Skessuhorn - 20.07.2016, Blaðsíða 30

MIÐVIKUDAGUR 20. JÚLÍ 201630
Hvað fékkstu þér
í morgunmat?
Spurning
vikunnar
(Spurt í Borgarnesi)
Edda Magnúsdóttir
Graut úr chiafræjum, bláberj-
um, möndlumjólk, bönunum og
kakónibbum.
Kristjana Jónsdóttir
Hafragraut.
Páll Sigurðsson
Ristað brauð, kaffi og hjóna-
bandssælu í eftirrétt.
Þórey Bragadóttir
Hafragraut.
Gunnar Ringsted
Jógúrt og ab-mjólk með chiaf-
ræjum, hveitikími, bláberjum,
granatepli, kakónibbum, þurrk-
uðum goji berjum og örlitlu
kornflexi.
ÍA tók á móti sterku liði Breiða-
bliks í áttundu umferð Pepsi deildar
kvenna í knattspyrnu á fimmtudag.
Liðin hafa háð sína baráttu í sum-
ar á sitt hvorum enda deildarinnar,
ÍA var fyrir leikinn á botninum en
Breiðablik á toppnum. Því var ljóst
að Skagakonur ættu erfiðan leik fyr-
ir höndum og máttu þær að lokum
sætta sig við tap, 0-3.
Blikastúlkur byrjuðu af krafti og
virtust staðráðnar í að skora snemma
leiks en Skagakonur lágu til baka og
beittu skyndisóknum. Eftir 20 mín-
útna leik munaði litlu að Hallbera
Gísladóttir skoraði gegn sínu gamla
félagi. Hún tók hornspyrnu og bolt-
inn sveigði vel inn að markinu og
virtist ætla að svífa alla leið í netið
en Ásta Vigdís Guðlaugsdóttir varði
boltann í stöngina. Gestirnir réðu
ferðinni í leiknum eftir þetta og
fengu nokkur ágæt færi en tókst ekki
að koma boltanum framhjá Ástu
Vigdísi í marki ÍA. Staðan í hálfleik
var því markalaus.
Í síðari hálfleik tók við meira af
því sama, Breiðablik sótti en ÍA
varðist. Eitthvað varð undan að láta
og Málfríður Erna Sigurðardótt-
ir kom gestunum yfir eftir smá klafs
í teignum. Skagakonur færðu sig
framar á völlinn og freistuðu þess að
jafna metin. Þær náðu ágætum kafla
og tveimur marktilraunum en mark-
vörður gestanna stóð sína plikt og
varði. Næst áttu Blikastúlkur góða
sókn og Svava Rós Guðmundsdótt-
ir komst í dauðafæri en skaut bolt-
anum yfir. Á 82. mínútu var síð-
an dæmd vítaspyrna eftir að boltinn
fór í hönd varnarmanns ÍA. Fanndís
Friðriksdóttir fór á punktinn, sendi
boltann í netið og róðurinn orð-
inn þungur fyrir Skagakonur. Fimm
mínútum síðar skoruðu gestirnir
þriðja og síðasta mark leiksins. Þar
var á ferðinni Guðrún Arnardóttir
sem potaði boltanum í netið eftir
smá atgang í vítateig ÍA. Lokatölur
á Akranesvelli 0-3, Breiðabliki í vil.
Skagakonur eru því enn í tíunda
og neðsta sæti deildarinnar með
eitt stig eftir átta leiki. Í gærkvöldi
mættu þær KR sem voru þá í 9. sæti
deildarinnar. Sá leikur var ekki haf-
inn þegar Skessuhorn fór í prent-
un en greint er frá honum á skessu-
horn.is.
kgk/ Ljósm. gbh.
Skagakonur töpuðu
fyrir toppliði Blika
Skagakonan Hallbera Gísladóttir, leikmaður Breiðabliks, fer framhjá Grétu
Stefánsdóttur og Bergdísi Fanneyju Einarsdóttur í leiknum í gær.
Ásta Vigdís Guðlaugsdóttir var valinn maður leiksins af stuðningsmönnum ÍA.
Skammt er stórra högga á
milli í tíðindum af kvennakörf-
unni í Borgarnesi. Fyrr í sumar
samdi kvennalið Skallagríms við
landsliðskonuna Sigrúnu Sjöfn
Ámundadóttur en nú hafa tvær
landsliðskonur til viðbótar bæst í
hópinn og stefnir allt í að Skalla-
grímur ætli sér að gera stóra hluti í
efstu deild næsta vetur. Landsliðs-
konurnar sem nú hafa skrifað und-
ir hjá Skallagrími eru þær Auður
Íris Ólafsdóttir og Jóhanna Björk
Sveinsdóttir sem báðar koma frá
Haukum. Auður Íris er bakvörður
fædd 1992 en Jóhanna Björk fram-
herji og fædd árið 1989. Miðherj-
inn Ragnheiður Benónýsdótt-
ir samdi einnig við Skallagrím en
hún spilaði síðast með Valskonum.
Hanna Þráinsdóttir sem spilaði á
venslasamningi með Skallagrími
í fyrra frá Haukum hefur einn-
ig skrifað undir eins árs samning
við Skallagrím. Þá hafa þær Sól-
rún Sæmundsdóttir, Guðrún Ósk
Ámundadóttir, Sigurbjörg Sigurð-
ardóttir, Arna Hrönn Ámunda-
dóttir, Kristrún Sigurjónsdótt-
ir og Gunnfríður Ólafsdóttir all-
ar skrifað undir nýjan samning við
Skallagrím.
Það verður áhugavert að fylgj-
ast með liði Skallagríms í úrvals-
deild í vetur en þær hefja leik þann
5. október í Vesturlandsslag gegn
Snæfelli.
bþb
Tvær landsliðskonur til
viðbótar til Skallagríms
Meistaraflokkur Skallagríms. Á myndina vantar Jóhönnu Björk, Sólrúnu
Sæmundsdóttur og Þórkötlu Þórarinsdóttur. Ljósm. Karfan.is
Skagakonur hafa styrkt
hópinn fyrir komandi átök
í Pepsi deild kvenna. Cat-
hrine Dyngvold er 27 ára
norskur sóknarleikmaður
sem hefur gengið til liðs við
ÍA. Hún lék síðast með liði
Kopparbergs/Göteborg í
sænsku úrvalsdeildinni.
Skagakonur sitja á botni
Pepsi deildar kvenna með
aðeins eitt stig og eitt mark
í sumar. Það hefur því vant-
að upp á mörkin og Dyng-
vold fengin til að reyna að
breyta því.
bþb
Sóknarmaður til ÍA
Þórhallur Kári Knútsson hefur
verið á lánssamningi hjá Víkingi
Ólafsvík frá Stjörnunni í sumar.
Hann hefur nú verið kallaður til
baka í Stjörnuna. Þórhallur Kári
hefur leikið ágætlega með Víkingi
í sumar og komið við sögu í öll-
um leikjum liðsins það sem af er
sumri. Brotthvarfið verður því viss
blóðtaka fyrir Víkinga.
Í samtali við mbl.is sagði Brynj-
ar Björn, aðstoðarþjálfari Stjörn-
unnar, ástæðu þess að Þórhallur
hafi verið kallaður til baka sé sú að
hópurinn hafi þynnst undanfarið
og Þórhallur muni koma til með að
auka breiddina.
bþb
Þórhallur Kári kallaður úr láni
Þórhallur Kári mun ekki leika meira með Víkingum í sumar. Hér er hann ásamt
Jónasi Gesti formanni Víkings þegar lánið var handsalað.