Skessuhorn - 02.03.2016, Blaðsíða 4

MIÐVIKUDAGUR 2. MARS 20164
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.700 krónur með vsk. á mánuði. Elli- og örorkulífeyrisþegar greiða
kr. 2.340. Rafræn áskrift kostar 2.120 kr. Rafræn áskrift til elli- og örorkulífeyrisþega er 1.960 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Auglýsingar og dreifing:
Lísbet Sigurðardóttir lisbet@skessuhorn.is
Valdimar Björgvinsson valdimar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Þórarinn Ingi Tómasson toti@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Haframjöl eða hrísgrjón?
Ég viðurkenni fúslega að það hefur af og til þyrmt yfir mig síðustu daga.
Fréttir af stjarnfræðilegri afkomu íslenskra fyrirtækja á fákeppnismarkaði
hafa verið yfirþyrmandi. Þó tek ég fram að ég er að sjálfsögðu fylgjandi því
að fyrirtæki séu rekin með eðlilegum hagnaði og góðri ávöxtun eigin fjár.
En þau dæmi sem ég hef heyrt og séð flokkast ekki undir neitt sem talist
gæti eðlilegt. Þessar fréttir hafa fært okkur sönnun þess að gæðum okkar er
misskipt með vilja stórnvalda sem virðast ekki hafa dug eða áhuga á að jafna
lífskjörin í landinu. Á sama tíma og margir líða skort þá er einhvers konar
gullæði runnið á lítinn hóp landsmanna alveg á nákvæmlega sama hátt og í
aðdraganda síðasta hruns. Tökum nokkur dæmi:
Eitt stærsta sjávarútvegsfyrirtæki landsins skilar 20% hagnaði af veltu,
ein af hverjum fimm krónum sem aflað er rennur í vasa eigenda sem fá
gegn hóflegu gjaldi aðgang að óveiddum fiski í sjónum. Viðskiptabank-
arnir þrír skila 108 milljörðum í hagnað eftir málamynda skattlagningu.
Af hverju er landsmönnum ekki skilað til baka hluta af þeim fórnarkostn-
aði sem þeir tóku á sig til að þessir blessuðu bankar voru endurreistir eftir
hrun? Seðlabanki stendur í skjóli stjórnvalda fyrir verðtryggðri okurvaxta-
stefnu sem hvergi í heiminum á sér hliðstæðu og það er hreinlega níðst á
skuldsettum almenningi og fyrirtækjum. Nú ætlar tryggingafélag að greiða
út fimm milljarða í arð, af tveggja milljarða hagnaði, hvernig sem það nú
er hægt! Þrátt fyrir að hafa í nóvember orðið að hækka iðgjöld trygginga
vegna meints taprekstrar! Svo má minna á að „réttir“ vinir innan kerfisins
fengu Borgun keypta án undangenginnar auglýsingar út úr banka í þjóð-
areign. Eftir nokkrar vikur voru þeir búnir að græða marga milljarða. Ís-
landsbankafólk er farið að skaffa sér bónusa eins og enginn væri morgun-
dagurinn. Hreyfing launafólks berst fyrir því að hækka iðgjöld í lífeyrissjóði
fremur en að berjast fyrir bættum kjörum launafólks í nútíð og nánustu
framtíð. Þetta er einungis hluti af ástæðu þess að mér er ekki skemmt.
Meðan á þessu gengur stendur fólk álútt í biðröðum í fákeppnisfyrirtækj-
um matvörumarkaðanna með sorgarsvip af því það á ekki fyrir mat. Það
þarf að velja hvort keyptur er haframjölspakki eða hrísgrjónapoki af því
launin eru uppurin fyrir miðjan mánuðinn. Á þeirri sömu stundu er fjár-
svelti heilbrigðisstofnana með þeim hætti að við erum farin að tapa manns-
lífum sem hægt væri að bjarga ef vilji stjórnvalda lægi í þá átt að bæta á ný
hið laskaða heilbrigðiskerfi. Af hverju eru þingmenn ekki að afgreiða neyð-
arlög sem jafnað gætu lífskjör fólks við þessar aðstæður með því að skatt-
leggja þá sem eru að hirða af fólki ráðstöfunarféð?
Af hverju eru fjölmiðlar ekki að fjalla um þau bágu kjör sem þorri al-
mennings býr við? Af hverju eru þeir að skrifa fréttir á borð við að fjár-
málaráðherrann hafi fengið gubbupest í flugvél á leið á ráðstefnu í fjarlægu
landi? Eða hinar endalausu fréttir um meint innbyrðis átök í röðum flokks
Pírata sem á einungis þrjá þingmenn úti í skammarkrók Alþingis og hafa
ekkert vægi? Jú, ég veit ástæðuna. Þeir sem eiga fjölmiðlana sem um ræðir,
og stýra umfjöllun sem þar fer fram, hafa einmitt hag af því að ekki sé verið
að skrifa um raunveruleg hagsmunamál almennings og að ekki verði hrófl-
að við stjórnvöldum sem verja óbreytt ástand og græðgisvæðingu á kostn-
að alþýðu. Þeir stýra því að hið fjórða vald er fyrir löngu hætt að virka af
því „réttu“ peningamennirnir eru búnir að kaupa upp (með góðu eða illu)
alla þessa fjölmiðla. Verkalýðsforystan er upptekin af því að taka þátt í ból-
unni, vill umfram allt auka hlut lífeyrissjóða í hlutabréfasafni fákeppnisfyr-
irtækja, til að þau geti haldið áfram í skjóli arðsemiskröfu að svína á eig-
endum sínum, fólkinu í landinu. Og þá er fokið í flest skjól. Hafi einhverju
sinni verið forsendurbrestur hér á landi, þá grunar mig að hann hafi aldrei
verið meiri en einmitt nú.
Magnús Magnússon.
Daníelslundur er ein af fjölmörg-
um auðlindum í Borgarbyggð.
Daníelslundur er „Opinn skógur“
í eigu Skógræktarfélags Borgar-
fjarðar. Fjölmargir ganga um skóg-
inn sér til yndisauka á öllum tímum
árs. Göngustígar hafa verið lagðir
um skóginn þannig að auðvelt er
að fara um svæðið. Við bílastæðin
hefur verið komið upp útigrillum
sem vegfarendur hafa getað notað.
Á haustin er mikið af sveppum sem
fólk er áfjáð í að tína.
Undanfarið hefur verktaki á veg-
um Skógræktarfélags Borgarfjarð-
ar unnið við grisjun í Daníelsl-
undi. Að sögn Gísla Karels Hall-
dórssonar hjá Skógræktarfélaginu
er grisjunarviðurinn verðmætur
og skilar sala á honum Skógrækt-
arfélagi Borgarfjarðar tekjum upp
í kostnað. „Eftir grisjun verður
meira rými fyrir þau tré sem eft-
ir standa. Það verður betri vöxtur
í trjánum og við fáum verðmæt-
ari við þegar trén verða felld eftir
nokkra áratugi,“ segir Gísli Karel
sem sendi Skessuhorni þessa mynd
til birtingar.
mm
Auðlindin í Daníelslundi
Freysteinn Jóhannsson blaðamað-
ur fékk í síðustu viku afhent gull-
merki Blaðamannafélags Íslands,
en þau hljóta blaðamenn sem starf-
að hafa í fjóra áratugi við greinina.
Það var Hjálmar Jónsson formað-
ur BÍ sem gerði sér ferð á Akranes,
þar sem Freysteinn býr, og afhenti
honum merkið. Hópur blaðamanna
fékk gullmerkið afhent við hátíðlega
athöfn fyrr í mánuðinum, en Frey-
steinn átti ekki heimangengt. Auk
Freysteins voru eftirtaldir blaða-
menn sæmdir gullmerkinu: Sig-
tryggur Sigtryggsson, Gunnar V.
Andrésson, Sigurdór Sigurdórsson,
Sigmundur Ó. Steinarsson, Þröst-
ur Haraldsson, Arnór G. Ragnars-
son, Árni Jörgensen og Ágúst Ingi
Jónsson.
Þar sem þeir félagar Freysteinn og
Hjálmar eru fyrrum samstarfsmenn
á Morgunblaðinu þótti Hjálmari
upplagt að heimsækja félaga sinn
upp á Akranes. Freysteinn starfaði
við blaðamennsku í meira en fjóra
áratugi. Lengst var hann á Morg-
unblaðinu sem fréttastjóri en átti
einnig viðdvöl á Alþýðublaðinu og
Tímanum. Á Morgunblaðinu stýrði
hann innlendum fréttum en menn
í slíkum stöðum verða vel kunnug-
ir landinu og íbúum þess. Ritstjóri
Skessuhorns var viðstaddur þessa
litlu og látlausu athöfn og þáði kaffi-
veitingar með þessum herramönn-
um en Freysteinn dvelur nú á dval-
ar- og hjúkrunarheimlinu Höfða.
Við kaffiborðið var ýmislegt rifjað
upp frá löngum og farsælum blaða-
mannsferli Freysteins Jóhannsson-
ar.
mm
Fékk gullmerki Blaðamannafélags Íslands
Hjálmar Jónsson formaður BÍ afhenti Freysteini gullmerkið ásamt blómvendi og
innrömmuðu skjali.
Eftir að Rauði krossinn beitti sér
fyrir námskeiði á Akranesi fyr-
ir sjálfboðaliða í neyðarvörnum
barst Verkalýðsfélagi Akraness
ábending um að bæinn vantaði
svokallaða neyðarvarnakerru eða
fjöldahjálparkerru. Frá þessu var
sagt á heimasíðu VLFA í síðustu
viku. Svona kerrur innihalda með-
al annars 30 hermannabedda, 60
teppi, neyðarmat, skriffæri, merk-
ingar, ljósavél og annan búnað
sem nauðsynlegur er til að hægt
sé að setja upp fjöldahjálparstöð
fyrir 30 manns í einn sólarhring.
Getur slíkt skipt sköpum ef kem-
ur til rýmingar, hópslysa, náttúru-
hamfara eða annarra stóráfalla.
Kostar kerran eina og hálfa millj-
ón króna.
Eftir að ábendingin barst ákvað
stjórn verkalýðsfélagsins að styrkja
söfnunina um 200 þúsund krón-
ur en einnig var ákveðið að leita
aðstoðar við söfnunina. Sendi
Vilhjálmur Birgisson formað-
ur félagsins stjórnendum Elkem,
Norðuráls, HB Granda, Faxa-
flóahafna auk Akraneskaupstað-
ar erindi og óskaði eftir að þessu
samfélagsverkefni yrði lagt lið.
„Það er skemmst frá því að segja
að það tók þessa aðila ekki lang-
an tíma að svara kalli Verkalýðs-
félags Akraness um að leggja þessu
brýna verkefni lið og voru allir til-
búnir til að leggja í púkkið til að
hægt væri að kaupa þessa neyð-
arvarnakerru. Þessu til viðbótar
hafði Slysavarnardeildin Líf sam-
band og óskaði einnig eftir að fá
að styrkja þetta verkefni,“ segir
Vilhjálmur Birgisson.
Kerran hefur þegar verið pönt-
uð frá Þýskalandi og er væntanleg
til afhendingar hjá Rauða krossin-
um á Akranesi á vormánuðum, en
endanleg dagsetning hefur ekki
verið gefin út enn. „Það er afar
ánægjulegt hversu vel gekk að fjár-
magna þetta verkefni og þetta sýn-
ir svo ekki verður um villst hversu
mikilvægt það er fyrir hvert sveit-
arfélag að hafa öflug fyrirtæki inn-
an sinna vébanda sem eru tilbúin
til að leggja brýnum samfélagsleg-
um verkefnum lið þegar eftir því
er leitað,“ segir Vilhjálmur. „Fé-
lagið vill ítreka þakklæti sitt til
þeirra sem lögðu þessu málefni
lið því það er hverju sveitarfélagi
mikilvægt að hafa góða almanna-
varnaumgjörð því alltaf getum við
átt von á því að einhverjar ham-
farir eða slys eigi sér stað þar sem
grípa þarf til slíks neyðarbúnaðar
eins og verður í umræddri neyðar-
varnakerru.“ kgk
Söfnun VLFA fyrir neyðarvarnakerru
bar skjótan árangur
Neyðarvarnakerrur láta ekki mikið
yfir sér en innihalda allan búnað sem
nauðsynlegur er til að setja upp
fjöldahjálparstöð í einn sólarhring. Á
myndinni má sjá ofan í sambærilega
kerru sem afhent var í Borgarnesi 11.
febrúar síðastliðinn.