Skessuhorn - 11.04.2017, Side 20

ÞRIÐJUDAGUR 11. APRÍL 201720
Nú í vor hafa nemendur á ung-
lingastigi Grunnskóla Grundar-
fjarðar sést á hestbaki á reiðvegi
Grundfirðinga. Grunnskólinn hef-
ur verið með val á hverju skólaári
þar sem nemendur geta valið um
allt frá heimilisfræði til Minecraft
tölvuleiksins. Nú í ár var tilrauna-
verkefni hrundið af stað að frum-
kvæði Hesteigendafélags Grund-
arfjarðar um val í hestamennsku.
Átta nemendur taka þátt í þessu
verkefni en öll umhirða hesta er
hluti af náminu. Allt frá því að
moka skít, gefa eða ríða út. Sig-
urður Gísli Guðjónsson skóla-
stjóri var mjög ánægður hvernig
til tókst með þetta verkefni. „Skól-
inn er mjög opinn fyrir því að fara
svona út í nærumhverfið og tengj-
ast félagasamtökum og atvinnu-
lífi bæjarins,“ sagði Sigurður Gísli.
„Verkefnið hefur gengið framar
vonum og verður eflaust framhald
á því næsta vor,“ bætir hann við.
Þetta valtímabil hófst í febrúar
og verður til loka skólaársins. Það
eru fjórir frá Hesteigendafélagi
Grundarfjarðar sem sjá að mestu
um leiðsögn við unga fólkið en
það eru þau Dóra Aðalsteinsdóttir,
Heiðar Bjarnason, Ingibjörg Sig-
urðardóttir og Ólafur Tryggva-
son sem skiptast á um að leiðbeina
nemendum. Þeir komu svo úr átt-
unda, níunda og tíunda bekk og
hafa haft ótrúlega gaman að þessu.
Aðstaðan hjá Hesteigendafélaginu
er öll til fyrirmyndar hvort sem er
fyrir hesta eða menn. tfk
Læra hestamennsku í Grunnskóla Grundarfjarðar
Öll verk er viðkoma hestamennsku eru innt af hendi og þar með talið mokstur
undan hestunum. Hérna er Björg Hermannsdóttir að sinna því af mikilli kost-
gæfni.
Brynja Gná Heiðarsdóttir er hérna á fleygiferð í reiðhöllinni.
Hérna eru sjö af átta nemendum í reiðhöllinni. F.v. Brynja Gná Heiðarsdóttir, Björg
Hermannsdóttir, Ragnheiður Arnarsdóttir, Martin Máni Geirdal Kárason, Rakel
Mirra Steinarsdóttir, Freyja Líf Ragnarsdóttir og Sigurður Heiðar Valgeirsson.
Hérna eru krakkarnir ásamt Dóru Aðalsteinsdóttur og Sigurði Gísla Guðjónssyni
við félagsheimili Hesteigendafélags Grundarfjarðar.
Lokamótið í KB móta-
röðinni í hestaíþróttum
fór fram á laugardaginn í
Faxaborg. Meðfylgjandi
myndir voru teknir við
verðlaunaafhendinguna.
iss
KB mótaröðinni
er nú lokið
Lið Berserkja vann liðakeppni og hér má sjá nokkra liðsmenn þeirra taka við verðlaununum.
Fredrica
Fagerlund vann
einstaklings-
keppnina.
Halldór Sigurkarlsson og Greifi frá Söðulsholti unnu opinn flokk í
fimmgangi.
Heiður Karlsdóttir vann Barnaflokkinn í tölti og var jafnframt
stigahæsti keppandinn í barnaflokki.
Guðrún Fjeldsted og Inga Vildís Bjarnadóttir börðust hart í tölti 2.
flokki.