Skessuhorn - 10.06.2015, Blaðsíða 12

MIÐVIKUDAGUR 10. JÚNÍ 201512
„Það gengur vel og allt er á áætl-
un. En við verðum að halda vel á
spöðunum,“ sagði Unnar Berg-
þórsson, hótelstjóri á Hótel Húsa-
felli, þegar blaðamaður spurði hann
út í gang framkvæmda við nýja hót-
elbyggingu í Húsafelli. Áætlað er
að nýja hótelið muni opna form-
lega föstudaginn 10. júlí. „Hér eru
um 50 manns að vinna hverju sinni
þegar allt er talið og ótrúlega mikið
sem gerist á hverjum degi. Ég held
þetta sé stærsta starfsstöð í Borg-
arfirði um þessar mundir,“ bætir
hann við.
Unnar leiddi blaðamann um hót-
elbygginguna og byrjað var fyrir
utan þar sem svefnálmurnar mynda
boga kringum stórt torg. Að sögn
Unnars verður þar nokkurs kon-
ar lystigarður og umferð bíla ekki
heimiluð nema í neyðartilfellum.
Gengið var inn í móttökuna og síð-
an í stórt rými þar sem eru matsal-
ur, bar og setustofa. Gluggarnir eru
stórir og stuðlabergsveggur skiptir
rýminu í tvennt. „Stuðlabergið er
ákveðið þema, maður á að geta séð
stuðlabergsvegginn hvar sem er í
þessu rými og á neðri hæðinni. Alls
staðar héðan er svo gott útsýni yfir
nágrenni Húsafells,“ segir Unn-
ar og bætir því við að tengingin við
staðinn verði allsráðandi á hótel-
inu. „Á öllum herbergjum verð-
ur listaverk eftir Pál Guðmunds-
son. Ef þú gistir hérna þá mætirðu
inn á herbergi og kveikir ljósin. Um
leið og þú gerir það lýsist upp lista-
verk eftir Pál á veggnum, það verð-
ur það fyrsta sem þú sérð,“ seg-
ir hann. „Hér utandyra verður svo
öllum sárum í jarðveginum lokað
með hleðslum sem Unnsteinn Elí-
asson hleðslumeistari hefur hlaðið
listilega vel. Páll hefur unnið með
honum að nokkrum þessara lista-
verka, þar sem andlit eru höggvin
í steinana. Unnsteinn er líka algjör
snillingur og hleðsluveggirnir eru
virkilega fallegir.“
Þrátt fyrir að listamaðurinn Páll
á Húsafelli myndi auðsýnilegustu
tenginguna við svæðið er að finna
margar aðrar sem minna fer fyrir.
Flísarnar á gólfum hótelsins eru til
dæmis allar litaðar sérstaklega með
litum sem finnast í nærumhverfi
hótelsins. „Þetta er allt útpælt, það
er hugsun á bakvið hvert atriði,“
segir Unnar og brosir.
Sögunni gerð skil
Þegar komið er niður á neðri hæð
hótelsins tekur við afþreyingar-
miðstöð þar sem gestir geta fræðst
um alla þá afþreyingu sem er í boði
í nágrenninu. Þar inn af er þurrk-
herbergi þar sem gestir geta þurrk-
að útifötin sín ef þeir koma blautir
heim úr afþreyingarferðum sínum,
hvort sem það er eftir gönguferð-
ir, hellaskoðun eða ferð á Lang-
jökul. Á neðri hæðinni eru einn-
ig tveir salir, Hellir og Mosi. „Í
Helli verður sýning á veggjunum
þar sem sögur hellanna í nágrenn-
inu eru raktar. Fyrir utan gluggann
er veggur sem Unnsteinn hlóð og
Páll hjó andlit í steinana. Þetta
er minni salurinn, tilvalinn í for-
drykki og slíkt, til dæmis. Sá stærri
er Mosi og hann tekur um hundr-
að manns í sæti. Á veggjum hans
verða flekar sem rekja sögu ferða-
þjónustunnar á staðnum, segja frá
þessum sjö kynslóðum ferðaþjón-
ustubænda sem hafa boðið ferða-
menn velkomna hingað í Húsa-
fell,“ segir Unnar. „Sá myndi henta
vel í veislur og stærri ráðstefnur,“
bætir hann við.
Frábært starfsfólk
Á hótelinu eru 36 svefnherbergi og
að sögn Unnars sjá þau ekki fram
á að anna eftirspurn. „Við ætl-
um að mæta því með því að bjóða
sumarhús til leigu samhliða hótel-
inu. Nýjum sumarhúsaeigendum
og þeim sem hyggjast reisa bústaði
er boðið að leigja þá út í gegnum
hótelið þegar þeir eru ekki á staðn-
um. Þetta hefur verið reynt á Akur-
eyri og gefist mjög vel. Þetta eyk-
ur sölu á lóðum og nýir bústaðir
koma til með að standa undir fjár-
magnskostnaði, þá þarf ekki nema
nokkrar gistinætur í mánuði til að
bygging nýs sumarbústaðar standi
undir sér,“ segir Unnar. „Auk þess
er ákveðin trygging fyrir eigendur
að hótelið sjái um þrif og markaðs-
setningu bústaðanna. Gestir fengju
þá alla þá þjónustu sem þeim byð-
ist ef þeir gistu á hótelinu,“ bætir
hann við.
Þegar allt kemur til alls er góð
þjónusta lykilatriði í ferðaþjónustu
og leggur Unnar áherslu á mikil-
vægi gæðanna. „Hótelið er byggt
sem fjögurra stjörnu frá grunni og
það er í fyrsta sinn sem það er gert
á Íslandi. En þjónustan er það sem
skiptir mestu máli, það er fyrst og
fremst hún sem gefur stjörnurn-
ar,“ segir hann. „Þar skiptir máli
að vera með gott starfsfólk og við
höfum verið virkilega heppin með
það,“ bætir hann við og nefnir í því
samhengi meðal annars gott sam-
starf við veitingastaðinn Galito á
Akranesi sem hefur séð um rekst-
ur eldhússins á Húsafell Bistro og
mun koma að rekstri hóteleld-
hússins. „Þau frá Galito hafa lað-
að til sín frábært fólk til viðbótar
við það sem fyrir var. Hér starfa nú
þrír lærðir matreiðslumenn og þrír
lærðir þjónar. Ég held að það sé
næstum einsdæmi. Það tryggir að
gæðin á matnum eru ótrúlega mik-
il og það skiptir mjög miklu máli,“
segir Unnar að lokum.
kgk
Fyrstu þrír laxar sumarsins komu
á land úr Norðurá í Borgarfirði á
föstudagsmorguninn, en þá hófst
veiðisumarið formlega. Að þessu
sinni fékk veiðifélagið fagmenn til
að hefja veiðar, engu minni stang-
veiðikempu en Bubba Morthens
tónlistarmann, sem hafði Björg-
vin Halldórsson stórsöngvara með
sér. Þeir kepptust um hvor yrði
fyrstur til að setja í fisk og reynd-
ist Bubbi hlutskarpari og landaði
tólf punda hængi á Eyrinni korteri
fyrir klukkan átta um morguninn.
Einar Sigfússon sölustjóri árinn-
ar var engu að síður sá sem land-
aði fyrsta laxi sumarsins úr ánni og
landinu öllu, einungis tuttugu mín-
útum eftir opnunina klukkan 7.
Hann setti í átta punda glansandi
hrygnu á Brotinu. Þriðja laxinn
veiddi svo Eyrún I Sigþórsdóttir,
mágkona Einars, en hún fékk lax-
inn sinn á Bryggjunum. Auk þessa
höfðu menn strax fyrir klukkan átta
sett í fisk á Stokkhylsbrotinu, en sá
slapp. Þennan fyrsta veiðidag sum-
arsins fengust níu laxar úr Norð-
urá og var 12 pund hængur Bubba
sá stærsti. En fyrsta hollið veiddi 27
laxa og sluppu nokkrir af á þessum
fyrstu veiðidögum.
,,Byrjunin hérna í Norðurá lofar
góðu. Það eru komnir laxar víða um
ána þó mest hérna í kringum Lax-
fossinn og fyrir neðan hann,“ sagði
Einar Sigfússon sölustjóri skömmu
eftir að hann landaði fyrsta laxi sum-
arins úr ánni. „Þetta var skemmti-
legur lax, tók vel í. Veiðin fer vel af
stað. Svo opnum við Haffjarðará
20. júní. Þetta er allt að koma, sum-
arið verður gott,“ sagði Einar.
Veiðar hófust einnig í Blöndu
sama morgun og í Norðurá og var
einn lax kominn á land skömmu eft-
ir að veiðimenn á bökkum Norður-
ár voru byrjaðir að fá‘ann. Veiði-
árnar opna síðan hver af annarri á
næstunni. Þverá og Kjarará og síð-
an Laxá í Leirársveit og Grímsá.
,,Við erum búnir að sjá laxa í Laxá
og það fyrir nokkru síðan,“ sagði
Haukur Geir Garðarsson er við
spurðum um útlitið í Leirársveit-
inni. Þar verður opnað á þjóðhátíð-
ardaginn 17. júní.
mm/gb /Ljósm. G.Bender.
Einar Sigfússon setti í fyrsta lax sumarsins í Norðurá.
Vaðandi byrjun í Norðurá á fyrsta veiðidegi sumarsins
Bubbi, Einar og Björgvin á bökkum Norðurár á föstudagsmorgun. Skömmu síðar
byrjuðu þeir veiðar og voru snöggir að setja í fisk.
Framhlið hótelsins. Veggurinn
sem skagar fram verður klæddur
stuðlabergi að utan líkt og að innan.
Hótel Húsafell verður opnað eftir rúman mánuð
Unnar Bergþórsson hótelstjóri.
Hleðsluveggir Unnsteins Elíassonar
eru áberandi á hótellóðinni sem og
listaverk Páls Guðmundssonar á
Húsafelli. Þessu tvennu er jafnvel
blandað saman eins og hér má sjá.
Stuðlabergsveggurinn sem er eitt af einkennum hins nýja hótels. Stórir gluggar
tryggja gott útsýni yfir nágrennið.
Opna svæðið á hótellóðinni ofanverðri sem Unnar sér fyrir sér sem nokkurs konar
lystigarð. Fjölmörg handtök eru enn eftir við bygginguna, en iðnaðarmenn sem
blaðamaður ræddi við fyrir helgi eru þó bjartsýnir á að allt klárist í tæka tíð.