Skessuhorn - 13.04.2016, Blaðsíða 12
MIÐVIKUDAGUR 13. APRÍL 201612
Fyrirmyndardagurinn var hald-
inn á vegum Vinnumálastofnunar
í þriðja skipti 8. apríl síðastliðinn.
Markmið dagsins er að bjóða at-
vinnuleitendum með skerta starfs-
getu tækifæri til að vera gestastarfs-
menn í fyrirtækjum og stofnunum í
einn dag eða hluta úr degi og kynn-
ast þannig hinum ýmsu störfum.
Um leið fá forsvarsmenn fyrirtækja
tækifæri til að kynnast einstakling-
um með skerta starfsgetu.
Í Stykkishólmi tóku þrjú fyrir-
tæki þátt í Fyrirmyndardeginum
í samstarfi við Ásbyrgi, dagþjón-
ustu fyrir fullorðna fatlaða einstak-
linga. St.Franciskusspítalinn tók á
móti þremur gestastarfsmönnum
og kynnti þá fyrir starfsemi spítal-
ans. Starfsmennirnir létu til sín taka
í eldhúsinu, hjálpuðu meðal annars
til við að undirbúa hádegismatinn
og baka brauð. Sæferðir fengu til
sín tvo gestastarfsmenn sem tóku
til hendinni við bryggjustörf, los-
uðu ruslatunnur og tóku á móti
Særúnu þegar hún kom í land svo
fátt eitt sé nefnt. Heimagistingin
Hólmur-inn tók einnig þátt í Fyrir-
myndardeginum og fékk til sín einn
gestastarfsmann sem fékk kynningu
á starfseminni og skemmtilega inn-
sýn í ferðamannabransann.
Í lok dags hittust allir í Ásbyrgi,
fengu sér kaffi og köku og skiptust
á reynslusögum eftir vel heppnaðan
dag. Hanna Jónsdóttir, þroskaþjálfi
í Ásbyrgi, segir daginn ekki bara
mikilvægan til að kynna fólk fyr-
ir vinnumarkaðinum heldur einnig
svo fyrirtæki átti sig á þeim mögu-
leika að taka fólk með skerta starfs-
getu á vinnusamning og kynnist því
hvernig það gengur fyrir sig. Þann-
ig stuðlar Fyrirmyndardagurinn að
fjölbreyttu samfélagi og atvinnu-
þátttöku sem flestra. jse
Fyrirmyndardagurinn
í Stykkishólmi
Hanna, Davíð Einar, Kristín og Ólafía í eldhúsi St.Franciskusspítala. Starfsmenn Ásbyrgis gæða sér á köku og kruðeríi eftir vel heppnaðan dag.
Einar Marteinn kynnti sér ferða-
mannaþjónustu.
Kristján, Helgi Jóhann og Snæbjört bjóða Særúnu velkomna í land.
Undirbúningur fyrir kvikmyndatök-
ur á amerísku stórmyndinni Fast-8
hófst í þessari viku á Sementsreitn-
um og við Akraneshöfn. Íbúar á
Akranesi hafa verið beðnir um að
aðstoða við tökur á myndinni, en
tökur hafa undanfarnar vikur far-
ið fram norður í Mývatnssveit. Það
er íslenska fyrirtækið True North
ehf. sem stendur fyrir tökunum og
hefur íbúum Akraneskaupstaðar í
nágrenni við Sementsreitinn verið
sent bréf þar sem óvenjuleg beiðni
um aðstoð kemur fram. Þar eru ná-
grannar beðnir að kveikja á sem
flestum inni- og útiljósum heima
hjá sér yfir daginn, á þeirri hlið
húsa þeirra sem snúa að Sements-
reitnum. Að sögn starfsmanna True
North hljómar þetta kannski undar-
lega en mun þó hjálpa til við gerð
myndarinnar. Er fólk beðið um að
hafa ljósin kveikt frá 11. til 20. apríl.
Að flestu öðru leyti ríkir mikil leynd
yfir verkefninu. Fram hefur komið
að Venusi NS og Víkingi AK, upp-
sjávarveiðiskipum HB Granda, var
siglt frá Akranesi til hafnar í Reykja-
vík í síðustu viku en skipin þóttu of
stór til að vera hluti af leikmynd-
inni í Akraneshöfn. Tökur eiga að
hefjast á hafnarsvæðinu á morgun,
fimmtudaginn 14. apríl og eigi að
taka tvo daga. Þá eru tveir tökudagar
ráðgerðir í Hvalfirði þar sem sam-
kvæmt heimildum Skessuhorns á að
fara fram æsilegur kappakstur.
Ákveðin hætta á ferð
Í dreifibréfinu sem sent var til ná-
granna Sementsreitsins á Akranesi
boðar True North líf og fjör í bæn-
um næstu daga. „Nú hefjast tökur
í þessari viku og þá verður mikið
líf og fjör á Akranesi.“ Fyrstu sýni-
legu áhrif var þyrluflug yfir svæð-
ið á mánudaginn, en umfangið á
eftir að aukast gríðarlega. Umferð
áhugasamra í kringum svæðið hef-
ur aukist verulega og eru marg-
ir vegfarendur á ferli, í von um að
sjá eitthvað spennandi. Áður hef-
ur verið varað við því að umferð
muni aukast á Jaðarsbraut á meðan
á tökum stendur þar sem flutninga-
bílum verði lagt í sandgryfjunni og
verður hliðið við Jaðarsbraut notað
vegna stærðar bílanna. Þá er áætl-
að að loka þurfi tímabundið fyr-
ir umferð á Faxabraut meðfram
Sementsreitnum á meðan á tökum
stendur þó að engar dagsetningar
hafi enn verið gefnar upp. „Þetta
er bara iðnaður og það er ákveð-
in hætta sem er á ferð. Hér eru alls
konar vinnuvélar að keyra fram og
til baka og við tókum eftir mikilli
umferð á mánudaginn en slíkt get-
ur skapað hættu,“ segir talsmaður
True North í samtali við Skessu-
horn. Hann ítrekar við íbúa á Akra-
nesi að vera ekki á ferð í kringum
tökusvæðið. Að öðru leyti vill fyr-
irtækið sem minnst gefa uppi um
væntanlega kvikmyndatöku enda
þarf ákveðin leynd að hvíla yfir
verkefninu eins og gengur og ger-
ist með stórmyndir af þessum toga
sem byggja afkomu sína á að fólk
mæti í kvikmyndahús. grþ
Boða líf og fjör á Akranesi næstu daga
Hrímaður rússneskur beltasnjóbíll bíður átaka næstu daga. Snjórinn á bílnum er
manngerður enda er myndin tekin á mikilli vorblíðu á Akranesi í gær.
Félagar í Björgunarfélagi Akraness standa vaktina allan sólarhringinn þar sem
þeir sjá um gæslu á tökustað. Verkefnið er umfangsmikið og mannfrekt og hafa
fjölmargir félagar í sveitinni komið að verkinu. Einnig hefur verið leitað til eldri
meðlima sem einnig hafa komið til aðstoðar.
Hópur fólks sem var á göngu-
ferð umhverfis Skorradalsvatn um
páskana sendi Skessuhorni myndir
af vinnuvélum í misjöfnu ásigkomu-
lagi sem urðu á vegi þess í friðlandi
Vatnshorns, sunnan við vatnið. „Það
var engu líkara en einhver verktak-
inn hafi farið af stað og ætlað að laga
vegslóðann inn með vatninu en lent
í einhverju brasi við þá framkvæmd,“
sagði einn úr hópnum sem ákvað að
vekja athygli á málinu. Samkvæmt
upplýsingum Skessuhorns mun vélin
hafa fests í vatninu í október í haust
og verið þar síðan, eða í hálft ár.
Eigandi vinnuvélanna er verk-
taki í Reykjavík sem á sumarbústað
í Skorradal. Sveitarstjórn Skorra-
dalshrepps fól verktakanum í fyrra
að framkvæma bætur á vegslóðan-
um sunnan við Skorradalsvatn fyr-
ir fjárveitingu sem fékkst úr styrk-
vegasjóði sem Vegagerðin ráðstafar
úr. Árni Hjörleifsson oddviti Skorra-
dalshrepps staðfesti það í samtali við
Skessuhorn að umræddur verktaki
hafi verið fenginn til að taka að sér
verkið en orðið frá að hverfa í fyrra-
haust vegna vætutíðar. Í kjölfar fréttar
á vef Skessuhorns í síðustu viku fyr-
irskipaði oddvitinn að vélin yrði tek-
in úr vatninu og var það gert á laug-
ardaginn.
mm
Búkolla í Skorradalsvatni
Í síðustu viku endurnýjuðu starfs-
menn Rarik á Vesturlandi spenni
við athafnasvæði Skipavíkur í Stykk-
ishólmi. Að sögn Björns Sverris-
sonar deildarstjóra Rarik á Vest-
urlandi er um eðlilegt viðhald að
ræða. Spennar af þessu tagi tærast
með tímanum einkum þegar þeir
eru nálægt sjó. Þessi var kominn
á síðasta snúning, að sögn Björns.
Nú var settur upp nýr spennir með
galvanvörn sem þolir seltuna mun
betur en þeir gömlu.
mm/ Ljósm. sá.
Endurnýjuðu spenni við Skipavík