Skessuhorn - 11.04.2017, Síða 22

ÞRIÐJUDAGUR 11. APRÍL 201722
Eitt af því sem fylgir vorinu í
Brekkubæjarskóla á Akranesi er
árshátíðin. Hún fór fram dagana
3. - 5. apríl sl. og létu pabbar og
mömmur, afar og ömmur, frændur
og frænkur sig ekki vanta frekar en
venjulega. Atriðin voru fjölbreytt
og komu allir nemendur í 1. – 6.
bekk fram. Hefð er fyrir ljóðalestri
nemenda í 7. bekk og svo er allt-
af stór hópur unglinga sem einn-
ig kemur fram auk þess að sjá um
allt sem þarf til þess að svona sýn-
ingar verði að veruleika. Atriðin
voru tengd saman með persónum
úr Galdrakarlinum í Oz sem voru
á leið á árshátíðina.
Ekki var annað að sjá og heyra
en að flestir hafi skemmt sér kon-
unglega. Vilja nemendur og starfs-
fólk Brekkubæjarskóla þakka öll-
um þeim sem komu á sýningarnar
og sýndu með því þessu skemmti-
lega og lærdómsríka skólastarfi
áhuga.
Hallbera Jóhannesdóttir
Ljósm. Kolbrún Sigurðardóttir.
Árshátíð
Brekkubæjarskóla