Skessuhorn - 13.04.2016, Blaðsíða 20
MIÐVIKUDAGUR 13. APRÍL 201620
Félagar í Búnaðarfélagi Mýramanna
stóðu að árlegri Mýraeldahátíð síð-
astliðinn laugardag og buðu hverj-
um sem vildi að heimsækja þá og
eiga góðan dag. Stærsti hluti há-
tíðarinnar fór fram í Reiðhöllinni
Faxaborg í Borgarnesi en kvöldvaka
var síðan eftir mjaltir í félagsheim-
ilinu Lyngbrekku. Hátíð þessari
hefur stöðugt vaxið fiskur um hrygg
og nú á tíu ára afmælinu sáu bænd-
ur fram á að til bóta væri að færa
sýningarsvæðið í stærra hús. Sú til-
raun heppnaðist prýðilega. Gríðar-
legur fjöldi sótti hátíðina og er áætl-
að að vel á annað þúsund manns
hafi mætt í Faxaborg og um tvö
hundruð voru svo í Lyngbrekku um
kvöldið. Sigurjón Helgason bóndi
á Mel og formaður búnaðarfélags-
ins var afar sáttur eftir helgina þeg-
ar rætt var við hann. „Það eru all-
ir ánægðir, bæði gestir og við sem
að félaginu stöndum. Hingað kom
fjöldi fyrirtæki til að kynna vöru
og þjónustu, veðurguðirnir spiluðu
út sínum bestu trompum og gest-
ir voru með bros á vör. Ég vil nota
þetta tækifæri og koma á framfæri
kærum þökkum til allra sem lögðu
hönd á plóg að gera þessa hátíð að
veruleika. Hvort sem það voru sjálf-
boðaliðar, félagasamtök eða aðrir.
Við í búnaðarfélaginu erum glöð
og ánægð og þökkum kærlega fyrir
okkur,“ sagði Sigurjón.
Fjölmargir lýstu ánægju sinni
með daginn. Þórhildur Þorsteins-
dóttir bóndi á Brekku og formað-
ur Búnaðarsamtaka Vesturlands var
meðal gesta. Hún sagði bjart yfir
Borgarfirðinum og Mýrum. „Fyrir
hönd Búnaðarsamtaka Vesturlands
vil ég óska Búnaðarfélagi Mýra-
manna til hamingju með stórglæsi-
lega landbúnaðarsýningu; Mýra-
eldahátíð 2016. Við skulum hafa
það í huga að þetta er „lítið“ búnað-
arfélag, sem drifið er áfram af dug-
miklu fólki. Það sást glöggt í dag
hvað það er hægt að gera ef áhugi,
samvinna og mannauður fer saman
svo við tölum nú ekki um sjálfboða-
vinnuna sem fólk leggur af hendi.
Svo ljúka þeir deginum með glæsi-
legri kvöldvöku og dansleik. Það er
gaman að vera tengdur landbúnaði
á einn eða annan hátt á svona dög-
um,“ skrifaði Þórhildur í þakkar-
kveðju á facebook síðu sinni. Und-
ir þau orð hennar má sannarlega
taka.
Meðfylgjandi myndir voru teknar
í og við Faxaborg á laugardaginn og
fá hér að tala sínu máli.
mm
Mýraeldahátíð aldrei fjölmennari en á tíu ára afmælinu