Skessuhorn - 21.01.2015, Blaðsíða 27

27MIÐVIKUDAGUR 21. JANÚAR 2015
Á fimmtudagsmorguninn síðasta
var norðan hríðarvegur á landinu
norðan- og vestanverðu. Þá var á
leiðinni úr Gufudalsveitinni, á leið
til vinnu á Reykhóla, Jóhanna Ösp
Einarsdóttir sem um áramótin tók
við starfi tómstundafulltrúa hjá
sveitarfélaginu. Það tók Jóhönnu
Ösp um klukkutíma að keyra í
vinnuna þennan morgun en að
mestu þarf að fara um mjóan mal-
arveg eins og þjóðvegirnir í land-
inu voru í áratugi. „Þetta var ekk-
ert svo slæmt núna þrátt fyrir skaf-
renning og frekar leiðinlegt veður.
Þetta hefur oft verið verra,“ sagði
Jóhanna Ösp en yfir tvo fjallvegi er
að fara á þessari leið, Ódrjúgsháls
og Hjallaháls. Láglendisvegur eða
vegur um Teigsskóg myndi gera
leiðina mun fljótfarnari þannig að
við bestu aðstæður tæki einung-
is hálftíma að aka milli Gufudals-
sveitar og Reykhóla. Ungt fólk eins
og Jóhanna Ösp leggur því mik-
ið á sig til að búa á heimaslóðum.
Hún er fædd og uppalin á bænum
Fremri-Gufudal og þar er nú þrí-
býlt í félagsbúi þar sem bústofninn
er um 800 fjár og 50 hestar. Jóhanna
Ösp sinnir starfi við tómstundamál
fyrir alla aldurshópa af krafti sam-
hliða heimils- og bústörfum. Mað-
ur hennar er Styrmir Sæmundsson,
sem fæddist í Vestmannaeyjum og
átti svo heima í Hafnarfirði. Fyr-
ir fjórum árum byggðu þau hús-
ið Kaplaskjól í Fremri-Gufudal og
eiga þar heima ásamt börnum sín-
um tveimur, Ásborgu fimm ára og
Einar Val sem verður tveggja ára í
vor.
Gerði starfslýsingu
fyrir eigið starf
Jóhanna Ösp er tómstunda-
og félagsmálafræðingur og langt
komin í meistaranámi í uppeld-
is- og menntunarfræðum. Hún
starfaði í Ungmenna- og íþrótta-
búðunum á Laugum í Sælingsdal
frá 2005 fram á vor 2012 og hef-
ur einnig verið með námskeið fyr-
ir börn og unglinga hjá ungmenna-
félaginu Aftureldingu á Reykhól-
um. „Það hefur ekki áður ver-
ið starfsmaður hjá sveitarfélaginu
í tómstundamálum. Í haust gerði
ég starfslýsingu að draumastarfinu
mínu. Sveitarstjórn inni leist svo vel
á að það var samþykkt að ráða mig
í þetta starf, sem er svona rúmlega
50% starfshlutfall. Ég er vitaskuld
mjög þakklát fyrir að fá þetta tæki-
færi að koma að því að móta mitt
eigið starf að mínum áhugamálum.
Ég ætla að standa mig eins vel og
ég mögulega get og í þessu starfi
ætla ég ekki einungis að vinna fyr-
ir unga fólkið heldur líka fyrir eldra
fólkið í sveitarfélaginu,“ segir Jó-
hanna Ösp. Hún er með sína starfs-
stöð í húsnæði Reykhólaskóla. „Það
er mjög ákjósanlegt að starfa hér í
nánum tengslum við gott fólk sem
verða mínir helstu samstarfsaðil-
ar. Börnin og unglingarnir eru hér í
kringum mig alla daga og mín vinna
byggist líka á góðu samstarfi við
kennarana og skólastjórann,“ seg-
ir Jóhanna Ösp. Hún er að stöfum
fjóra daga vikunnar á Reykhólum,
frá mánudegi til fimmtudags.
Ætlar að ná til
sem flestra
Starf tómstundafulltrúans er þegar
farið að sýna sig. Nú upp úr áramót-
unum fór af stað skokk- og göngu-
hópur og er ætlunin að hann hittist
við íþróttahúsið á mánudögum og
fimmtudögum. „Þetta fer ágætlega
af stað og ég verð vör við talsverð-
an áhuga. Þótt veðrið væri afskap-
lega leiðinlegt í fyrsta skiptið mættu
engu að síðu nokkrir og ég veit af
fleirum sem ætla að verða með en
komust ekki. Það hefur ekki ver-
ið hópur að ganga og skokka hérna
á ársgrundvelli áður. Það er samt
göngumenning í Reykhólahreppi
og stemning í fólki varðandi göng-
ur, eins og til dæmis árlega viðburð-
inn, gengið um sveit. Ég er allavega
rosalega spennt og það væri gaman
ef það næðist nú upp stemning og
við mættum með góðan hóp héðan
í Reykjavíkurmaraþonið næsta sum-
ar.“ Jóhanna Ösp segir að í skokk-
hópnum sé byggt á þrenns konar
æfingaprógrömmum. Fyrir þá sem
eru að ganga og þá sem vilja æfa fyr-
ir fimm og tíu kílómetra hlaup. Hún
segir að í starfi sínu sem tónlistar-
fulltrúi vinni hún út frá því að ná til
sem flestra, að allir geti fundið sér
eitthvað til að taka þátt í. „Ég kem
til með að stíla mikið upp á útivist,
heilsu, fræðslu og höfða til hópsál-
arinnar, það er þetta klassíska hóp-
Afar vel miðar í uppgerð hinn-
ar sögufrægu rútu Soffíu II sem
var smíðuð í Bílasmiðju G. Kjer-
úlf í Reykholti árið 1962 ofan á
grind af gömlum breskum hertrukk
sem kom til Íslands á stríðsárun-
um. Hún var notuð um rúmlega
þriggja áratuga skeið til skólaakst-
urs á Kleppsjárnsreykjum í Borg-
arfirði á veturna en á sumrin var
hún í hálendisferðum með ferða-
menn. Fjöldi fólks á ljúfar minn-
ingar tengdar þessum bíl. Soffíu II
var bjargað frá glötun og uppgerð
hennar hófst síðan haustið 2013.
Það er Elínborg Kristinsdóttir
ekkja Guðna Sigurjónssonar bíla-
smiðs og bifvélavirkja sem upphaf-
lega vann að smíði bílsins sem hef-
ur staðið fyrir uppgerðinni ásamt
afkomendum þeirra og öðrum vel-
unnurum Soffíu II.
Margar hendur hafa unnið afar
gott verk. Búið er að endurnýja allt
ytra byrði bílsins og mála í sömu
litum og hún hafði á velmektardög-
um sínum. Byrjað er að setja í hana
nýjar rúður. Að innan er búið að
leggja dúk á gólf og brátt verða ný-
klædd sætin klár til ísetningar. Það
hillir undir að Soffía verði komin í
sinn nýja kjól á vordögum, geng-
in í endurnýjun og tilbúin í ný æv-
intýri þó hún sé að stofninum til
óðum að nálgast áttrætt. Meðfylgj-
andi myndir eru birtar með góðfús-
legu leyfi af Facebook-síðu Soffíu-
verkefnisins sem heitir einfaldlega
Soffía. Þar má fylgjast með fram-
vindu verka. mþh
Rútan Soffía verður stöðugt fínni
Soffía var orðin ansi lúin þegar hún var tekin í hús til uppgerðar haustið 2013.
Hún hefur heldur betur fengið andlits-
lyftingu.
Nafnið með upphaflegu stöfunum er
að sjálfsögðu á sínum stað.
Að innan er búið að klæða bæði þak
og gólf.
Fékk að koma að mótun síns eigin starfs
Spjallað við Jóhönnu Ösp Einarsdóttur tómstundafulltrúa í Reykhólasveit
efli. Ég stefni á að þetta verði góð
og holl afþreying fyrir fólk, ekki
bara börn og unglinga, heldur líka
almenning í sveitarfélaginu.“
Þema í hverjum mánuði
Starfið með börnum og ungling-
um í vetur ætlar hún að byggja upp
með því að vera með þema í hverj-
um mánuði. Stærsti viðburðurinn
verður fjölskyldudagur föstudaginn
20. febrúar. „Sá dagur er haldinn í
tengslum við fjáröflun unglinga-
deildar skólans fyrir skólaferðinni í
vor. Þá verðum við með pizzuhlað-
borð, brjóstsykursgerð, frítt í sund
og leiki. Þemað hjá okkur núna í
janúar verður samskipti barna. Við
verðum þá með foreldrafyrirlestur
sem krakkarnir taka þátt í að und-
irbúa. Svo verður fyrirlestur fyrir
þau á eftir. Í febrúar verður þemað
sjálfsmynd og í mars heilsa og lífs-
stíll. Það hefur svo verið tekinn upp
í skólanum einn klukkutími í viku,
sem krakkarnir kalla „klukkarinn“
og er svona vísir af ungdómsklúbbi.
Í þeim tíma er til dæmis hægt að fá
aðstoð við heimanámið eða gera
annað, svo sem spila og teikna.“
Betra að hafa nóg
að gera
Jóhanna Ösp segir spennandi að
takast á við þetta nýja starf sem
eigi svo eftir að þróast og von-
andi eflast með tímanum. „Krakk-
arnir eru mjög virkir og vilja taka
þátt í öllu. Hér eru allir með,“
segir hún. Spurð hvort þetta sé
ekki krefjandi að fara á milli þetta
langa leið í vinnu, auk þess að
sinna heimilinu og búinu, seg-
ir hún að vissulega séu verkefnin
næg. „Það er bara betra að hafa
nóg að gera. Svo er ég ekki alveg
ein í þessu, ég fæ hjálp heima fyr-
ir.“ Eins og áður segir er þríbýlt
í Fremri-Gufudal. Þar býr einnig
yngri systir Jóhönnu Aspar ásamt
sinni fjölskyldu og einnig foreldr-
ar þeirra. Sem sagt þrír ættliðir á
sama bænum, sem enn þekkist í
sveitum landsins.
þá
Það er bryddað upp á ýmsu í „klukkaranum“.
Jóhanna Ösp heima á Kaplaskjóli.
Frá fyrstu mætingunni hjá göngu- og skokkhópnum.