Skessuhorn - 31.03.2015, Page 20

20 ÞRIÐJUDAGUR 31. MARS 2015
„Það er óhemju af þorski í Breiða-
firði. Reyndar skruppum við aðeins
suður á Eldeyjarbanka að reyna við
ufsa en það gekk ekki nógu vel. Það
var lítið af honum þar en mjög mik-
ið af þorski. En hér í Breiðafirði er
bara þorskmok. Við lögðum tvisvar
í þessari viku og fengum fyrst fjöru-
tíu tonn og svo þrjátíu tonn í sex
trossur. Við leggjum bara á morgn-
ana og byrjum svo að draga strax aft-
ur. Netin eru ekki látin liggja í sjó að
heitið geti,“ sagði Margeir Jóhann-
esson skipstjóri á Þórsnesi SH 109 í
samtali Skessuhorn.
Ralla með netin
í Faxaflóa
Þegar blaðamaður Skessuhorns kom
á bryggjuna á fimmtudagsmorgun í
liðinni viku vakti athygli að áhöfn
Þórsness var greinilega að vinna við
að taka veiðarfæri um borð. Þórsnes
stundar netaveiðar eftir áramót en
er haldið til línuveiða á haustin og í
lok hvers árs. Nú voru þeir á Þórs-
nesinu greinilega að útbúa skipið
fyrir netaveiðar. Margeir skipstjóri
útskýrði að þeir væru að undirbúa
þátttöku skipsins í hinu svokallaða
netaralli Hafrannsóknastofnunar.
Þá eru eru nokkrir netabátar fengn-
ir til vísindaveiða með þorskanetum.
Þessar veiðar eru meðal annars liður
í stofnstærðarmati stofnunarinnar.
Net með mismunandi möskvastærð-
um eru lögð á fyrirfram ákveðnum
stöðum. Síðan er skráð hvað veiðist
í þau.
„Við á Þórsnesinu verðum í Faxa-
flóa. Magnús SH frá Hellissandi
verður svo við sömu rannsóknaveið-
ar í Breiðafirðinum. Við byrjum á að
leggja netin á sunnudag. Núna erum
við að gera klárt, taka netin um borð
og það sem fylgir. Við byrjum við
Malarrifið og færum okkur svo
sunnar. Líklega geymum við bátinn
svo á Akranesi yfir páskana,“ sagði
Margeir.
Vonast eftir
kvótaaukningu
Góð þorskveiði í vetur og reyndar
undanfarnar vertíðir skapar vænt-
ingar um að þorskkvótinn verði nú
aukinn í ár. „Það skulum við vona.
Þorskveiðin nú í vetur ætti að segja
manni það. Aflabrögðin hafa verið
frábær í öll veiðarfæri. Maður hef-
ur til dæmis aldrei heyrt svona töl-
ur eins og eru búnar að vera í afla-
brögðunum á línuna. Þetta er alveg
ótrúlegt.“
Greina mátti glaðværa tilhlökk-
un hjá skipverjum á Þórsnesinu þar
sem þeir gerðu klárt fyrir netarall-
ið. Þessar vísindaveiðar eru ávísun
á góðar tekjur og menn þurfa ekki
að hafa áhyggjur af kvótastöðu báts-
ins meðan á þeim stendur. „Það sem
við veiðum af kvóta bátsins fer mest
í saltfisksvinnslu útgerðarinnar hér í
Stykkishólmi. Það sem ekki er saltað
fer svo á markað. Fiskurinn úr net-
arallinu fer hins vegar allur á markað
og verðmætinu skipt milli Hafrann-
sóknastofnunar, útgerðar og áhafn-
ar. Sá afli dregst ekki af kvóta báts-
ins,“ sagði Margeir Jóhannesson.
Nýbakaður afi
Niðri á milliþilfari Þórsness stóð
Þorsteinn Kúld sjómaður og frí-
stundabóndi í Stykkishólmi og
sinnti netadrættinum um borð.
„Það er fínt að vera hér um borð. Í
haust og fram að jólum stundum við
veiðar norðanlands, löndum þá allt-
af á Raufarhöfn og förum heim í frí
þriðju hverja helgi. Það eru ágætis
tekjur á þessu. Nú er það netaver-
tíðin og svo er það bara sauðburð-
urinn í vor. Þá byrjar lífið,“ sagði
Þorsteinn kankvís á svip. Aðspurður
segist hann halda um 20 vetrarfóðr-
aðar ær sér til gamans.
Þorsteinn Kúld hafði annars ærna
ástæðu til að gleðjast þennan dag.
Dóttir hans hafði eignast barn og
Þorsteinn var að drífa sig suður til
Reykjavíkur til að hitta barnabarn-
ið fyrsta sinni.
Fluttu vestur
án eftirsjár
Alls eru 12 menn í áhöfn Þórsness.
Margeir skipstjóri tók við skipinu
2010. Áður hafði hann starfað sem
skipstjóri á dragnótarbátum um ára-
tuga skeið frá Suðurnesjum. Hóp-
ur sjómanna þaðan fylgdi Margeiri
þaðan um borð í Þórsnes. Nú hafa
margir þeirra flust búferlum og
sest að í Stykkishólmi. Sjálfur flutti
Margeir í Helgafellssveitina á síð-
asta ári. „Þetta er svona millileik-
ur. Ég er nefnilega fæddur og upp-
alinn í Ólafsvík. Stökkið var því of
stórt fyrir mig að flytja í Hólminn
en ég fór í sveitina,“ sagði hann og
hló við.
Oscar Gunnar Burns vélstjóri á
Þórsnesinu stýrði krana um borð.
„Ég hef verið á Þórsnesinu í fimm
ár en flutti hingað í Stykkishólm í
fyrrahaust með alla fjölskylduna.
Við komum úr Vogum á Vatns-
leysuströnd. Það er mjög gott á búa
hér. Konan mín starfar sem sjúkra-
liði á dvalarheimilinu hér í Stykkis-
hólmi og börnin eru mjög ánægð.
Það var svo sem fínt að búa í Vog-
unum en þetta er enn betra hér í
Hólminum.“
Patryk Garðarsson félagi Osc-
ars stóð við hið hans og tók und-
ir þessi orð: „ Ég er búinn að eiga
heima hér í þrjú ár. Það er mjög fínt
að vera á þessum báti. Þetta er gott
pláss,“ sagði Patryk.
Þórsnes verður á netum fram
í maí. Þá er ráðgert að línuveið-
ar taki aftur við fram í júní. Síðan
verður tekið gott sumarfrí fram á
haustið. mþh
Áhöfn Þórsness SH undirbýr netarall í Faxaflóa
Margeir Jóhannesson skipstjóri á Þórsnesi.
Þórsnes SH við bryggju í Stykkishólmi. Netin standa í körum á bryggjunni og bíða
þess að verða hífð um borð.
Net í plastkörum merkt Hafró hífð um borð í Þórsnesið.
Þorsteinn Kúld háseti, frístundabóndi og nýbakaður afi, sér til þess að netin fari
rétt um borð.
Ólafur Þorvaldsson sjómaður úr Stykkishólmi fylgist með netunum.
Oscar Gunnar Burns vélstjóri (t. v.) og Patryk Garðarsson skipsfélagi hans hafa
báðir flutt í Stykkishólm eftir að þeir byrjuðu á Þórsnesi SH.
Garðar Vilbergsson sjómaður hefur róið með Margeiri skipstjóra í fjöldamörg ár.
Vísindanetin frá Hafró eru flokkuð eftir möskvastærð í plastkör. Vanda þarf allan
undirbúning og ekkert má ruglast.