Skessuhorn - 09.05.2018, Blaðsíða 30

MIÐVIKUDAGUR 9. MAÍ 201830
MT: Stefán Gísli með verðlauna-
gripinn síðastliðinn sunnudag.
Hvað finnst þér best á pizzuna?
Spurni g
vikunnar
Hjördís Garðarsdóttir
Ostaveisla
Ingibjörg Anna Elíasdóttir
Pepperoni, sveppir og laukur
Ingibjörg Gestsdóttir
Sveppir, beikon, laukur og gráð-
ostur
Stefanía Sunna Róbertsdóttir
Pestó, kjúklingur, kasjúhnetur,
parmesanostur og rauðlaukur
Jóhanna Guðrún Gunnars-
dóttir
Gráðostur, paprika og skinka
(Spurt á Akranesi)
Leikið var í 32 liða úrslitum Mjólk-
urbikars karla í knattspyrnu í byrj-
un síðustu viku. Þrjú Vesturlands-
lið voru enn með í keppninni áður
en umferðin hófst; ÍA, Víkingur Ó.
og Kári. Öll sigruðu þau sína leiki
og eru því komin áfram í 16 liða úr-
slit. Næsta umferð bikarsins verður
leikin dagana 30. og 31. maí næst-
komandi.
Frábær byrjun ÍA á
Selfossi
ÍA reið á vaðið 30. apríl þegar lið-
ið mætti Selfossi á útivelli. Bæði lið
leika í 1. deild á komandi sumari.
Skagamenn hófu leikinn af krafti og
komust yfir strax á 2. mínútu með
marki frá Arnari Má Guðjónssyni.
Aðeins mínútu síðar var brotið á
Ólafi Val Valdimarssyni í vítateign-
um og vítaspyrna dæmd. Þórður
Þorsteinn Þórðarson fór á punktinn
og skoraði af öryggi. Frábær byrj-
un Skagamanna sló heimamenn út
af laginu og þurftu þeir góðan tíma
til að komast inn í leikinn aftur. Þeir
náðu að minnka muninn á 25. mín-
útu með marki frá Gilles Ondo en
Skagamenn voru áfram sterkari. Á
43. mínútu fékk Stefán Teitur Þórð-
arson laglega stungusendingu inn
fyrir vörn Selfyssinga og skoraði
með góðu skoti. Staðan í hálfleik
1-3 fyrir ÍA. Síðari hálfleikur var
ekki eins fjörugur og sá fyrri. Skaga-
menn láu til baka, þéttu vörnina og
beittu skyndisóknum. Á 85. mín-
útu kom löng sending fram völlinn,
beint á Steinar Þorsteinsson sem
var einn og óvaldaður. Hann skor-
aði fjórða mark ÍA og innsiglaði 1-4
sigur. Í næstu umferð bikarsins fara
Skagamenn suður með sjó og mæta
úrvalsdeildarliði Grindavíkur.
Augljós getumunur
Þriðjudaginn 1. maí ferðuðust liðs-
menn Víkings Ó. til Hveragerðis
og mættu 4. deildar liði Hamars.
Heimamenn byrjuðu leikinn afar
vel, náðu forystunni strax á 4. mín-
útu með marki frá Samuel Mason
og komust síðan í 2-0 á 25. mín-
útu þegar Samuel skoraði aftur. En
eftir það tóku liðsmenn Víkings Ó.
við sér og sýndu af hverju þeir eru
þremur deildum fyrir ofan Hamar.
Þeir minnkuðu muninn á 31. mín-
útu þegar heimaenn skoruðu sjálfs-
mark. Skömmu síðar jöfnuðu þeir
metin með marki frá Kwame Quee
og rétt fyrir hálfleik voru þeir komn-
ir yfir eftir að Emmanuel Eli Keke
skoraði. Staðan 2-3 í hálfleik. Bjart-
ur Bjarmi Barkarson kom Víkingi í
2-4 snemma í síðari hálfleik en eftir
það varð bið á næstu mörkum. Ívar
Reynir Antonsson kom Víkingi í 2-5
á 82. mínútu en heimamenn náðu
að klóra í bakkann undir lokin með
marki Dimitrije Pobulic og lokatöl-
ur urðu 3-5 fyrir Víking Ó. Ólafs-
víkingar mæta Fram á útivelli í 16
liða úrslitum bikarsins.
Markaregn
í framlengingu
Káramenn voru rauðklæddir á bar-
áttudegi verkalýðsins þegar þeir
tóku á móti Hetti frá Egilsstöðum
í Akraneshöllinni. Bæði leika lið-
in í 2. deildinni. Leikurinn var væg-
ast sagt kaflaskiptur og úrslitin réð-
ust ekki fyrr en eftir framlengingu.
Káramenn voru heilt yfir sterkari í
venjulegum leiktíma en Hattarmenn
vörðust vel og léku skipulega. Með
heppni hefðu gestirnir hæglega geta
stolið sigrinum. Markalaust var eft-
ir 90 mínútur en mörkunum átti eft-
ir að rigna inn í framlengingunni.
Jón Vilhelm Ákason kom Kára yfir á
fyrstu sekúndum framlengingarinn-
ar með skalla af stuttu færi eftir góða
sókn Kára og ótrúlega markvörslu
markvarðar Hattar. Skömmu síðar
jafnaði Sæbjörn Guðlaugsson fyrir
gestina og staðan 1-1 eftir fyrri hluta
framlengingarinnar. Eftir að flaut-
að var til síðari hluta framlenging-
ar náðu Káramenn góðum kafla og
gerðu út um leikinn. Á fjögurra mín-
útna kafla skoraði Ragnar Már Lárus-
son tvisvar og Jón Vilhelm einu sinni
og Káramenn komnir í 4-1. Halldór
Bjarki Guðmundsson minnkaði met-
in í 4-2 á 112. mínútu en Alexand-
er Már Þorláksson innsiglaði 5-2 sig-
ur Kára á lokamínútunni. Káramenn
eru þar með komnir í 16 liða úrslit
bikarkeppninnar í fyrsta sinn í sögu
félagsins. Þar mæta þeir úrvalsdeild-
arliði Víkings R. Sá leikur fer fram á
Akranesi. kgk
Öll Vesturlandsliðin áfram í bikarnum
Steinar Þorsteinsson skoraði fyrir ÍA í stórsigri á Selfyssingum.
Ljósm. úr safni/ gbh.
Fjórtán ungir og efnilegir sund-
kappar úr Sundfélagi Akraness
héldu í keppnisferð til Farum í
Danmörku um liðna helgi. Í til-
kynningu frá sundfélaginu segir að
sundkapparnir hafi staðið sig vel og
margir bætt sinn besta árangur.
Kristján Magnússon vann gull-
verðlaun í 100 m skriðsundi og
hreppti bronsið í 200 m skriðsundi,
100 m baksundi og 50 m baksundi.
Guðbjarni Sigþórsson setti tvö ný
Akranesmet í mótinu. Hann bætti
eigið Akranesmet í 100 m flugsundi
um fjórar sekúndur og eigið met í
50 m flugsundi um hálfa sekúndu.
Þá náðu þrír sundmenn í fyrsta sinn
lágmörkum fyrir Aldursflokka-
meistaramót Íslands. Það voru þau
Auður María Lárusdóttir, Mateusz
Kuptel og Bjarni Snær Skarphéð-
insson.
„Mótið fór fram á laugardag og
sunnudag en eftir það héldu krakk-
arnir til Kaupmannahafnar þar sem
borgin var skoðuð og Tívolí heim-
sótt,“ segir í tilkynningu sund-
félagsins. kgk
Gerðu gott
mót í Danmörku
Keppendur Sundfélags Akraness á mótinu í Danmörku. Guðbjörg Bjartey Guð-
mundsdóttir, Ingibjörg Svava Magnúsardóttir, Íris Rakel Aðalsteinsdóttir, Kristján
Magnússon, Auður María Lárusdóttir, Karen Káradóttir, Helga Rós Ingimarsdóttir,
Íris Petra Jónsdóttir, Aldís Thea Glad Danielsdóttir, Freyja Hrönn Jónsdottir,
Bjarni Snær Skarphéðinsson, Tómas Týr Tómasson, Mateuz Kuptel og Guðbjarni
Sigþórsson.
Krakkarnir njóta sín í veðurblíðunni í Danaveldi.
Víkingur Ó. vann góðan útisigur á
ÍR, 0-2, þegar liðin mættust í fyrstu
umferð 1. deildar karla í knatt-
spyrnu á laugardag. Þeir Ibrahim
Sorie Barrie og Gonzalo Zamor-
ano skoruðu mörk Víkings í síðari
hálfleik.
Heimamenn í ÍR voru heldur
ákveðnari í upphafi leiks en liðs-
menn Víkings Ó. náðu helst að
ógna markinu eftir föst leikatriði.
Leikurinn var engu að síður nokk-
uð líflegur eftir að liðin höfðu gefið
sér nokkrar mínútur í að læra inn
á vindinn. Litlu munaði að ÍR-ing-
ar kæmust yfir á 20. mínútu en þeir
skölluðu boltann rétt yfir eftir góða
fyrirgjöf. Næsta korterið eða svo
datt leikurinn aðeins niður og fátt
markvert gerðist. Það sem eftir lifði
fyrri hálfleiks voru Ólafsvíkingar
mun hættulegri. Fyrst átti Krist-
inn Magnús Pétursson skot rétt
framhjá úr dauðafæri eftir undir-
búning Gonzalo. Næst átti Kwame
Quee þrumuskalla að marki ÍR sem
Patrik Sigurður Gunnarsson varði
meistaralega og staðan markalaus í
hléinu.
Síðari hálfleikur var daufur fyrst
um sinn og sterkur vindur gerði
leikmönnum erfitt fyrir. Það var því
nánast sem þruma úr heiðskíru lofti
þegar Víkingur skoraði á 57. mín-
útu. Gonzalo átti góða hornspyrnu
sem skoppaði í gegnum þvöguna á
Ibrahim sem þrumaði honum upp í
markhornið. ÍR-ingar sóttu aðeins
í sig veðrið eftir markið en sköp-
uðu sér engin alvöru færi. Það var
heldur að Víkingur bætti við. Sú
varð einmitt raunin á 83. mínútu.
Ingibergur Kort Sigurðsson átti
þá góðan sprett upphægri kantinn
áður en hann lagði boltann á Gon-
zalo sem skoraði af öryggi og inn-
siglaði sigur Víkings.
Með sigrinum krækti Víkingur
Ó. í þrjú stig og situr liðið í öðru
sæti deildarinnar með þrjú stig, rétt
eins og HK og ÍA í sætunum fyrir
ofan og neðan. Næst mætir Víking-
ur Ó. liði HK. Sá leikur fer fram í
Kórnum í Kópavogi næstkomandi
laugardag, 12. maí.
kgk
Víkingur Ó. sótti
sigur í fyrsta leik
Svipmynd frá leiknum á laugardaginn. Ljósm. þa.