlutverk
sveitarfélaganna á höfuðborgar-
svæðinu að hafa áhrif á öryggi og
velferð þeirra sem búa í atvinnu-
húsnæði,“ sagði Rósa.
Hún sagði að m.a. hefði verið rætt
að nauðsynlegt væri að samræma
viðbrögð og reglur um búsetu í at-
vinnuhúsnæði í sveitarfélögunum.
Rósa sagði að stutt væri síðan
starfshópurinn var skipaður og hann
hefði í raun ekki enn tekið til starfa
formlega, en það yrði strax eftir
sumarfrí. Starfshópurinn mun leita
ráðgjafar hjá aðilum með sérfræði-
þekkingu á viðfangsefninu innan
sem utan sveitarfélaganna.
Starfshópnum er ætlað að skila
ábyrgðarmanni verkefnisins, sem er
formaður stjórnar Slökkviliðsins á
höfuðborgarsvæðinu (SHS), niður-
stöðum sínum í desember á þessu
ári.
Á að tryggja öryggi íbúanna
 Sveitarfélögin á höfuðborgarsvæðinu skipa starfshóp um verklag og eftirlit með
búsetu í atvinnuhúsnæði  Talið að umræddar húseignir á svæðinu séu um 300
Morgunblaðið/Arnþór Birkisson
Atvinnuhúsnæði Víða hafa íbúðir verið innréttaðar í atvinnuhúsnæði sem ekki hafa fengist samþykktar.
Rósa
Guðbjartsdóttir
Ekki er ljóst
hvenær nýr
Herjólfur hefur
áætlunarsigl-
ingar milli lands
og Eyja en til
stóð að þær hæf-
ust í gær. Af því
varð ekki sökum
þess að ráðast
verður í lagfær-
ingar á viðlegu-
kanti í höfninni í Vestmannaeyjum.
„Við gerðum ráðstafanir í Land-
eyjahöfn en töldum að þetta yrði í
góðu lagi í Vestmannaeyjum. Síðan
kom í ljós að það er öruggara að
bæta þá aðstöðu,“ sagði G. Pétur
Matthíasson, upplýsingafulltrúi
Vegagerðarinnar, í samtali við
mbl.is í gær.
Sagði hann „ekki neinn gríðar-
legan þrýsting“ á að hefja siglingar
með nýju ferjunni vegna þess að sá
gamli „sinnti þessu alveg“.
Sagðist Njáll Ragnarsson, for-
maður bæjarráðs Vestmannaeyja,
ósammála því að ekki lægi á. Nýtt
skip, tilbúið til siglinga, væri komið
og það sem stæði út af væri að það
gæti ekki lagst að bryggju í Eyjum.
Hefja ekki
áætlunar-
ferðir strax
 Frekari lagfær-
inga er þörf í Eyjum
Ferja Nýi Herj-
ólfur við Eyjar.