Skessuhorn - 21.01.2015, Blaðsíða 4

4 MIÐVIKUDAGUR 21. JANÚAR 2015
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudög-
um. Auglýsendum er bent á að panta auglýsingapláss tímanlega. Skilafrestur smáaug-
lýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.573 krónur með vsk. á mánuði. Elli- og örorkulífeyrisþegar greiða
kr. 2.230. Rafræn áskrift kostar 2.023 kr. Rafræn áskrift til elli- og örorkulífeyrisþega er
1.867 kr. Áskrifendur blaðs fá 50% afslátt af verði rafrænnar áskriftar. Verð í lausasölu
er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Þórhallur Ásmundsson, blaðamaður th@skessuhorn.is
Guðný Ruth Þorfinnsdóttir, blaðamaður gudny@skessuhorn.is
Magnús Þór Hafsteinsson, blaðamaður mth@skessuhorn.is
Auglýsingar og dreifing:
Emilía Ottesen, markaðsstjóri emilia@skessuhorn.is
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Tinna Ósk Grímarsdóttir (vefauglýsingar) tinna@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Ljósið til allra
Sífellt fleiri taka undir það sjónarmið að ljósleiðaravæðing sé eitt helsta
byggðamál líðandi stundar, reyndar á eftir gerð akfærra vega. Sífellt verður
ljósara að landsmenn munu ekki sitja við sama borð og eiga sömu mögu-
leika til lífs og starfs á landsbyggðinni án þess að ljósleiðarar verði lagðir
um allar dreifðar byggðir. Tækninýjungar og breytingar á því sviði munu
kalla á að þessi bylting í upplýsingatækni nái til allra, ekki bara sumra. Ekki
einungis íbúa á stærstu þéttbýlisstöðum landsins og vel fjáðra minni sveit-
arfélaga. Auk þess munum við aldrei byggja upp ferðaþjónustu um allt land
án þess að símasamband og tölvutengingar verði bættar verulega frá því
sem nú er. Flestir eru sammála um að hagkvæmt sé fyrir þjóðarbúið að
landið haldist í byggð. Íbúar landsbyggðarinnar verði áfram þeir gæslu-
menn landsins sem allir vilja að þeir séu. Til þess þurfum við sem þjóð að
fjárfesta í þessari tækni.
Í Skessuhorni í dag er meðal annars að finna ítarlegt viðtal við Harald
Benediktsson alþingismann og bónda. Meðal annars er rætt við Harald um
starfshóp sem hann veitir forstöðu á þingi, þar sem fjallað er um úrbætur í
fjarskiptamálum á landsbyggðinni. Hópur þessi hefur að undanförnu kort-
lagt stöðu breiðbandsvæðingar í landinu og mun gera tillögur til ráðherra
um leiðir til úrbóta. Í kjölfar þess að Haraldur starfaði í nær áratug að hags-
munamálum bænda þekkir hann vel þá annmarka sem hörmulegar net-
tengingar hafa á möguleika þeirrar starfsstéttar til að vinna t.d. í gegnum
miðlæga gagnagrunna eins og tíðkast í flestum öðrum atvinnugreinum. Við
vitum að útvegsmenn selja t.d. fisk á uppboðsmörkuðum, bankafólk vinnur
í gagnagrunnum, skólafólk og aðrir, og því þá ekki einnig bændur?
Haraldur segir stöðuna í fjarskiptamálum engu að síður góða í ljósi fá-
menni þjóðar í erfiðu og stóru landi. Það sé fyrst og fremst dreifbýlið sem
búi við afar slæmt netsamband. Hann segir að í þessum máli ríki þokka-
legur skilningur meðal stjórnmálamanna enda hvetja þeir nú hver í kapp
við annan fólk til að tileinka sér ýmsar nýjungar sem háðar eru öruggu net-
sambandi. Nægir þar að nefna kröfuna um að allir taki upp rafræn skilríki.
Allir eiga jú að telja fram til skatts á netinu, staðfesta forsendubrostnu hús-
næðislánin og svo framvegis. En vandamálið er réttilega eins og Harald-
ur bendir á að sumir geta einfaldlega ekki skilað skattaskýrslunni nema á
pappír, því það er ekki netsamband.
Stjórnvöld hér á landi verða að byggja upp fjarskiptin þannig að fólk geti
notað þessa rafrænu stjórnsýslu og þær tækninýjungar sem nútíminn bygg-
ir á. Í strjálbýlu landi þarf að koma til móts við þá sem búa fjærst þéttbýl-
inu og ýmsar leiðir eru færar til þess í samráði við sveitarfélög, fjarskipta-
fyrirtækin og íbúana sjálfa. Ég ætla að vona að spá Haraldar um að mark-
mið stjórnvalda um að 99,9% landsmanna komist í ljósleiðarasamband fyr-
ir árið 2020 nái fram að ganga. Reyndar held ég að það sé forsenda fyrir
því að draga megi úr enn frekari fólksfækkun á landsbyggðinni og hefja á
ný vöxt hennar. Við þurfum að fá ungt fólk til að flytjast á landsbyggðina.
Þeir sem vanist hafa tækninni taka það einfaldlega ekki í mál að flytja þang-
að sem ekki er öruggt og gott samband fyrir snjallsímana og öll hin tæk-
in. Með tækninni koma störf hvort sem er við fjarvinnslu, ferðaþjónustu
eða annað. Störf sem samkeppnishæf eru í launum óháð því hvar þau eru
unnin. Góðum launum fylgja hærri skatttekjur og það er einmitt það sem
strjálbýlu sveitarfélögin verða að fá til uppbyggingar nauðsynlegri þjón-
ustu. Þannig tek ég undir framtíðarsýn Haraldar og markmið um að ljós-
leiðari verði kominn að öllum byggðum bólum árið 2020.
Magnús Magnússon.
Það var mikið um dýrðir þegar Láki
Hafnarkaffi var opnað í Grund-
arfirði á fimmtudaginn eftir mikl-
ar endurbætur á húsnæðinu í vet-
ur. Kaffihúsið er glæsilegt á að líta
og veitingarnar framúrskarandi.
Það fer enginn ósáttur út frá Láru
Magnúsdóttur sem rekur kaffihús-
ið en það er Hótel Framnes sem er
eigandi þess. Það var Hrafnhildur
Jóna Jónasdóttir hjá Gallery Krums
sem hafði yfirumsjón með breyt-
ingunum og sá um hönnun innrétt-
inganna.
tfk
Oddfellowstúkurnar á Akra-
nesi; Stúka nr. 8 Egill I.O.O.F.
og Rebekkustúkan nr. 5 Ásgerð-
ur I.O.O.F., færðu á dögunum
Hollvinasamtökum Heilbrgðis-
stofnunar Vesturlands framlag í
söfnun fyrir nýju sneiðmynda-
tæki á sjúkrahúsið á Akranesi. Var
gjafaupphæðin ein milljón króna
frá hvorri stúku. Á meðfylgjandi
myndum má sjá Petrínu H. Otte-
sen yfirmeistara Rbst. nr. 5 Ás-
gerðar og Guðmund S. Jónsson
yfirmeistara St. nr. 8 Egils afhenda
Steinunni Sigurðardóttur for-
manni Hollvinasamtakanna fram-
lag stúkanna.
-fréttatilkynning
Dalamenn brýna stjórnvöld til
dáða í lagningu jarðstrengja
Fyrir liggur að Alþingi hefur ráð-
stafað 300 milljónum króna á þessu
ári til að hefja ljósleiðaravæðingu
landsins, en samtals er áætlað að
til að ljósleiðaravæða meginþorra
dreifbýlis landsins muni það kosta
um sex milljarða króna. Einnig
eru stjórnvöld að láta kanna hag-
kvæmni þess að samhliða lagningu
ljósleiðara verði raflínum komið í
jörð þar sem það gæti reynst hag-
kvæmt. Byggðarráð Dalabyggð-
ar hefur nú sent starfshópi um al-
þjónustu í fjarskiptum bréf varð-
andi ljósleiðaravæðingu dreifbýlis
í Dalabyggð. Byggðarráð bókaði á
fundi 13. janúar síðastliðinn að ráð-
ið fagnaði orðum forsætisráðherra
í áramótaávarpi til þjóðarinnar þar
sem fram kemur að á árinu 2015
verði hafist handa við átaksverkefni
við ljósleiðaravæðingu alls landsins.
Tekið er undir orð ráðherrans að
um sé að ræða eitt stærsta framfara-
mál sem hægt sé að ráðast í til að
styrkja innviði og byggðir landsins.
Byggðarráð Dalabyggðar minn-
ir jafnframt á bókun sveitarstjórnar
frá apríl á síðasta ári um sama mál.
Þar sagði m.a: “Sveitarstjórn álykt-
ar að raunhæft ætti að vera að tengja
þá 1.700 staði/lögheimili sem liggja
utan svokallaðra markaðssvæða [á
Íslandi] á fimm árum. Sveitarstjórn
hvatti jafnframt til þess að ríkis-
stofnanir og félög í ríkiseigu taki
höndum saman og leiti hagkvæmra
leiða til að koma fjarskipta- og raf-
magnsmálum dreifbýlisins í gott
horf svo sem með því að sameinast
um lagningu jarðstrengja.
Byggðarráð minnir á að Dal-
ir hafa oft og einatt mætt afgangi í
uppbyggingu dreifikerfa á landsvísu
svo sem varðandi lagningu jarðsíma
og rafveitna á sínum tíma. Brýnt er
að það sama verði ekki uppi á ten-
ingnum varðandi uppbyggingu
ljósleiðarakerfis enda liggur fyrir
að byggðin í Dölum á mjög und-
ir högg að sækja m.a. vegna lélegra
fjarskipta.“ Byggðarráð óskar því
eftir fundi með starfshópi um al-
þjónustu í fjarskiptum. Jafnframt
er minnt á að til að auka tengiör-
yggi ljósleiðara sé bent á að hring-
tengja þurfi landssvæði. „Í þeirri
umræðu hlýtur að koma til álita að
leggja ljósleiðara um Skógarströnd
til að Snæfellsnes sé ekki háð einum
streng. Við undirbúning „Skógar-
strandarleiðara“ er mikilvægt að
gera ráð fyrir tengipunktum fyrir
byggðina á Skógarströnd til að hag-
kvæmara verði að tengja byggðina
þegar þar að kemur,“ segir í ályktun
byggðarráðs Dalabyggðar.
mm
Lagning ljósleiðara og raflína í jörð þykir eitt stærsta framfaramál sem hægt er að
ráðast í til að styrkja innviði dreifðra byggða.
Láki Hafnar-
kaffi opnað
Oddfellowstúkur færðu
Hollvinasamtökum HVE gjafir