Skessuhorn - 21.01.2015, Blaðsíða 17

17MIÐVIKUDAGUR 21. JANÚAR 2015
sem ráðherra fer með í þingið í
febrúar. Haraldur telur raunhæft að
markið sé sett á að árin 2019-2020
eigi 99,9% heimila að hafa mögu-
leika á allt að 100 megabæta teng-
ingu. „Það væri algjör bylting. Það
myndi þýða að ungt fólk myndi snúa
heim úr námi og alla þá góðu þætti
sem gætu fylgt í kjölfarið. Fólk get-
ur flutt með sér atvinnu í dreifðar
byggðir. En þetta er spurning um
forgangsröðun um notkun pening-
anna. Ég tel það ekki vonlaust að
við getum séð fram úr því og tillög-
ur okkar munu meðal annars snúast
um hvernig þetta geti gerst án þess
að kosta ríkissjóð óheyrilegar fjár-
hæðir árlega.“ Hann segir mögulegt
að einhverjum öðrum framkvæmd-
um yrði frestað á meðan þessi vinna
færi fram. Það sé þó ljóst að fjar-
skipti séu ofarlega á blaði í forgangs-
röðun sveitarfélaga. „Í fjárlagavinn-
unni í haust settu 30 sveitarfélög
af 42 fjarskipti ofarlega á sitt blað.
Þeim liggur á að fá þetta í lag. Hug-
myndin er að bregðast við þessari
þörf.“ Í vinnunni er stuðst við álykt-
un Alþingis um byggðamál frá 2014,
þar sem segir að fyrst eigi að horfa á
að byggja upp í veikum byggðum.
Mikilvægt fyrir
markaðssetningu
Með aukinni ljósleiðaravæðingu
mun farsímanet landsins þéttast.
Haraldur nefnir í því samhengi að
þá geti ferðamenn og íbúar sett ljós-
myndir samstundis á samfélagsvef-
ina í gegnum snjallsíma. „Þá erum
við komin með stöðuga markaðs-
setningu landsins út í heim. Það
tekur enginn mynd í Dölunum eða
annars staðar sem netsambandið er
veikt og setur hana beint á Facebo-
ok. Netsambandið er víða svo stop-
ult að það er ekki hægt.“ Þá nefn-
ir Haraldur að mikilvægt sé fyrir
öryggi fjarskipta að hringtenging-
ar komist á, til að fyrirbyggja stór
stopp líkt og Snæfellingar lentu í
á milli jóla og nýárs. „Þjóðfélagið
lamast ef fjarskiptin detta niður. Það
er ekki hægt að kaupa lyf í apótek-
inu, selja fisk á mörkuðum eða setja
olíu á sjúkrabílinn, svo eitthvað sé
nefnt.“
Skapa þarf
réttar aðstæður
„Við höfum ekki skilað verkinu
enn því við viljum láta skoða með-
fram þessu samlegðaráhrif á hvort
klára eigi að leggja raflínur í jörðu
meðfram ljósleiðaranum. Þetta er
í raun sama verkið. Við viljum láta
meta hvort það eru slík samlegðar-
áhrif að stjórnvöld vilji líta á þetta
sem eitt verkefni. Ég veit ekki hvort
það verður niðurstaðan en við vilj-
um hafa svarað þeirri spurningu,
það er í eðli sínu önnur ákvörðun en
átak í fjarskiptamálum,“ segir Har-
aldur. Hann segir að víða í sveitum
séu gæði rafmagns ekki nógu mik-
il. Það hefti uppbyggingu byggða,
líkt og slæmt netsamband gerir.
„Við gætum verið að vinna að mjög
merkilegri innviðaútskiptingu. Með
því að ganga í þetta verk gæti sam-
keppnisstaða sveitanna gjörbreyst
og orðið mun nútímalegri. Það
vantar ekki endilega miklar og víð-
tækar aðgerðir stjórnvalda í byggða-
málum. Mikið frekar þarf að skapa
réttar aðstæður í samgöngum, raf-
magni og fjarskiptum. Þá er fólk-
ið til og krafturinn í því mun bera
það áfram. Þannig munu tækifærin
byggjast upp.“
Hjálpaði huldukonu
í barnsnauð
Jörðin sem Haraldur og fjölskylda
hans búa á er sögufræg. Fræg-
asti snærisþjófur Íslandssögunn-
ar, Jón Hreggviðsson, bjó lengi vel
á Reyni sem leiguliði kristbónda.
Hann var því forveri Haraldar og
fjölskyldu hans í búskap. Harald-
ur er þó ekki afkomandi snæris-
þjófsins. Ætt Haraldar hefur búið
í rúm hundrað ár á báðum jörð-
unum og voru fyrst um sinn einn-
ig leiguliðar kristbónda, líkt og Jón
forveri þeirra. Faðir Haraldar og
föðurbróðir hans keyptu jarðirnar
af kirkjunni 1953. Á jörðunum er
mikið af örnefnum, sem eru heim-
ilisfólki vel þekkt. Jörðin er einnig
rík af sögnum um huldufólk. Har-
aldur og forverar hans eru aldir
upp við slíkar frásagnir, sem geng-
ið hafa mann fram af manni og
sumar þeirra aldrei verið skrifaðar.
Ein þeirra segir frá afa Haraldar og
nafna hans, bónda á Reyni. „Til er
sögn af því að afi minn var sóttur til
að hjálpa huldukonu í barnsnauð.
Hann er við slátt úti á túni þegar
sækir svo að honum að hann fer
heim á bæ að leggja sig. Það þótti
mjög sérstakt því hann var kapp-
samur í vinnu og sérstaklega í hey-
skap. Er að honum var gáð tókst
ekki með nokkru móti að vekja
hann eða ná við hann sambandi.
Svo allt í einu vaknar hann og lýsti
í smáatriðum hvað hafði gerst. Að
hann hafi verið leiddur inn í klett-
inn Stóra kastala og hjálpað huldu-
konu í barnsnauð,“ segir Haraldur.
Mikilvægt að keðjan
slitni ekki
Haraldur segist bera virðingu fyr-
ir þessum sögnum og klettunum í
kringum bæinn. Það hafi honum
verið kennt í uppeldinu. Á jörðinni
er meðal annars álagablettur sem
öllum var kennt að umgangast af
stakri virðingu. „Mér dettur ekki í
hug að efast um þetta en ætla samt
ekki að segja öðrum hverju þeir
eigi að trúa. Fyrst og fremst finnst
mér þetta þó skemmtilegar sög-
ur, hluti af menningararfi okkar.
Þessi trú er ofarlega í Íslendingum
og það væri mikill skaði að týna
þessum sögum niður. Sögurnar
eru hluti af okkur og mikilvægt að
keðjan slitni ekki.“ Það var í kring-
um 1920 -1930 sem afi hans lenti
í lífsreynslunni með huldukonuna.
Haraldur rifjar það upp að um það
leyti hafi örn orpið í Akrafjalli.
„Um sumar var ungbarn lagt út á
teppi, á sólríkum degi. Þá kemur
örninn, steypir sér yfir barnið og
tekur það í klærnar. Barnránssög-
ur arnarins eru ekki lengra frá okk-
ur en þetta. Pabbi mundi vel eft-
ir þessu og sagði okkur þessa sögu.
Eldri bræður hans voru nógu fljót-
ir að hlaupa til. Þeir náðu að fipa
örninn í flugtakinu þannig að hann
varð að sleppa barninu.“
Spáir mildu vori
Haraldur er fullviss um að árið
sem er nýhafið verði gott. Á hverju
ári horfir hann eftir því hvenær
fýllinn sest í Bríkina, klettastapa
í Akrafjalli fyrir ofan bæinn. „Það
léttist brúnin þegar fýllinn er sest-
ur þar upp og farinn að garga. Eft-
ir því sem hann sest fyrr á árinu,
þeim mun meiri líkur eru á að vor-
ið verði milt. Í ár flaug hann í birt-
ingu á nýársdegi og gargaði. Það
boðar milda tíð og gott ár,“ seg-
ir þingmaðurinn og brosir. „Ég
er óbilandi bjartsýnn á góða tíð
og betri tíma og það er stundum
minn helsti baggi í lífinu,“ bætir
hann við að endingu.
grþ /Ljósm. Friðþjófur
Helgason.
Haraldur ásamt börnum sínum Eyþóri og Guðbjörgu. Til hægri er kýrin Ástþóra.Haraldur og Guðbjörg með huldufólksbyggðir í baksýn.
Hér er mynd úr safni Skessuhorns tekin að sumarlagi fyrir um átta árum síðan.
Lilja Guðrún, Haraldur og eldri börnin tvö; Benedikta og Eyþór.
BS í viðskiptafræði
• markaðssamskipti
• þjónustufræði
• ferðaþjónusta
• matvælarekstur
BS í viðskiptalögfræði
BA í stjórnmálafræði
• HHS (heimspeki, hagfræði
og stjórnmálafræði)
• stjórnmálahagfræði
BA í boðskiptum og miðlun
bifrost.is
BA í byltingafræði ML í lögfræði
Skemmtilegur háskóli í einstöku umhverfi