Skessuhorn - 14.01.2015, Síða 11

11MIÐVIKUDAGUR 14. JANÚAR 2015

Meðfylgjandi ljósmyndir tók Sig-
urjón Guðmundsson áhugaljós-
myndari frá Hellissandi á ferð
sinni um sunnanverða Hvalfjarð-
arsveit í síðustu viku. Gekk hann
þá fram á fjögur hross skammt frá
veginum, sem öll voru voru með
óklippta hófa, en slíkur ofvöxtur
getur valdið mikilli vanlíðan hjá
hrossum. Hófa ber að snyrta á sex
til átta vikna fresti, en ósnyrtir hóf-
ar af þessu tagi eru merki um van-
rækslu þess. Samkvæmt heimild-
um Skessuhorns er búið að taka
hrossin inn til fóðrunar og málið
var strax tilkynnt til Matvælastofn-
unar. Við vinnslu fréttarinnar fékk
Skessuhorn staðfest að MAST hef-
ur mál af þessum toga til skoðun-
ar úr Vesturumdæmi. Viðmælandi
blaðamanns þar vísaði hins vegar til
þess að samkvæmt upplýsingalög-
um megi stofnunin ekki gefa upp-
lýsingar um einstök mál. grþ
Vanrækt hross
Hér sést vel hversu ofvaxnir hófarnir voru orðnir.
Stjórnendur Fjölbrautaskóla Snæ-
fellinga í Grundafirði sjá fram á að
vegna niðurskurðar í fjárlögum þurfi
að fækka fjarnemum í skólanum um
nærri helming nú í byrjun vorann-
ar. Björg Ágústsdóttir formaður
stjórnar FSN segir niðurskurðinn
einkum byggja á tveimur forsend-
um. Annars vegar er nemendaígild-
um við skólann fækkað úr 185 í 151
eða um 18,4%. Nemendaígildin
eru nemendakvóti skólans sem fjár-
framlög hans byggjast á. Ekkert fæst
fyrir að mennta nemendur „um-
fram kvóta“. Fækkunin tengist ann-
arri forsendu; þeirri að skólinn eigi
að einbeita sér að kjarnastarfsemi
framhaldsskóla, sem sé að mennta
dagskólanemendur á hefðbundnum
framhaldsskólaaldri, það er undir 25
ára. Skólinn eigi því ekki að sækjast
eftir dreif- og fjarnemendum. Þetta
og fleira kemur fram í grein Bjargar
á síðu 23 í Skessuhorni í dag.
Tíu ára afmæli Fjölbrautaskóla
Snæfellinga var fagnað á síðasta
ári. Björg segir m.a. í grein sinni að
skólinn hafi orðið að veruleika fyrir
samstöðu og framsýni heimamanna,
stuðning og atbeina þingmanna
og góðan undirbúning ráðuneyt-
is menntamála þegar ákvörðun um
skólastofnun lá fyrir. Frá 2007 hef-
ur FSN rekið fjarnámsdeild á sunn-
anverðum Vestfjörðum sem nú tel-
ur hátt í 40 nemendur og er skólan-
um mikið kappsmál að standa fag-
lega að þeirri starfsemi. „FSN bygg-
ir á hugmyndafræði sem frá upp-
hafi var úthugsuð: Skólinn átti að
verða leiðandi í að hagnýta upplýs-
ingatækni, m.a. til fjar- og dreifnáms
og leggja áherslu á sveigjanleika og
einstaklingsbundið nám. Þetta hef-
ur í megindráttum tekist þó marga
dreymi um að taka enn stærri og
metnaðarfyllri skref,“ segir Björg
Ágústsdóttir.
Jón Eggert Bragason skóla-
meistari segir þetta mikið bak-
slag og margra ára þróunarstarf sé
í húfi. Hann býst við að þessi fækk-
un nemenda þýði að hlutastörfum
við skólann fjölgi þar sem einhverj-
um námsgreinum verði ekki lengur
sinnt í fullu starfi. Það leiði aftur til
þess að erfiðara verði að ráða kenn-
ara til starfa. Jón Eggert segir enga
kennara flytja út á land til að vinna
í 50% starfi. Fjölbrautaskóli Snæ-
fellinga er hluti af Fjarmenntaskól-
anum, samstarfsneti tólf framhalds-
skóla á landsbyggðinni. þá
Mikill niðurskurður til Fjöl-
brautaskóla Snæfellinga
Nemendur að störfum í Fjölbrautaskóla Snæfellinga. Ljósm. tfk.