Skessuhorn - 19.08.2015, Page 39

MIÐVIKUDAGUR 19. ÁGÚST 2015 39
Eimskip | Korngörðum 2 | 104 Reykjavík | Sími 525 7000 | www.ebox.is
eBOX er ný, þægileg og einföld lausn til að flytja minni sendingar
frá Evrópu til Íslands. Á ebox.is er reiknivél sem segir þér á
augabragði hver flutningskostnaðurinn er. Traust og áreiðanlegt
leiðakerfi Eimskips á Norður-Atlantshafi tryggir að sendingin þín
kemur heim með fyrstu ferð. Auðvelt og fljótlegt.
auðveldar smásendingar
Í STÓRUM SKIPUM RÚMAST LÍKA
SMÆRRI SENDINGAR
������� ���������
� e���.��
F
ÍT
O
N
/
S
ÍA
Meistaramót Íslands í frjálsum íþróttum 15
– 22 ára fór fram á Sauðárkróki um síðustu
helgi. UMSB sendi að þessu sinni fjóra kepp-
endur sem allir stóðu sig vel. Hæst bar árangur
Arnars Smára Bjarnasonar í flokki 15 ára sem
gerði sér lítið fyrir og sigraði í 100 m hlaupinu
á nýju mótsmeti 11,65 sek sem jafnframt er
Borgarfjarðarmet og bætti hann gamla met-
ið um rúma hálfa sekúndu en gamla metið var
12,17 sek. Arnar Smári varð síðan í öðru sæti í
hástökki, í 3. sæti í langstökki, 4. sæti í 100m
grindarhlaupi og 4. sæti í 200m hlaupinu.
Árni Hrafn Hafsteinsson keppti einnig í flokki
15 ára. Hann varð í 6. sæti í spjótkastinu á nýju
persónulegu meti 37,74 metra. Árni Hrafn
keppti einnig í hástökki, kúluvarpi og kringlu-
kasti og var oft nálægt því að bæta sig.
Grímur Bjarndal Einarsson keppti í flokki 16
– 17 ára og varð í 2. sæti í þrístökkinu með
stökk uppá 12,25 metra og varð síðan í 4. sæti
í 110m grindarhlaupinu á tímanum 17,17 sek-
úndum.
Hafrún Birta Hafliðadóttir bætti sinn persónu-
lega árangur í kringlukasti þegar hún kastaði
15,93 metra. Einnig keppti hún í 100m hlaupi,
200m hlaupi og 100m grindarhlaupi og stóð
sig vel þrátt fyrir að ná ekki að bæta sig að
þessu sinni.
Síðasta mót sumarsins verður svo um næstu
helgi að Laugum í Þingeyjarsýslu þegar bik-
arkeppni 15 ára og yngri fer fram. SamVest
mun senda sameiginlegt lið til leiks og gam-
an verður að sjá hvernig það mun ganga. bþt
ÍA mætti Breiðabliki í 16. umferð
úrvalsdeildar karla í knattspyrnu á
Kópavogsvelli síðastliðið mánudags-
kvöld. Viðureign liðanna á Akranes-
velli fyrr í sumar lauk með 0-1 sigri
Breiðabliks og fyrir leikinn í gær voru
Skagamenn í níunda sæti deildarinn-
ar en Blikar í því þriðja. Leikmenn
Breiðabliks réðu lögum og lofum á
vellinum í fyrri hálfleik og sóttu stíft.
Þeir brenndu hins vegar ítrekað af í
ákjósanlegum færum. Allra besta fær-
ið fékk Ellert Hreinsson á 34. mín-
útu. Höskuldur Gunnlaugsson átti þá
frábæra fyrirgjöf, beint á Ellert sem
skaut boltanum yfir markið af eins
metra færi eða svo. Aðeins þremur
mínútum síðar náðu Blikar skalla að
marki eftir hornspyrnu en Árni Snær
varði meistaralega í marki Skaga-
manna. Þegar flautað var til hálfleiks
hafði hvorugu liðinu tekist að skora
þrátt fyrir þunga sókn heimamanna.
En eitthvað varð undan að láta.
Síðari hálfleikur var aðeins tveggja
mínútna gamall þegar Jonathan
Glenn kom Breiðabliki yfir. Arn-
ór Sveinn Aðalsteinsson sendi góða
fyrirgjöf fyrir mark Skagamanna þar
sem Glenn kom aðvífandi og skallaði
boltann í netið.
Eftir markið lifnaði yfir leik ÍA liðs-
ins og þeir sköpuðu sér nokkur sæmi-
leg færi. Breiðablik var þó sterkara
liðið á vellinum. Guðjón Pétur Lýðs-
son hefði getað aukið forystu þeirra á
63. mínútu en skot hans úr vítateign-
um varði Árni Snær glæsilega.
Á 83. mínútu gerðist það hins veg-
ar að Skagamenn jöfnuðu gegn gangi
leiksins. Jón Vilhelm Ákason hafði þá
boltann hægra megin í vítateignum,
lagði hann út fyrir miðjan teig þar
sem Albert Hafsteinsson kom á ferð-
inni og lagði hann snyrtilega í mark-
hornið.
Dramatíkin átti enn eftir að aukast í
Kópavoginum því á 88. mínútu skor-
aði Jonathan Glenn sitt annað mark
og kom Breiðabliki aftur yfir. Þegar
komið var fram í uppbótartíma fengu
Skagamenn hornspyrnu. Allt liðið
var sent í vítateig Blika, Árni Snær
markvörður þar með talinn. Horn-
spyrnan fór hins vegar forgörðum,
boltinn barst á títtnefndan Jonathan
Glenn sem geystist upp allan völlinn
og skoraði í autt markið. Lokatölur á
Kópavogsvelli 3-1, Breiðabliki í vil.
Úrslitin þýða að Skagamenn sitja í
níunda sæti deildarinnar með 17 stig
eftir 16 leiki. Næst mæta þeir Fjölni
á Akranesvelli mánudaginn 24. ágúst
og verður sá leikur í beinni textalýs-
ingu á vef Skessuhorns.
kgk
Dagana 21. til 23. ágúst fer á Laugarvatni
fram úrtökumót KSÍ fyrir drengi og hefur
Freyr Sverrisson
umsjón með
mótinu. Það er
fyrir efnilega
leikmenn sem
fæddir eru árið
2000. Greini-
legt er að mjög
gott yngri-
f l o k k a s t a r f
fer víða fram.
Meðal annars í
Snæfellsbæ og
á Akranesi. Í ár
fara tveir liðsmenn Víkings Ó á mótið, þeir
Ívar Reynir Antonsson og Sumarliði Krist-
mundsson. Frá ÍA fara síðan þrír, þeir Ísak
Máni Sævarsson, Þór Lónenz Þórðarson og
Sigurður Hrannar Þorsteinsson. mm
Leikmenn toppliðs Víkings Ólafsvík
heimsóttu botnlið BÍ/Bolungarvík-
ur í 16. umferð fyrstu deildar karla í
knattspyrnu síðastliðinn föstudag.
Strax á fimmtu mínútu leiksins kom-
ust Víkingar yfir eftir mistök í vörn
heimamanna. Varnarmaður sendi
boltann beint á Hrvoje Tokic sem
fór framhjá markverðinum og lagði
boltann í autt markið. Aðeins tveim-
ur mínútum síðar skoraði Hrvoje
sitt annað mark. Hann fékk boltann
í vítateig BÍ/Bolungarvíkur og lagði
hann snyrtilega framhjá markverð-
inum. Staðan orðin 0-2 og ekki tíu
mínútur liðnar af leiknum. Gestirn-
ir héldu uppteknum hætti og juku
forustuna í þrjú mörk á 19. mínútu.
Alfreð Már Hjaltalín átti skalla sem
bjargað var á marklínu. Boltinn barst
út á kant og var sendur aftur fyr-
ir markið. Aftur átti Alfreð skalla og
nú hafnaði boltinn í netinu. Víking-
ar fengu vítaspyrnu á 42. mínútu eft-
ir að William Dominguez var felldur
í teignum. Hrvoje steig á punktinn
og skoraði af öryggi. Staðan í hálfleik
0-4, Víkingi í vil og Hrvoje kominn
með þrennu. Hann var svo aftur á
ferðinni á 53. mínútu. Alfreð átti þá
góðan sprett upp kantinn, lék á varn-
armann BÍ/Bolungarvíkur, renndi
boltanum fyrir markið á Hrvoje sem
skoraði sitt fjórða mark.
Heimamenn sóttu aðeins í sig
veðrið næstu mínúturnar og minnk-
uðu muninn á 71. mínútu þegar Loic
Cédric Mbang Ondo skoraði með
skalla eftir hornspyrnu. Það var hins
vegar full seint í rassinn gripið fyr-
ir heimamenn. Fleiri mörk voru ekki
skoruð í leiknum og lokatölur á Torf-
nesvelli 1-5, Víkingi í vil.
Eftir leikinn eru Víkingar í topp-
sæti deildarinnar með 38 stig eftir 16
leiki, tveimur stigum á undan Þrótti
R. Í næstu umferð bjóða þeir leik-
menn HK velkomna á Ólafsvíkurvöll
þriðjudaginn 18. ágúst. kgk
Þremur leikjum sem spila átti í
Pepsídeild karla í knattspyrnu
hefur verið seinkað um einn
dag. Verða þeir ekki leiknir
sunnudaginn 23. ágúst, held-
ur mánudaginn 24. ágúst. KSÍ hefur þann-
ig samþykkt að allir leikir 17. umferðar fari
fram sama daginn. Meðal þeirra leikja sem
færðir voru aftur er viðureign ÍA og Fjölnis á
Akranesvelli. Þetta verður sjötta umferðin í
Pepsideildinni í sumar sem fer fram á sama
degi en það gerðist síðast í 14. umferðinni 5.
ágúst sem var fyrsta umferð eftir Verslunar-
mannahelgi. mm
Undir mánaðamót gengu forsvars-
menn körfuknattleiksdeildar Skalla-
gríms frá samningum við spænska
þjálfarann Manuel A. Rodriguez
um þjálfun meistaraflokks kvenna á
komandi leiktíð. Mun hann mynda
þjálfarateymi liðsins, sem leikur í
1. deildinni í vetur, ásamt Signýju
Hermannsdóttur, en Signý mun
jafnframt leika með liðinu eftir að
hafa ákveðið að taka skóna af hill-
unni eins og Skessuhorn greindi frá
fyrr í sumar.
Manuel er 35 ára gamall og hefur
mikla reynslu af þjálfun kvennaliða.
Hann hefur meðal annars gegnt
stöðu aðstoðarþjálfara í spænsku
úrvalsdeildinni og stýrt liði í Euro-
league, sem er sterkasta keppni evr-
ópskra félagsliða. Auk þess hef-
ur hann þjálfað háskólalið í heima-
landi sínu með prýðilegum árangri
og starfað að þjálfun yngri lands-
liða Spánar. Síðast stýrði hann liði
Solna Vikings í sænsku úrvalsdeild-
inni. kgk
Bakvörðurinn Hafþór Ingi Gunn-
arsson hefur ákveðið að taka körfu-
boltaskóna af hillunni og leika með
liði Skallagríms í 1. deild karla í
körfuknattleik í vetur. Samhliða því
mun hann áfram gegna stöðu að-
stoðarþjálfara, eins og hann hef-
ur gert undanfarið. Hafþór, oftast
kallaður Haffi, á að baki á fjórða
hundrað leiki á 16 ára meistara-
flokksferli sínum. Flesta þeirra fyr-
ir uppeldisfélag sitt Skallagrím, en
einnig fjögur keppnistímabil með
Snæfelli. Þar lék hann einmitt síð-
ast, veturinn 2013-14, en varð að
leggja skóna á hilluna að því loknu
vegna hnémeiðsla. Haft er eft-
ir Hafþóri í frétt á vef Skallagríms
að nú sé hnéð í fínu standi og hann
ætli því að taka slaginn með liðinu í
1. deildinni í vetur.
„Ljóst er að endurkoma Haffa
í liðið er gríðarlegur fengur fyrir
Skallagrím. Haffi kemur með miklar
reynslu í farteskinu sem mun nýtast
vel ungu liði Borgnesinga í átökun-
um í vetur,“ segir á vef Skallagríms.
Borgnesingar hafa bætt við
hópinn víðar en í bakvarðarstöð-
una. Um mánaðamótin var greint
frá því að félagið hefði gengið frá
samningi við bahameyska fram-
herjann J.R. Cadot um að leika
með félaginu í vetur. Cadot er 28
ára gamall, 196cm á hæð og lék
með Texas Christian University í
bandaríska háskólaboltanum. Að
útskrift lokinni árið 2012 hefur
hann leikið sem atvinnumaður á
Nýja-Sjálandi og Slóvakíu þar sem
hann skoraði að meðaltali 17 stig
í leik, tók sex fráköst og gaf þrjár
stoðsendingar.
Á vef Skallagríms er haft eft-
ir Finni Jónssyni þjálfara að Ca-
dot sé alhliða leikmaður sem bæði
geti leikið undir körfunni og utan
teigs. Hann sé öflugur varnar-
maður og muni styrkja varnarleik
Skallagríms. Miklar væntingar séu
því bundnar við leikmanninn, en
hann er væntanlegur í Borgarnes í
byrjun september.
kgk
Króatíski framherjinn Hrvoje Tokic
skoraði fjögur mörk fyrir Víking Ó. í
stórsigri liðsins á BÍ/Bolungarvík á
föstudaginn var.
Hrvoje Tokic með fernu
í stórsigri Víkinga
Dramatík á Kópavogsvelli
Manuel A. Rodriguez tók nýverið við stöðu þjálfara kvennalið Skallagríms og mun
stýra liðinu á komandi keppnistímabili. Ljósm. fengin af heimasíðu Skallagríms.
Manuel A. Rodriguez þjálfar
kvennalið Skallagríms
Hafþór Ingi Gunnarsson hefur tekið skóna fram af hillunni og hyggst leika með
Skallagrími í 1. deild karla í körfuknattleik í vetur. Hann skrifaði undir samning
þess efnis við liðið í síðustu viku. Ljósm. fengin af heimasíðu Skallagríms.
Skallagrímsmenn styrkja lið
sitt fyrir komandi tímabil
Fara á æfingamót
Ívar Reynir og
Sumarliði fara frá
Víkingi Ó ásamt
þremur piltum af
Akranesi.
Arnar Smári
Íslandsmeistari
Arnar Smári Bjarnason náði
bestum árangri Borgfirðinga á
mótinu.
Leikur
færður aftur