Skessuhorn - 21.01.2015, Blaðsíða 14

14 MIÐVIKUDAGUR 21. JANÚAR 2015
Unnu til verðlauna í verkefni Landsbyggðarvina
Tvær stúlkur úr Grunnskóla Grund-
arfjarðar unnu til verðlauna um síð-
astliðna helgi. Það voru þær María
Margrét Káradóttir og Tanja Lilja
Jónsdóttir sem urðu í fyrsta og þriðja
sæti í verkefni Landsbyggðarvina
sem kallast „Sköpunargleði - Heima-
byggðin mín: Nýsköpun, heilbrigði
og forvarnir.“ Í vetur hafa nemendur
í 7. - 10 bekk í Grunnskóla Grundar-
fjarðar tekið þátt í verkefninu ásamt
nemendum úr Grunnskóla Patreks-
fjarðar og Grunnskóla Drangsness.
Verkefninu var hrundið af stað í haust
og er markmið þess að hvetja ungt
fólk til að hugsa um heimabyggð sína
út frá þeim tækifærum sem þar bjóð-
ast. Auk þess er verkefnið þroskandi
og skemmtileg viðbót við skólanám.
Tjörn eins og
Grundarfjarðarhöfn
Nemendur skólanna sendu inn rit-
gerðir þar sem þeir lýstu sinni heima-
byggð og komu með hugmyndir.
Stúlkurnar, sem báðar eru í 7. bekk,
hlutu verðlaun fyrir hugmyndir sínar
um hvernig megi gera Grundarfjörð
að áhugaverðari og betri stað, bæði í
dag og til framtíðar. María Margrét
varð í fyrsta sæti. Í ritgerð sinni lýs-
ir hún því að í Grundarfirði sé stórt
tún sem kallast Paimpol-garður-
inn. Hún segir garðinn vera stóran
grasbala sem sé engum til gagns og
segir frá því að lítill pollur sé í einu
horni garðsins. Hún lýsir því einn-
ig að vindasamt sé í garðinum. „Það
væri hins vegar alveg hægt að setja
tré til þess að mynda skjól. Einnig
mætti kannski nýta pollinn með því
að búa til fallega litla tjörn. Á tjörn-
ina myndu kannski setjast endur og
svanir sem litlir krakkar gætu gef-
ið brauð. Eldri krakkar og fullorðn-
ir gætu notað hana til að sigla fjar-
stýrðum bátum. Kannski væri hægt
að hafa bátana við tjörnina þannig
að allir gætu prófað að sigla þeim.
Bátarnir gætu kannski verið eins og
fiskibátarnir í Grundarfirði og aldrei
að vita nema útgerðirnar gætu gef-
ið þá. Tjörnin gæti þá kannski lit-
ið út eins og Grundarfjarðarhöfn.
Það væri mjög gaman,“ segir í rit-
gerð Maríu Margrétar. Hún kemur
með ýmsar hagnýtar hugmyndir fyr-
ir Grundarfjörð í ritgerðinni. Meðal
annars nefnir hún að í Grundarfjörð
komi margir ferðamenn á sumrin.
„Það væri sniðugt að hafa söfn sem
þeir gætu farið í - með nóg af kló-
settum, því þeir eru alltaf í spreng!
Söfnin þyrftu að sýna eitthvað sem
erlendir ferðamenn hafa aldrei séð,
eða eitthvað sem þeir hafa áhuga á,
t.d. norðurljósasafn eða háhyrninga-
safn.“ Að endingu segist hún vera al-
veg viss um að eftir nokkur ár verði
búið að nota þessar hugmyndir til að
gera bæinn hennar enn betri en hann
er í dag.
Vill stærra húsnæði
Hugmyndir Tönju Lilju urðu í þriðja
sæti í verðlaunasamkeppninni. Hún
segir í ritgerð sinni að gott sé að búa í
Grundarfirði, en lengi megi gera gott
betur. Þar nefnir hún að bæjarfélag-
ið mætti stækka grunnskólann, þar
sem enginn matsalur sé í skólanum.
Hún segir að það yrði skemmtilegra
ef allir borðuðu saman, í stað þess að
borða í heimastofum. „Þá myndu all-
ir þekkjast og kynnast betur þótt það
væri eldri eða yngri nemendur og
auðveldara væri fyrir starfsfólkið að
fylgjast betur með að öllum líði vel,“
segir meðal annars í ritgerðinni. Hún
nefnir einnig að íþróttahúsið, tón-
listarskólinn og húsnæði félagsmið-
stöðvarinnar séu of lítil og hvetur til
þess að bætt verði úr því. „Að lokum
vil ég segja þetta. Við krakkarnir hér í
Grundarfirði treystum bæjarfélaginu
okkar til þess að gera eitthvað góð-
verk fyrir okkur og hugsa um okkur
á góðan hátt, því ég held að ef bæjar-
stjórnin hjálpar okkur ekki í að bæta
þessar aðstöður, þá vill ekkert nýtt
fólk með fullt af börnum flytja hing-
að og allir sem búa hérna verða bara
gamalt fólk. En ég er með smá hug-
mynd. Af hverju búum við ekki til
eitt risastórt hús fyrir tómstundir fyr-
ir konur og kalla, börn og fullorðna?
Þá værum við öll saman en ekki hing-
að og þangað um bæinn heldur allir
saman, því það er gaman,“ segir Tanja
Lilja að endingu í ritgerð sinni.
Hugmyndunum
vel tekið
Verðlaunaafhendingin fyrir Lands-
byggðarverkefnið fór fram síðast-
liðinn laugardag í Háskólanum í
Reykjavík. Að sögn Unnar Birnu
Þórhallsdóttur, kennara stúlknanna
var athöfnin afar hátíðleg og form-
leg. „Katrín Jakobsdóttir afhenti
verðlaunin og stelpurnar þurftu að
segja frá hugmyndum sínum. Bæjar-
stjórinn okkar var á staðnum og tók
vel í hugmyndir stelpnanna beggja,“
segir Unnur Birna. Landsbyggðar-
verkefnið er tvískipt og voru verð-
launin veitt fyrir fyrri hluta verkefn-
isins. Vinna í síðari hluta verkefnisins
hefst fljótlega og lýkur honum eftir
páskafrí. Að sögn Unnar Birnu verð-
ur unnið í hópavinnu í skólanum, þar
sem hugmyndir verði útfærðar nán-
ar og útilokar hún ekki að nýjar hug-
myndir komi fram.
grþ
Tanja Lilja Jónsdóttir og María Margrét Káradóttir unnu til verðlauna fyrir
hugmyndir sínar um hvernig megi gera Grundarfjörð að áhugaverðari og betri
stað. Ljósm. tfk.
Fyrstu styrkir til frumkvöðla Hugheima
Fjöldi fólks var saman kominn í
húsnæði Símenntunarmiðstöðv-
ar Vesturlands í Borgarnesi síð-
astliðinn fimmtudag þegar Arion-
banki og KPMG veittu styrki til
nýsköpunar í Borgarbyggð. Fjög-
ur nýsköpunarverkefni sem tek-
ið hafa þátt í starfi frumkvöðla-
og nýsköpunarsetursins Hug-
heima fengu afhenta styrki frá Ar-
ion banka og KPMG upp á sam-
tals tvær milljónir króna. Arion
banki veitti fjárstyrki að upphæð
eina milljón og KPMG styrkti
verkefnin um eina milljón í formi
sérfræðiráðgjafar. Hugheimar eru
samstarfsverkefni fjölmargra að-
ila en auk fyrrgreindra fyrirtækja
standa eftirtaldir að verkefninu:
Borgarbyggð, Kaupfélag Borg-
firðinga, Nepal hugbúnaður, Sí-
menntunarmiðstöð Vesturlands,
SSV þróun og ráðgjöf, Háskólinn
á Bifröst, Landbúnaðarháskóli Ís-
lands, Verkís og Vitbrigði Vestur-
lands. Haraldur Örn Reynisson
hjá KPMG notaði tækifærið og
þakkaði þessum aðilum fyrir sinn
þátt en að öðrum ólöstuðum bæri
að þakka sérstaklega fyrir framlag
Sigursteins Sigurðssonar hjá Vit-
brigðum Vesturlands fyrir óeigin-
gjarnt framlag.
Bernhard Þór Bernhardsson
svæðisstjóri Arion banka á Vest-
urlandi og Haraldur Örn Reyn-
isson endurskoðandi hjá KPMG
í Borgarnesi afhentu styrkina. Í
máli Bernhards kom fram að þeg-
ar Hugheimum var komið á fót
hafi menn haft áhyggjur af því
hvort þátttaka yrði nægjanlega
mikil og verkefni líkleg til árang-
urs. Hugheimar hafa nú starfað í
tæplega eitt ár og verkefnið geng-
ið framar vonum. Öll skrifstofu-
rými sem boðið er upp á í Hug-
heimum væru fullnýtt. Auk þess
væri ljóst að af þeim verkefnum
sem væru að fá styrki, að þau væru
bæði metnaðarfull og líkleg til að
skila árangri.
Verkefnin sem hlutu
styrkina
Fjögur verkefni hlutu styrki:
Cloth of Ægir, verkefni Geirs
Konráðs Theodórssonar. Það
snýst um hönnun á klæðnaði, trefl-
um og hálsklútum með innbyggð-
an búnaði til að vernda öndun-
arfæri gegn svifryki sem og öðr-
um óæskilegum efnum sem fylgja
mengun í borgum eða mengun frá
eldgosum. Frumgerð hefur ver-
ið þróuð og prófuð og komið að
næsta stigi verkefnisins.
Íslenskar ilmolíur frá Rauðs-
gili, verkefni Hraundísar Guð-
mundsdóttur. Það snýst um að
framleiða hágæða náttúruvörur í
hreinni náttúru Íslands og auka
um leið fjölbreytni í búskap, sem
og nýta þekkingu, ræktarland og
útihús sem eru til staðar til að
skapa atvinnu í uppsveitum Borg-
arfjarðar. Hafin er ræktun á nytja-
plöntum og ilmolíuframleiðsla er
á tilraunastigi.
Búdrýgindi ehf, verkefni Bryn-
dísar Geirsdóttur og Guðna Páls
Sæmundssonar. Það snýst um
markaðssetningu og sölu erlendis
á sjónvarpsþáttunum „Hið blóm-
lega bú.“ Einnig um að þróa og út-
færa nánar verkefnið hið Blómlega
bú, umfang þess og sóknarfæri til
dæmis er varðar vöruþróun svo
sem bókaútgáfu o.fl. Sjónvarps-
þættirnir hafa náð miklum vin-
sældum og hafa reynst mikilvægt
framlag til þess að koma Borgar-
firði á kortið sem matvælafram-
leiðslusvæði og reynst verðmæt-
ur stuðningur við vaxtarbrodda í
þeirri grein.
Seyla ehf, verkefni Elísabetar
Axelsdóttur. Það snýst um að
bjóða upp á þjónustu til efnagrein-
ingar á jarðvegi, heyi og loðdýra-
fóðri. Þar er gert ráð fyrir að fjár-
festa í öflugum búnaði til efna-
greiningar sem mun bæta verulega
þjónustu við bændur og aðra aðila
sem hafa nýtt sér þessar greining-
ar. Sem og að koma í veg fyrir að
mikilvæg sérfræðistörf og þekking
flytjist í auknum mæli til útlanda.
Auk þess mun verða lögð áhersla á
að bjóða öðrum aðilum að nýta sér
þjónustu á sviði efnagreininga en
tækifærin eru mörg á því sviði.
Samningur við Nýsköp-
unarmiðstöð Íslands
Að lokinni afhendingu styrkja hélt
Sigurður Steingrímsson hjá Ný-
sköpunarmiðstöð Íslands fróð-
legt erindi um starf og stuðning
Nýsköpunarmiðstöðvarinnar við
frumkvöðla og nýsköpun. Að er-
indi loknu undirrituðu Haraldur
Örn og Sigurður samstarfssamn-
ing milli Hugheima og Nýsköp-
unarmiðstöðvar Íslands. Mark-
mið samningsins er að efla sam-
starf milli aðila í þeim tilgangi að
skapa faglegt umhverfi fyrir frum-
kvöðla og/eða verkefni sem teljast
frumkvöðlaverkefni og geta styrkt
Vesturland sem atvinnusvæði. Að
lokum bað Haraldur Örn gesti
um að hafa í huga að mikilvægasti
styrkurinn fyrir frumkvöðla væri
að samfélagið hampaði áræðni
þeirra og dug. Hvatti hann gesti
til að staldra við og kynnast þeim
frumkvöðlum sem fengu styrkjuna
og þeim sem væru með aðsetur í
Hugheimum. þá
Styrkþegar og fulltrúar þeirra við afhendinguna.
Haraldur Örn Reynisson fyrir hönd Hugheima og Sigurður Steingrímsson Nýsköp-
unarmiðstöð Íslands undirrita samstafssamning.
www.skessuhorn.is
Fylgist þú með?
Áskriftarsími:
433 5500