Skessuhorn - 29.07.2015, Page 14

MIÐVIKUDAGUR 29. JÚLÍ 201514
Það var hátíðleg stund síðdegis á
fimmtudag þegar nýsmíðin Stakk-
hamar SH 220 kom til heimahafnar
í Rifi. Stakkhamar lagði af stað frá
Siglufirði á miðvikudag en hann var
smíðaður hjá bátasmiðjunni Siglu-
fjarðar Seigur þar í bæ. Stakkhamar
er óneitanlega glæsilegt fley. Bátur-
inn er 14,9 metrar á lengd og mælist
29 brúttótonn. Hann er sérhann-
aður til línuveiða með beitningavél
og verður með 18 – 19.000 króka
á rekkum. Pláss er fyrir 22 fiskikör
í lest.
Leysir af tvo báta
Smíði bátsins hefur staðið yfir í
rúmt ár. Hann er bæði sá fyrsti sinn-
ar gerðar og sá stærsti sem Siglu-
fjarðar Seigur hefur smíðað. „Þetta
er fyrsti báturinn sem þeir smíða
á af þessari stærð hjá Siglufjarðar
Seig á Siglufirði. Þeir hafa afgreitt
marga báta sem eru minni. Skrokk-
urinn er steyptur af Seiglu á Akur-
eyri en síðan gengið frá smíðinni á
Siglufirði. Við kusum að kaupa bát-
inn hjá Siglufjarðar Seig því okkur
leist vel á vinnubrögðin hjá þeim.
Það er líka gott að koma á framfæri
sérstökum óskum hjá þeim varð-
andi ýmislegt í hönnun og fyrir-
komulagi um borð eins og við vilj-
um hafa það,“ segir Halldór Krist-
insson útgerðarstjóri hjá Kristni
J. Friðþjófssyni ehf. sem gerir út
Stakkhamar.
Halldór segir að hinn nýi Stakk-
hamar leysi í reynd af tvo báta sem
útgerðin hefur átt í hinu svokall-
aða krókakerfi fyrir smábáta. „Það
voru Sæhamar og eldri Stakkhamar
sem við áttum áður en við réðumst
í kaup á þessum nýja núna. Það er
búið að selja þann Stakkhamar til
Hólmavíkur. Við höldum enn Sæ-
hamri eftir en nú verður hætt að
gera hann út til þorskveiða. Hugs-
anlega verður hann einnig seldur.“
Líst afar vel á nýja
Stakkhamar
Ákvörðun var tekin um að ráðast
í breytingar á bátaflota fyrirtækis-
ins á síðasta ári. „Til viðbótar við
Sæhamar og Stakkhamar sem báð-
ir eru krókabátar þá gerum við út
fiskibátinn Hamar. Hann var alltaf
á línuveiðum með bölum en í fyrra
létum við setja línubeitningavél í
hann. Í framhaldi af því var ákveðið
að fara af stað í þetta ferli, að kaupa
nýjan beitingavélabát sem yrði þá í
þessu svokallaða krókakerfi. Það er
nýi Stakkhamar sem við vorum að
fá afhentan núna.“
Halldór segir að sér lítist ákaf-
lega vel á nýja bátinn. Hann var
sjálfur um borð þegar Stakkhamri
var siglt frá Siglufirði í Rif. Allt
reyndist eins og best varð á kos-
ið. „Það má hrósa þeim á Siglu-
firði fyrir mjög falleg og góð vinnu-
brögð. Allur búnaður og uppsetn-
ing á honum hér um borð er til fyr-
irmyndar. Stakkhamri verður fyrst
of fremst haldið til veiða frá Rifi og
aflanum landað til vinnslu hjá okk-
ur í Sjávariðjunni. Það eru fjór-
ir menn í áhöfn. Skipstjóri verður
Björn Heiðar Björnsson en hann
var áður með þann Stakkhamar sem
var á undan þessum. Sigurbjörn
Hansson verður yfirvélstjóri og Jó-
hannes Stefánsson annar vélstjóri.
Stýrimaður er Hreinn Jónsson. Það
er ágæt aðstaða fyrir áhöfnina og
tveir tveggja manna klefar,“ segir
Halldór Kristinsson útgerðarstjóri.
Hinn nýi Stakkhamar heldur í sína
fyrstu veiðiferð strax eftir verslun-
armannahelgi. mþh/ljósm. af.
Nýr Stakkhamar kominn heim í Rif
Stakkhamar kemur til hafnar í Rifi fyrsta sinni.
Útgerð Stakkhamars er fjölskyldufyrirtæki í eigu hjónanna Kristins Jóns Friðþjófssonar og Þorbjargar Alexandersdóttur og
barna þeirra. Hér eru þau hjón lengst til vinstri ásamt nokkrum barna sinna og barnabarna um borð í Stakkhamri við komu
bátsins í Rif á fimmtudag. Halldór sonur þeirra Kristins og Þorbjargar er útgerðarstjóri og stendur lengst til hægri á myndinni. Kristinn Jón Friðþjófsson útgerðarmaður í skipstjórasæti nýja bátsins.
Björn Heiðar Björnsson verður skipstjóri á Stakkhamri.
Sigurbjörn Hansson vélstjóri í ríki sínu. Stakkhamar bundinn fyrsta sinni við bryggju í heimahöfn sinni í Rifi.