Skessuhorn - 21.01.2015, Blaðsíða 23

23MIÐVIKUDAGUR 21. JANÚAR 2015
Staða verkefnastjóra á
stjórnsýslu- og fjármálasviði
Akraneskaupstaður auglýsir eftir verkefnastjóra til starfa á
stjórnsýslu- og fjármálasviði.

Helstu verkefni og ábyrgðarsvið:
Forysta um innleiðingu á rafrænni þjónustu.•
Umsj• ón með heimasíðu Akraneskaupstaðar og samskipti
við þjónustuaðila vegna tölvumála og málakerfis
Akraneskaupstaðar.
Skýrslugerð, þ.m.t. framsetning fjárhagslegra upplýsinga.•
Vinna við ge• rð verkferla og undirbúningur að mótun
þjónustustefnu Akraneskaupstaðar.
Almenn þjónustus• törf, s.s. undirbúningur funda, bréfaskriftir og
gerð auglýsinga.
Menntunar- og hæfniskröfur
Háskólamenntun sem nýtist í starfi.•
Reynsla af vinnu við sama• ntekt og framsetningu fjárhagslegra
upplýsinga.
Þekking og reynsla af skjalavistunarkerfi og heimasíðugerð.•
Mikil færni í notkun Microsoft Office hugbúnaða• r; sérstök hæfni í
notkun Excel töflureiknis.
Mikil samskipta- og samstarfshæfni.•
Frumkvæði og góðir skipulagshæfileikar.•
Nánari upplýsingar um starfið veitir Steinar Adolfsson, sviðsstjóri í
síma 433-1000 eða á netfanginu steinar.adolfsson@akranes.is
Umsækjendur eru beðnir um að sækja um starfið á heimasíðu
Akraneskaupstaðar www.akranes.is
Með umsókn þarf að fylgja ítarleg starfsferilskrá og kynningarbréf þar
sem gerð er grein fyrir ástæðu umsóknar og rökstuðningi fyrir hæfni
umsækjanda í starfið.
Umsóknarfrestur er til og með 5. febrúar nk. Starfskjör eru
samkvæmt kjarasamningi Sambands íslenskra sveitarfélaga
og viðkomandi stéttarfélags.
SK
ES
SU
H
O
R
N
2
01
5
Auglýsing sveitarstjórnar
Helgafellssveitar um niðurstöðu
Aðalskipulag Helgafellssveitar 2012-2024
Sveitarstjórn Helgafellssveitar samþykkti þann 11. nóvember
2014, Aðalskipulag Helgafellssveitar 2012-2024.
Tillagan ásamt umhversskýrslu var auglýst skv. 31. gr. skipu-
lagslaga nr. 123/2010 og 7. gr. laga um umhversmat áætlana
nr. 105/2006 frá 22. maí til 3. júlí 2013.
Alls bárust mm athugasemdir við aðalskipulagið á auglýsingar-
tímanum sem leiddu til smávægilegra lagfæringa á skipulaginu,
að öðru leyti var tillagan samþykkt án breytinga.
Tillagan hefur verið send Skipulagstofnun til staðfestingar.
Þeir sem óska nánari upplýsinga geta snúið sér til skipulags- og
byggingarfulltrúa Helgafellssveitar, Berugötu 16, Borgarnesi,
eða sent fyrirspurn á netfangið jokull73@simnet.is

Skipulags- og byggingarfulltrúi
Helgafellssveitar
SK
ES
SU
H
O
R
N
2
01
5
Þegar fólk á förnum vegi hefur ver-
ið spurt hvaða bær eða bæjarstæði
í landinu því finnist fallegast, hafa
margir nefnt Stykkishólm. Víst er
að bærinn er fallegur og svo var
einnig með Unni Valdimarsdótt-
ur þegar hún kynntist manni sínum
Eyþóri Benediktssyni sem er inn-
fæddur Hólmari. Þau fluttu síðan
í Hólminn haustið 1985 og Unnur
segir langt síðan hún fór að telja sig
Hólmara. Hún hafði ekki búið þar
í marga mánuði þegar falast var eft-
ir henni í sóknarnefnd kirkjunnar
en hún hefur verið sóknarnefndar-
formaður í 22 ár. „Þetta hefur bara
verið hluti af tilverunni. Ég hef
verið svo heppin að með mér hef-
ur alltaf starfað gott fólk. Vissulega
er þetta starf krefjandi en marg-
ar hendur vinna létt verk,“ sagði
Unnur þegar blaðamaður Skessu-
horns heimsótti hana á Tangagöt-
una á dögunum.
Á Reykjum í Hrútafirði
í átta ár
Unnur er fædd og uppalin í Vestur-
bænum í Reykjavík. Hvað varstu þá
KR-ingur, spyr blaðamaður.
„Ég hef nú ekkert verið að flíka
því í þessum bæ, enda fyrir löngu
farin að halda með Snæfelli þeg-
ar þeir etja kappi við KR í körfu-
boltanum,“ segir Unnur og brosir.
„Ég var mikið í handbolta þegar ég
var stelpa og það var mjög gaman.
Mörg Reykjavíkurfélögin voru með
góð lið en ég hætti þó að spila áður
en kom upp í meistaraflokkinn,“
segir Unnur. Hún segir að leiðin
hafi svo legið í Húsmæðraskólann
á Laugarvatni og þar kynntist hún
manninum sínum. „Eyþór var þar
í menntaskólanum. Við áttum svo
heima í Héraðsskólanum á Reykj-
um í Hrútafirði árin 1976-1984.
Eyþór var kennari þar en ég var að-
allega í því að eiga börn. Þrjú börn-
in okkar fæddust þá á fjórum árum.
Þetta var mjög skemmtilegur tími
á Reykjaskóla. Margar fjölskyldur
á okkar aldri með börn og ekki má
gleyma öllum nemendunum sem
voru á aldrinum 14-18 ára. Við eig-
um góðar minningar úr Hrútafirð-
inum og eignuðumst þar góða vini.
Við bjuggum svo í Kópavoginum
í eitt ár áður en við fluttum hing-
að í Hólminn.“ Unnur segist strax
hafa kunnað vel við sig í Stykkis-
hólmi. Hún sinnti verslunarstöf-
um um árabil. Fyrst í versluninni
Hólmkjör en 1993 keyptu hún og
Eyþór ásamt þremur öðrum hjón-
um verslunina. „Svo kom að því að
Bónus vildi kaupa. Við seldum en
ég var áfram verslunarstjóri í nokk-
ur ár. Síðustu sjö árin hef ég svo
starfað á bókasafninu í grunnskól-
anum og kann líka mjög vel við mig
í því starfi,“ segir Unnur.
Samfélagskylda að starfa
í sóknarnefndinni
Aðspurð segist Unnur alltaf hafa átt
sína barnatrú. „Ég tók þátt í starfi
KFUM og K eins og flest börn á
þeim árum sem ég var að alast
upp. Það að starfa fyrir kirkjuna
er eðlileg samfélagsskylda í mín-
um huga. Ég held að gjarnan sé
setið um yngra fólk, að það taki að
sér svona störf í samfélaginu. Mér
finnst það á margan hátt hafa verið
gefandi að starfa fyrir kirkjuna. Ég
byrjaði í kirkjukórnum strax fyrsta
veturinn og ég var mikið í barna-
starfinu, í meira en tólf ár. Það hef-
ur ekki verið erfitt að fá fólk til að
starfa fyrir kirkjuna, þó það sé lík-
lega þannig að starf í sóknarnefnd
sé eitt af fáum nefndastörfum sem
eru ólaunuð í bæjarfélaginu. Þetta
hefur verið mjög skemmtilegt
vegna þess að margir hafa kom-
ið að starfinu og ég hef verð mjög
heppin með samstarfsfólk. Þegar
við stóðum í stærri verkefnum, svo
sem endurgerð gömlu kirkjunn-
ar og söfnunar fyrir nýju pípuorg-
eli, voru skipaðar verkefnisnefndir
skipaðar einstaklingum utan safn-
aðarnefndar. Mikið sjálfboðaliðs-
starf hefur alltaf verið innt af hendi
innan kirkjunnar. Ég hef síðustu
árin leitað svolítið eftir því að losna
frá formennskunni. Það hefur ekki
tekist en ég er vongóð um að ekki
líði langur tími þar til einhver verð-
ur tilbúinn að taka við af mér. Gæti
þó hugsað mér að halda áfram í
þeim skemmtilegu verkum sem ég
hef unnið fyrir söfnuðinn. Svo sem
að máta, þvo og strauja ferming-
arkirtlana á börnin. Það hefur samt
aldrei verið vandamál fyrir mig að
komast í frí frá starfinu í sóknar-
nefndinni ef ég hef þurft þess. Ég
hef líka getað sinnt öðrum áhuga-
málum, svo sem í lionsklúbbnum
sem ég hef verið í til fjölda ára og
golfinu á sumrin sem ég hef ákaf-
lega gaman af.“
Kirkjan mikið notuð
af samfélaginu
Unnur segir að festa hafi verið í
starfsmannaliði Stykkishólmskirkju
í mörg ár. Sami presturinn til fjölda
ára, séra Gunnar Eiríkur Hauks-
son. Sami organistinn hefur verið
síðustu sex árin, ungverjinn Laszlo
Petö, sem einnig stjórnar kirkju-
kórnum og er kennari við tónlist-
arskólann. „Það hefur alltaf ver-
ið öflugt kórstarf innan kirkjunnar
og nú er stefnt á söngferð á heima-
slóðir stjórnandans til Ungverja-
lands næsta sumar. Við höfum síð-
ustu þrjú árin safnað fyrir ferðinni
og það er kominn mikill spenning-
ur í hópinn.“ Unnur segir Stykkis-
hólmskirkju mikið notaða af samfé-
laginu og þar sé mjög góður hljóm-
burður. Til að mynda hafi Sum-
artónleikaröð Stykkishólmskirkju
verið haldin í kirkjunni í nærri 20 ár.
Þar eru oft haldnir tónleikar á veg-
um tónlistarskólans auk skólaslita
grunnskólans og annarra stærri at-
hafna. „Í kirkjunni er eini salurinn í
bænum sem tekur meira en hundr-
að manns í sæti, þar sem að félags-
heimilið er nær eingöngu nýtt fyrir
starfsemi hótelsins.“ Nánasta sam-
starfsfólk Unnar í Stykkishólms-
kirkju til margra ára, fyrir utan
sóknarprestinn, eru hjónin Hulda
Magnúsdóttir og Svavar Edilons-
son. „Þau hafa starfað hjá okkur í
rúmlega 20 ár. Það skiptir afskap-
lega miklu máli að hafa svona traust
og gott fólk, þessi yndislegu hjón.
Hulda er líka meðhjálpari í kirkj-
unni og Svavar hefur séð um leg-
staðaskrá í kirkjugarðinum.“
Brýnt að ráða lausn á
lekavandamálum
Stykkishólmsbúar eiga glæsilega
nýlega kirkju sem reyndar var mörg
ár í byggingu. Fyrsta skóflustungan
var tekin 1967 en byggingin komst
ekki vel af stað fyrr en á árinu 1974.
Mörg ár tók þó að ljúka bygging-
unni. Kirkjan var loks vígð 6. maí
1990. Spurð um fjármögnun bygg-
ingarinnar segir Unnur að á þeim
tíma hafi sjómenn mátt gefa ágóða
af róðrum í byggingarsjóðinn. „Þeir
voru bakhjarlarnir. Það má öðrum
fremur þakka sjómönnunum hérna
að kirkjan var byggð. Hins veg-
ar voru líka tekin stór lán sem erf-
itt reyndist að borga. Peningalega
hefur oft verið erfitt hjá söfnuðin-
um, ekki síst fyrstu árin eftir að ég
tók við,“ segir Unnur.
Stykkishólmskirkja er eitt þeirra
mannvirkja í landinu sem er með
flötum þökum og veggjum upp af
þeim. Þetta hefur kallað fram leka-
vandamál og viðhald kom því mjög
snemma á húsið. Kirkjan hefur því
reynst Stykkishólmssöfnuði dýr.
Ekki voru mörg ár liðin fá vígslu
kirkjunnar sem þökin fóru að leka.
Ráðist var í endurbætur á árinu
2002 en allt kom fyrir ekki. Þökin
héldu áfram að leka. Unnur segir
að síðustu fimm árin hafi þetta ver-
ið mikið vandamál. Nýlega var síð-
an ráðist í ástandsskoðun á kirkj-
unni. Unnur segir að út úr því hafi
komið að það kosti um 50 millj-
ónir að lagfæra kirkjuna þannig að
allri viðhaldsþörf sé sinnt. „Það eru
miklir peningar. Við höfðum leitað
liðsinnis jöfnunarsjóðs Þjóðkirkj-
unnar en ekki eru komin svör með
það. Í það minnsta verðum við að
komast fyrir þennan leka í þökun-
um og gera við sprungur í veggjum
sem hafa farið vaxandi núna síðustu
fimm árin. Það er algjört forgangs-
verkefni,“ sagði Unnur Valdimars-
dóttir að endingu.
þá
Starfið er krefjandi en margar hendur vinna létt verk
Unnur Valdimarsdóttir hefur verið formaður sóknarnefndar í Stykkishólmi í 22 ár
Stykkishólmskirkja er glæsilegt mannvirki en hefur reynst söfnuðinum dýr, meðal
annars vegna þakleka. Ljósmynd Eyþór Benediktsson.
Unnur Valdimarsdóttir formaður sóknarnefndar Stykkishólms. Ljósm. þá.