Skessuhorn - 21.01.2015, Blaðsíða 6

6 MIÐVIKUDAGUR 21. JANÚAR 2015
Auglýst eftir
sviðsstjórum
BORGARBYGGÐ: Seint á
síðasta ári var sagt frá því að
verulegar breytingar væru fyr-
irhugaðar í yfirstjórn Borgar-
byggðar. Eru þær hugsaðar til
að spara í rekstri sveitarsjóðs,
m.a. til að uppfylla lagaskyldur
um samanlagða jákvæða rekstr-
arafkomu sveitarsjóðs á þriggja
ára tímabili. Meðal aðgerða sem
ákveðið var að ráðast í var að
störfum sviðsstjóra yrði fækkað,
uppsagnir voru því innan Ráð-
húss, tilfærslur gerðar á störfum
og víðtæk endurskipulagning.
Sú vinna er hafin og hefur Borg-
arbyggð nú auglýst eftir fólki í
tvö leiðtogastörf. Í Skessuhorni
í síðustu viku er auglýst eftir
sviðsstjóra fjölskyldu- og fjár-
málasviðs annars vegar. Sá mun
hafa yfirumsjón með fjármál-
um, stjórnsýslu, fræðslumálum,
íþrótta- og tómstundamálum,
félagsþjónustu og menningar-
málum. Hins vegar er auglýst
eftir sviðsstjóra umhverfis- og
skipulagssviðs sem hefur yfir-
umsjón með umhverfis,- hrein-
lætis- og sorpmálum, umferðar-
og samgöngumálum, skipulags-
og byggingarmálum, landbún-
aðarmálum, fasteignaumsjón og
áhaldahúsi, brunamálum og al-
mannavörnum. –grþ
Vetraræti dratt-
hala rannsakað
LANDIÐ: Refir á Vestfjörðum
og Vesturlandi éta bæði fisk og
egg að vetrarlagi. Slíka fæðu er
hins vegar ekki að finna í mög-
um refa á sunnanverðu, austan-
verðu og norðanverðu landinu.
Eggin voru væntanlega forði
frá vorinu áður og líklega úr
fýl. Svartfugl fannst eingöngu í
mögum af vestanverðu landinu.
Rjúpur voru lítið eitt algengari
á austanverðu landinu en vest-
anvert. Fýlar og máfar fundust
frekar í mögum vestanlands en
í öðrum landshlutum. Hagamýs
eru líka ofarlega á vetrarmat-
seðli refa á vestanverðu land-
inu en sjaldgæfari annars stað-
ar. Þetta er meðal niðurstaðna
líffræðinga úr greiningum á
fæðuvali refa sem lauk nýver-
ið. Magainnihald refa var kann-
að við krufningar á innsendum
refahræjum frá veiðimönnum
og teknir úr refum sem veidd-
ir voru að vetrarlagi. Skýrslan
með niðurstöðum rannsókn-
arinnar er núkomin út og ber
heitið „Hvað eru refirnir að
éta – fæða íslenskra melrakka
að vetrarlagi.“ Hana má finna á
vefsetri Melrakkaseturs Íslands
(www.melrakki.is). –mþh
Lestur blaða á lands-
vísu mjög að breytast
LANDIÐ: Samkvæmt nýrri
könnun Capacent um lestur
blaða á landsvísu kemur fram
að lestur Bændablaðsins er að
aukast, meðan lestur Morg-
unblaðsins og Fréttablaðsins
dregst saman. Fréttablaðið lesa
þó sem fyrr flestir, eða 53,1%
landsmanna. Lestur þess hef-
ur minnkað stöðugt síðari ári,
mældist t.d. 65% árið 2007.
Fréttatímann er í öðru sæti á
listanum, en hann lesa 38,2%.
Athygli vekur að Bændablaðið
vermir nú þriðja sæti á listan-
um en 30,6% landsmanna lesa
það að jafnaði. Morgunblaðið
lesa 28,8% og tíu prósent lesa
Viðskiptablaðið annars vegar og
DV hins vegar. –mm
Eitt og annað úr
briddslífinu
BORGARFJ: Mánudagskvöld-
ið 19. janúar var síðasta æfinga-
kvöld fyrir aðalsveitakeppni
Briddsfélags Borgarfjarðar. Ell-
efu pör mættu til leiks og spiluðu
24 spil. Lárus Pétursson hélt
upp á hálfrar aldar afmæli sitt
með því að rúlla félögum sín-
um í briddsfélaginu upp. Hann
ásamt makker sínum, Sveinbirni
Eyjólfssyni, skoruðu langmest
eða 62,5%. Næstir þeim komu
Sigurður fiskifræðingur og Stef-
án frá Kalmanstungu með 57,1%
og þriðju í mark urðu Sveinn á
Vatnshömrum og Flemming á
Hvanneyri með 53,6%. Næsta
mánudagskvöld hefst svo sveita-
keppni félagsins og mun hún taka
yfir fimm mánudagskvöld. For-
maður félagsins hefur af sinni al-
kunnu snilld raðað pörum í átta
sveitir með það að leiðarljósi að
gera keppnina sem mest spenn-
andi. Nú er bara að sjá hvort all-
ir leikir endi með jafntefli? Loks
mun helgina 21. og 22. febrúar
Vesturlandsmótið í sveitakeppni
verða spilað á Hótel Hamri. Mót-
ið er um leið undankeppni fyrir
Íslandsmót en þar á Vesturland
sæti fyrir fjórar sveitir. Skráning
og nánari upplýsingar veitir Ingi-
mundur í síma 861-5171. -ij
Bóndadagsrimma
í Útsvari
BORGARBYGGÐ: Á sjálf-
an bóndadaginn næstkomandi
föstudagskvöld mætir lið Borg-
arbyggðar Seltjarnarnesi í spurn-
ingaleiknum Útsvari á RUV. Það
lið sem ber sigur úr býtum kemst
áfram í átta liða úrslit. Lið Borg-
arbyggðar komst áfram í sextán
liða úrslitin með öruggum sigri
á Skagaströnd í nóvember síð-
astliðnum. Lið Borgarbyggð-
ar er skipað þeim Stefáni Gísla-
syni, Evu Hlín Alfreðsdóttur og
Jóhanni Óla Eiðssyni. Tvö önn-
ur lið af Vesturlandi taka einnig
þátt í þessari umferð. Það er lið
Akraness sem mætir Reykjavík
6. febrúar og loks mætir Stykkis-
hólmur Ölfusi 6. mars. –grþ
Markaðsstofur landshlutanna
standa fyrir viðburðinum Manna-
mót 2015 og fer það fram á morg-
un, fimmtudaginn 22. janúar.
Mannamótum er ætlað að mynda
og efla tengsl á milli ferðaþjónustu-
fyrirtækja á Íslandi og auka dreif-
ingu ferðamanna um landið allt.
Það eru markaðsstofur landshlut-
anna sem setja upp viðburðinn fyrir
samstarfsfyrirtæki sín en reikna má
með að um 150 ferðaþjónustuaðilar
kynni starfsemi sína fyrir gestum.
Tilgangur Mannamóta er að kynna
ferðaþjónustufyrirtæki á lands-
byggðinni fyrir ferðaþjónustuað-
ilum, ferðaskrifstofum og ferða-
skipuleggjendum á höfuðborgar-
svæðinu með það að markmiði m.a.
að vinna að dreifingu ferðamanna
um landið allt og efla uppbyggingu
heilsársferðaþjónustu.
Reikna má með ríflega fimm
hundruð gestum á viðburðinn sem
haldinn verður í flugskýli flug-
félagsins Ernis (vestan við Ice-
landair Hotel Natura) milli kl. 11
og 16. Ekkert skráningargjald er
fyrir gesti af höfuðborgarsvæðinu
en þeir eru beðnir um að staðfesta
þátttöku fyrir 20. janúar. Sjá nánar
á www.naturaliceland.is
mm
Spurningakeppni framhaldsskól-
anna, Gettur betur, hófst á nýju ári.
Fyrri umferð er nú lokið og varð
niðurstaðan sú að tvö af fjórum
keppnisliðum af Vesturlandi kom-
ust áfram í 16 liða úrslit; lið Fjöl-
brautaskóla Snæfellinga í Grund-
arfirði og Fjölbrautaskóla Vestur-
lands á Akranesi. Í fyrstu umferð
laut lið Menntaskóla Borgarfjarðar
í gras fyrir Fjölbrautaskóla Suður-
lands með 27 stigum gegn 16. Þá
tapaði Landbúnaðarháskóli Íslands
stórt fyrir Fjölbrautaskóla Garða-
bæjar en sú viðureign endaði 34:9.
Lið Fjölbrautaskóla Vesturlands
sigraði lið Menntaskólans að Laug-
arvatni með 25 stigum gegn 14
stigum. Liðið er skipað þeim Önnu
Eze, Elmari Gísla Gíslasyni og
Jóni Hjörvari Valgarðssyni. Í ann-
arri umferð, eða 16 liða úrslitum
keppninnar, mætti FVA liði Fram-
haldsskólans í Mosfellsbæ og fór
viðureignin fram á mánudagskvöld-
ið. Þar unnu Skagamenn með 23
stigum gegn 16 og eru því komn-
ir í átta liða úrslit og þar af leiðandi
sjónvarpssal.
Fjölbrautaskóli Snæfellinga bar
sigurorð af Fjölbrautaskóla Norð-
urlands vestra með 15 stigum gegn
10. Það eru þau Hilmar Orri Jó-
hannsson, Katrín Eva Hafsteins-
dóttir og Logi Sigursveinsson
sem keppa fyrir hönd FSN. Stein-
þór Stefánsson er varamaður liðs-
ins og Loftur Árni Björgvinsson sér
um þjálfun. Næsta viðureign FSN
var tímasett í gærkvöldi, þriðju-
daginn 20. janúar klukkan 21.00 og
var Kvennaskólinn mótherji FSN
nemenda. Þátturinn hafði ekki far-
ið fram þegar Skessuhorn var sent
í prentun
Sigurlið annarrar umferðar fara
áfram í sjónvarpshluta keppninn-
ar sem hefst á RUV 28. janúar
nk. Spyrill í Gettu betur er Björn
Bragi Arnarsson, spurningahöf-
undar og dómarar eru þau Margrét
Erla Maack og Steinþór Helgi Arn-
steinsson. mm
Keppnislið FSN og þjálfari: Frá vinstri: Steinþór, Hilmar Orri, Katrín, Logi og Loftur.
Tvö lið af Vesturlandi áfram í Gettu betur
Lið FVA í keppni. F.v. Anna Eze, Elmar Gísli og Jón Hjörvar.
Frá Mannamótum 2014.
Mannamót markaðsstofanna
verður á fimmtudag