Skessuhorn - 21.03.2018, Blaðsíða 4
MIÐVIKUDAGUR 21. MARS 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Pizza og kók
fyrir atkvæði
Í meðförum stjórnskipunarnefndar Alþingis eru nú drög að frumvarpi
sem gerir ráð fyrir lækkun kosningaaldurs til sveitarstjórna úr 18 í 16 ár.
Hljóti málið meirihluta í meðförum þingsins er stefnt að afgreiðslu þess
þannig að strax í kosningunum 26. maí í vor geti 16 ára ungmenni kos-
ið. Það vekur athygli mína að meirihluti nefndarmanna, bæði úr stjórn
og stjórnarandstöðu, stendur að nefndarálitinu. Ekki er þó gert ráð fyrir
að unglingar undir 18 ára fái kjörgengi sem þýðir að þeir geti einungis
kosið, ekki boðið sig fram.
Ekki er það mitt að dæma um hvernig þingmenn haga forgangsröðun
starfa sinna. Kannski fylgja þeir sannfæringu sinni og köllun um að setja
beri á oddinn að 16 ára unglingar geti kosið í sveitarstjórnarkosningum.
Ef ég hins vegar væri á þingi, myndi ég fremur hafa áhyggjur af að 15 ára
unglingar geti skammlaust tekið samræmd próf, sé yfir höfuð einhver
ástæða til að samræma niðurstöðu eða röðun prófa úr grunnskóla.
Í nefndaráliti sem liggur að baki tillögunni segir meðal annars að hér á
landi miðist skólaskylda við 16 ára aldur og því telji nefndin að með því
að lækka kosningaaldur jafnframt í 16 ár; „gefist skólum gott tækifæri
til að gera kosningaþátttöku sjálfsagða og eðlislæga ungmennum,“ segir
orðrétt í nefndarálitinu. Í orðanna hljóðan er þannig beinlínis verið að
hvetja til að í skólum fari fram trúboð um pólitík. Þetta er náttúrlega al-
veg baneitrað og í mínum huga út í hött að hvetja til þess að grunnskólar
komi á nokkurn hátt að því hlutverki að kenna og uppfræða um stjórn-
mál. Þá sé ég fyrir mér kosningaáróður og heilaþvott af verstu gerð sem
mun vafalítið hafa áhrif á ómótaða einstaklinga sem eru á því skeiði ævi
sinnar að vera meira að hugsa um hormóna, símana sína eða tónlist,
fremur en einhverja pólitík. Svo má ekki gleyma gylliboðunum sem auð-
velt gæti verið að falla fyrir. Hvernig hljómar til dæmis: „Tveir fyrir einn
- ef þú gefur okkur atkvæði þitt, færðu pizzu með tveimur áleggstegund-
um að auki.“ Eða: „Ef þú hleður niður appinu okkar og færð tíu fylgj-
endur við framboð okkar, lofum við tíu frímiðum í sund, ársbirgðum af
poppi og nefndarsæti í ungmennaráði að launum.“ Nei takk!
Það vill nú svo til að á heimili mínu er unglingur sem einmitt er fædd-
ur á fyrri hluta ársins og gæti því kosið í vor ef þessi „brilljant“ hugmynd
eftirlits- og stjórnskipunarnefndar Alþingis nær fram að ganga. Ég get
upplýst að minn unglingur er miklu uppteknari af því að æfa sig á píanó
og á bíl og stefnir að bílprófi næsta vetur. Uppteknari af því og ekki svo
mikið sem veltir fyrir sér hvað fjórir eða fimm stjórnmálaflokkar ætla að
lofa fyrir sveitarstjórnarkosningar í vor. Það heyrir reyndar að mínu viti
til algjörra undantekninga ef sextán ára unglingur hefur yfir höfuð hinn
minnsta áhuga á pólitík og skil ég það vel.
Með þessu er ég ekki að segja að 18 ára ungmenni hafi endilega neitt
meiri áhuga eða vilja til að kynna sér stjórnmál en þeir sem eru tveimur
árum yngri. Samt held ég að þegar komið er á framhaldsskólaaldur auk-
ist líkurnar á því að ungt fólk fari að velta þessum hlutum fyrir sér og
ræða stjórnmál sín á milli. Það gerir fólk einfaldlega af praktískri þörf.
Því segi ég; leyfum börnunum að vera börn áfram og í friði fyrir hvers-
konar áreiti af þessu tagi.
Magnús Magnússon.
Leiðari
Nú liggur fyrir að byggt verði nýtt
húsnæði undir starfsemi leikskól-
ans Hnoðrabóls í Reykholtsdal og
stefnir byggðarráð Borgarbyggð-
ar á að fyrstu áfangar þess verks
verði í sumar þegar eldra húsnæði
verður rifið. Leikskólinn er nú til
húsa í fyrrum einbýlishúsi á Gríms-
stöðum, en lengi hefur verið í um-
ræðunni á vettvangi Borgarbyggðar
að færa skólann að Kleppjárnsreykj-
um. „Núverandi húsnæði á Gríms-
stöðum er orðið lélegt og það hef-
ur verið í undirbúningi í nokkur
misseri að byggja nýtt hús og færa
starfsemina,“ segir Gunnlaugur A
Júlíusson, sveitastjóri í Borgarbyggð
í samtali við Skessuhorn. Stefnt er
að því að nýr leikskóli verði byggð-
ur við grunnskólann á Kleppjárns-
reykjum.
„Annar endi grunnskólahússins á
Kleppjárnsreykjum, þar sem upphaf-
lega var íbúð, er orðin gamall og lú-
inn og er hugmynd um að rífa hann
og byggja leikskóla á lóðinni,“ segir
Gunnlaugur. Aðspurður hvenær gera
megi ráð fyrir að framkvæmdir gætu
hafist vill Gunnlaugur ekki gefa upp
ákveðinn tímaramma. „Byggingar-
nefnd hefur verið að vinna að þessu
verkefni, ákveða stærð og staðsetn-
ingu skólahúss. Nú á eftir að útfæra
lagnir og innri hönnun en það mun
allt taka sinn tíma,“ svarar hann og
bætir við að gert sé ráð fyrir að ný
leikskóli rúmi um 30 börn. Í fundar-
gerð byggðarráðs Borgarbyggðar frá
15. mars sl. kemur fram að samþykkt
hafi verið að bjóða út 1. og 2. áfanga
verksins og að byggðarráð leggi
áherslu á að niðurrif eldra húsnæðis
fari fram í sumar á meðan skólahald
grunnskólans liggur niðri. arg
Bjóða út fyrstu áfanga að
nýrri leikskólabyggingu
Stefnt er að því að nýtt húsnæði leikskólans Hnoðrabóls verði byggt við grunn-
skólann á Kleppjárnsreykjum. Ljósm. úr safni.
Byggingakrönum í Grundarfirði
fjölgaði um 100% á dögunum þeg-
ar að verktakafyrirtækið Ístak reisti
annan krana á framkvæmdasvæði
G.Run hf. Nú er kominn góður
skriður á framkvæmdirnar og tek-
ur svæðið breytingum á degi hverj-
um. Í gær var fyrstu steypunni hellt
í sökkulmót á byggingarstað.
tfk
Fjölgun bygg-
ingakrana í
Grundarfirði
Björgunarsveitin Lífsbjörg í Snæ-
fellsbæ fékk góða gjöf á dögun-
um þegar Lionsklúbbur Ólafsvík-
ur færði sveitinni tvo Víkinggalla
að gjöf. En kominn var tími á að
endurnýja galla sveitarinnar og hún
farin að huga að því. Þessir gallar
eru því góð byrjun á því ferli. Gall-
ar þessir eru með innbyggðu vesti
og því þægilegra að vinna í þeim og
eru þeir ætlaðir til notkunar á Sæ-
björgu, slöngubát björgunarsveit-
arinnar.
þa
Gáfu Lífsbjörgu tvo nýja galla
Tveggja daga Landsmót Sjóst-
angveiðifélags Akraness verður
nú í vikulokin. Siglt verður út frá
Akraneshöfn klukkan 6 að morgni
föstudags og bátar væntanlegir í
land aftur fyrir nónbil. Á laugar-
dag verður siglt út á sama tíma
en bátar væntanlegir klukkutíma
fyrr í land, því veiðum verður
hætt klukkan 13. Þetta er óvenju
snemma vors sem mótið er haldið,
en það er hluti af Íslandsmeistara-
mótinu. Að sögn Jóhannesar Sim-
onsen, formanns SjóSkip, hafa nú
þegar 25 veiðimenn skráð sig til
þátttöku og um tíu bátar sem til-
búnir eru að sigla með keppendur.
Því er pláss fyrir fleiri veiðimenn.
„Við búumst við stórfiskamóti
enda hafa margir aulaþorskar ver-
ið að veiðast hér á flóanum að und-
anförnu. Auðvitað vonast maður
til að metfiskar veiðist, en heims-
metið er 46 eða 47 kílóa þorskur
sem veiddist við Noregsstrend-
ur.“ Íslandsmethafi er Jóhannes
sjálfur sem veiddi 26 kílóa þorsk
á móti innanlands fyrir nokkrum
árum. Loks má geta þess að Sjó-
skip stefnir á innanfélagsmót 12.
maí nk.
mm/ Ljósm. úr safni.
Stefna að stórfiskamóti
um næstu helgi