Skessuhorn - 09.05.2018, Blaðsíða 4
MIÐVIKUDAGUR 9. MAÍ 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Þráast við grillið
Í miklu bjartsýniskasti síðastliðinn föstudag gerði ég tilraun til þess
ómögulega. Í vestan strekkingsvindi og hita rétt ofan við frostmark kveikti
ég undir grillinu á vestursvölum hússins út við svalan sæinn og reyndi
að byggja upp nægjanlega hita. Það var náttúrlega vonlaust verk og eftir
korters steikingu voru lærissneiðar af vænum dilk einungis komnar með
fölbleikan lit, en með öllu hráar að innanverðu. Þarna var náttúrlega alls
ekkert grillveður fremur en alla síðustu viku. Þótt dagatalið sýndi errlaus-
an mánuð, sem undir venjulegum kringumstæðum þýðir í mínum huga
kaldur á kantinum og grill í boði húsbóndans, þá átti það ekki við þennan
dag. Inn hélt ég því með kjetið, snöggsteikti það á pönnu og skellti í ofn-
inn. Grillið bíður því betri og hlýrri tíma.
Meðan steikin snarkaði í ofninum renndi ég yfir fréttir blaðanna. Með-
al annars las ég frásögn af ræðu Ragnars Þórs Ingólfssonar, formanns VR,
frá 1. maí. Mikið hafði þá þegar verið rætt um boðskap hans og ýmis
hagsmunaöfl samviskusamlega tekið til háværra varna. Sennilega mun
þessi ræða marka ákveðin þáttaskil í kjaraviðræðum. Ég leyni ekki þeirri
skoðun minni að Ragnar Þór hefur fært býsna ferska vinda inn í annars
ládauða hreyfingu launafólks. Það er nefnilega mín skoðun sem atvinnu-
rekanda að kjör millistétta og þeirra lægst launuðu í okkar ágæta landi
þurfa að vera öllum bjóðandi, ekki bara sumum. Lágmarkslaun eru undir
þrjú hundruð þúsund krónum og af þeirri upphæð eru jafnvel greiddar
um fimmtíu þúsund krónur í skatta. Mér er lífsins ómögulegt að skilja
hvernig fólk sem hefur nettó 250 þúsund krónur til framfærslu á mánuði
hreinlega geti það. Nægir að vísa til þróunar húsaleigu sem eðli máls-
ins samkvæmt fylgir þróun fasteignaverðs. Við sjáum fréttir af ótrúlegum
hækkunum húsaleigu, ekki síst í boði nýríkra fasteignafélaga sem rek-
in eru af svokölluðum fagfjárfestum, lífeyrissjóðum og jafnvel þeim sem
með réttu mætti kalla hrægamma samtímans.
Í ræðu sinni vék Ragnar Þór að þeirri möntru sem segir að Íslendingar
eiga aldrei að hafa haft það betra en einmitt nú kjaralega séð, aldrei hafi
verið settir meiri peningar í grunnþjónustuna og kaupmáttur launa sé
fordæmalaus. Þessu halda ráðamenn á lofti við hvert tækifæri sem gefst.
Undir þann kór taka jafnvel fulltrúar ákveðinna verkalýðsfélaga sem halda
því fram að mikill árangur hafi náðst á umliðnum árum. Ræddi Ragnar
vítt og breitt um kaupmáttinn, heilbrigðiskerfið, fjármálakerfið og hús-
næðismálið. Um þau síðastnefnda sagði hann meðal annars: „Húsnæðis-
markaðurinn er vígvöllur þar sem almenningur er að berjast vopnlaus
gegn leigurisum og okurlánastarfsemi fjármálakerfisins. Braskarar og
stóreignafélög græða á tá og fingri á meðan sveitarfélög og stjórnvöld
klóra sér í hausnum.“
Grunnþarfir okkar byggja á því að eiga í okkur og á, hafa húsaskjól og
þá þjónustu sem okkur á að vera tryggð svo sem í formi vel rekins heil-
brigðis- og menntakerfis. Ef útborguð laun duga jafnvel ekki til að standa
straum af matarinnkaupum og húsaleigu, hvað þá öðru, þá er eitthvað
mikið að. Á það bendir hin nýja forysta verkalýðsfélaga og svei þeim sem
leyfa sér að mótmæla slíkum málflutningi.
Ég kvarta ekki um kaup og kjör. Fram til þessa hef ég yfirleitt náð þeim
launum að geta talist með miðlungstekjur. Þess vegna gat ég síðastliðinn
föstudag baslað í þrjósku minni við að steikja lambalærissneiðar. En mik-
ið lifandis ósköp og skelfing vildi ég óska að allir landsmenn hefðu efni
á slíkum munaði. Þess vegna tek ég ofan fyrir þeim sem halda því fram
að gæðum landsins er ekki réttlátt skipt og því muni í komandi kjaravið-
ræðum ekki verða hvikað frá leiðréttingu í þeim efnum.
Magnús Magnússon
Leiðari
Í síðustu viku var byrjað að rífa
vatnsverksmiðjuhúsið í Rifi í Snæ-
fellsbæ og munu eigendur húss-
ins, fyrirtækið Móabyggð í Reykja-
vík, láta flytja það með skipi burt af
staðnum. Að sögn Kristins Jónas-
sonar bæjarstóra veittu skipulags-
nefnd og bæjarstjórn samþykki fyr-
ir niðurrifi hússins og því að það
yrði fjarlægt af svæðinu.
Húsið er um 7200 fermetrar að
flatarmáli og var á sinni tíð byggt af
félaginu Iceland Glacier Product.
Eins og kunnugt er fór vatnsátöpp-
un aldrei fram í húsinu. Félagið
sem stóð fyrir byggingu hússins og
væntanlegum vatnsútflutningi fór í
þrot og húsið á uppboð í framhaldi
þess. Reikna má með að ofantaka
hússins sé ekki flókið verkefni þótt
húsið sé mikið að vöxtum. Grind
þess er úr límtré og það er síðan
klætt með yleiningum sem festar
eru með skrúfum utan á grindina.
mm/af
Vatnsverksmiðjuhúsið í Rifi rifið
Í Fjölbrautaskóla Snæfellinga er
kenndur áfangi í tónlist. Þar er á
ferðinni Stórsveit Snæfellsness
sem samanstendur af nemendum
FSN. Sveitin æfir tvisvar í viku all-
an veturinn undir stjórn Baldurs
Orra Rafnssonar. Nemendurnir
sýndu afrakstur vetrarins í sal skól-
ans miðvikudaginn 2. maí síðast-
liðinn. Þá hljómuðu þekkt dæg-
urlög í bland við klassískar perlur.
Góður rómur var gerður að flutn-
ingnum og ljóst að um afar hæfi-
leikarík ungmenni er að ræða.
tfk
Big band tónleikar í sal FSN
Framkvæmdir við byggingu vallar-
húss við Ólafsvíkurvöll eru í full-
um gangi sem og við völlinn sjálf-
an og er allt kapp lagt á að hann og
húsið verði tilbúið sem fyrst. Veðr-
ið hefur þó aðeins verið að stríða
þeim sem að verkinu koma. Búið er
að reisa vallarhúsið og þegar þetta
er skrifað er vonast til þess að þak-
ið komist á sem fyrst. Inni í vallar-
húsinu verður allt rafmagn og vatn
ásamt stjórnborðum sem tengjast
gervigrasinu. Þar inni verða einn-
ig geymd öll áhöld, boltar og annað
sem nota þarf á knattspyrnuæfing-
um. Einnig verður sópurinn fyrir
gervigrasið geymdur þar. þa
Búið að reisa vallarhús við Ólafsvíkurvöll
Foreldrafélag leikskól-
ans Hnoðrabóls í Reyk-
holtsdal fór í vorferð að
Ökrum á Mýrum þriðju-
daginn 1. maí síðastlið-
inn. Ágætis veður var, á
milli élja. Góðar mót-
tökur voru svo hjá Önnu
Dröfn Sigurjónsdótt-
ur í Ensku húsunum,
en þar var grillað fyrir
hópinn. Loks var kom-
ið við í Samgöngusafn-
inu í Brákarey. Meðfylgj-
andi myndir tók Jósefina
Morell í ferðinni.
mm
Hnoðrabólsfólk í menningarferð